.          🙏  ଭକ୍ତିପୂର୍ବକ ଶ୍ରଦ୍ଧାଞ୍ଜଳୀ 🙏 ମାନବ ଜୀବନ ନୁହଁଇ କେବଳ ବର୍ଷ ମାସ ମାନ  ଦଣ୍ଡ... ମଣିଷ ଏହି ଧରା ପୃଷ୍ଠରେ ଜନ୍ମ ନେଇଥିଲେ ମଧ୍ୟ ତାର କର୍ମକ୍ଷେତ୍ର ରେ ତ୍ୱରାନ୍ୱିତ ହୋଇ ପୁଣି ଥରେ ଫେରିଯାଏ ଆଉ ଏକ ନୂତନ ଦିଗନ୍ତ କୁ, ଇହଲୀଳା ସମ୍ବରଣ କରିଥାଏ l ଏହା ହେଉଛି ଆମ ଜୀବନର ରଙ୍ଗମଞ୍ଚ, ଏହି ରଙ୍ଗମଞ୍ଚ ରେ ଅଭିନୟ କରି ସେ ଛାଡିଯାଇଥିବା ସ୍ମୃତି ଅନୁଭୂତି କୁ ତାଙ୍କର ପିଢ଼ିମାନେ ମନେ ପକାଇଥାନ୍ତି l ଏମିତି ଜଣେ ସଫଳ ବ୍ୟକ୍ତିତ୍ୱ ଯିଏକି ନିଜ ଚାକିରୀ କ୍ଷେତ୍ରରେ ସମସ୍ତଙ୍କୁ ନିଜର, କର୍ମମୟ ଜୀବନରେ ଭଲ ପାଇଆସୁଥିବା ବ୍ୟକ୍ତିତ୍ୱ ସେ ହେଉଛନ୍ତି ସ୍ଵର୍ଗତ ଭାଗବାନ କର I ସ୍ଵର୍ଗତ କର ତା ୦୨/୦୪/୧୯୪୧ ମସିହାରେ କେନ୍ଦୁଝର ଜିଲ୍ଲା ଅଙ୍ଗାରୁଆ ଶାସନ ର ଏକ ସମ୍ରାନ୍ତ ପରିବାରରେ ଜନ୍ମ ଗ୍ରହଣ କରିଥିଲେ l ସେତେବେଳ ସମୟରେ ୧୯ ୫୬ ମସିହାରେ ସେ ନିଜର ଏକାଦଶ ପାଠପଢ଼ା ଶେଷ କରି ଇଞ୍ଜିନିୟରିଂ ପାଠ ପଢ଼ିଥିଲେ l ପରେ ଓଡ଼ିଶା ସରକାର ଙ୍କ ଖଣି ବିଭାଗରେ ପରିଚାଳକ ଭାବେ ୧୯୬୦ ମସିହାରେ ଯୋଗ ଦେଇଥିଲେ l ଏହା ପରେ ଦୀର୍ଘ ୩୩ ବର୍ଷ କର୍ଯ୍ୟ କରିବାପରେ ୧୯୯୩ ମସିହାରେ ସ୍ଵେଚ୍ଛାକୃତ ଅବସର ଗ୍ରହଣ କରିଥିଲେ l ତାଙ୍କର ଚାକିରି ଜୀବନ ଭିତରେ ସେ ଓଡ଼ିଶା ଖଣି ନିଗମ ଅଧୀନରେ ଥିବା ଦୈତାରୀ, କଲରଙ୍ଗୀ, ଯାଜପୁର ରୋଡ଼,ବଣାଇ, କୋଇଡ଼ା, ଯୋଡ଼ା, ଦଣ୍ଡାଧର, ଗନ୍ଧମାର୍ଦ୍ଦନ, କାଠପାଳ ଆଦି ବିଭିନ୍ନ କ୍ଷେତ୍ରର

    (ସୁକିନ୍ଦା ରାଜନୀତି ସରଗରମ ରହିଛି)  ଯାଜପୁର (ବ୍ୟୁରୋ ରିପୋର୍ଟ ) :- ଯାଜପୁର ଜିଲ୍ଲାର ସୁକିନ୍ଦା ନିର୍ବାଚନ ମଣ୍ତଳୀ ରାଜ୍ୟର ଏକ ଚର୍ଚ୍ଚିତ ନିର୍ବାଚନ ମଣ୍ତଳୀ ଭାବରେ ପରିଚିତ । ଏହି ନିର୍ବାଚନ ମଣ୍ତଳିର ଗୋଟିଏ ପାଶ୍ବରେ ବଡ଼ ବଡ଼ ଶିଳ୍ପ ପୁଞ୍ଜି ନିଵେଶ କରୁଥିବା ବେଳେ ଅନ୍ୟ ପାଶ୍ବରେ ୯ ଉର୍ଦ୍ଧ୍ବ କ୍ରୋମାଟି ଖଣି ରହିଛି । ଯାହାକୁ ନେଇ ସର୍ବଦା ଚର୍ଚ୍ଚା ରେ ରହିଥିବା ଏହି ନିର୍ବାଚନ ମଣ୍ତଳି ରେ ଦିର୍ଘ ୯୦ ଦଶକରୁ ବିଜେଡି ଗଡ଼ ବା ଘଡେଇ ଗଡ଼ ଭାବରେ ପରିଚିତ ହୋଇ ଆସୁଥିବା ବେଳେ ୧୯୮୧ ମସିହାରୁ ଏଠାରେ ପ୍ରଥମେ ପୂର୍ବତନ ମନ୍ତ୍ରୀ ତଥା ବର୍ତ୍ତମାନ ର ବିଧାୟକ ବା ମନ୍ତ୍ରୀ ପ୍ରୀତିରଂଜନ ଘଡାଇଙ୍କ ବାପା ବିଧାୟକ ହୋଇ ଆସୁଥିଲେ ବର୍ତ୍ତମାନ ତାଙ୍କ ପୁତ୍ର ପ୍ରୀତିରଂଜ ଘଡାଇ ଏଠାରେ ବିଧାୟକ ରହିଛନ୍ତି । କୁହା ଯାଏ ଘଡେଇ ପରିବାର ର ଲଗାତର ବିଜୟ ବାନା ଉଡିବାର ମୂଳ କାରଣ ଖଣି ଅଂଚଳର ଶ୍ରମିକ ସଂଘ ଓ ଖଣି ଅଂଚଳ ର ୪ ଟି ପଂଚୟତର ଏକତଫା ଭୋଟ କୁ ନେଇ । କିନ୍ତୁ ଏବେ ଏହାର ଜବାବ ଦେଇଛି ବିଜେପି ଆଜି ସେଇ ୪ ପଂଚୟତର ଶହ ଶହ ବିଜେପି କର୍ମକର୍ତ୍ତା ଙ୍କୁ ନେଇ ଘଡେଇ ଙ୍କ ଗଡ଼ କୁହା ଯାଉଥିବା କଳିଆପଣି ର ଚିଗୁଡ଼ିପାଳ ପଂଚାୟତରେ ଏକ ବିଶାଳ ବନ୍ଧୁ ମିଳନ କରି ଘଡେଇ ଗଡ଼ ରେ ପଦ୍ମର ଛାଟ ଲେଇଛନ୍ତି ସୁକିନ୍ଦାର ବିଜେପି ବିଧାୟକ ପ୍ରାର୍ଥୀ ନେତା ପ୍ରଦିପ ବଳ ସାମ

(କାହା ଇଙ୍ଗିତରେ ବାହାର ରାଜ୍ୟରୁ ଆସୁଥିବା କମ୍ପାନୀ ଲୁଟୁଥିଲା ରାଜସ୍ୱ?)  ଯାଜପୁର (ଦାନଗଦି) - ଦାନଗଦୀ ବ୍ଲକ ଅନ୍ତର୍ଗତ ଗୋବର୍ଦ୍ଧନ ଆର୍ ଆଇ ଙ୍କ ଅଧୀନରେ ଥିବା ଜନିନ୍ଦାପାଳ ର ଖାତା ନଂ ୧୨୦/ ପ୍ଲଟ ନଂ ୩୮୨ ରୁ ବାହାର ରାଜ୍ୟରୁ ଆସିଥିବା ଏକ କମ୍ପାନୀ" ଶିବମ କାଣ୍ଡକ୍ଟ ବୁରିଇଲ" ବେଆଇନ୍ ଭାବେ ସରକାରୀ ଟ୍ୟାକ୍ସ ରାଜସ୍ୱ କୁ ଲୁଟୁଥିବା ନଜରରେ ଆସିଥିଲା l ଦାନଗଦୀ ଆଡିସିନାଲ ତହସିଲଦାର ଗୋବର୍ଦ୍ଧନ ପୁର ଆରଆଇ ଙ୍କୁ ଏ ବିଷୟରେ ରିପୋର୍ଟ କରି ଥିଲେ l ସେହି ରିପୋର୍ଟ ଆଧାରରେ ଆଡିସିନାଲ ତହସିଲଦାର, ଟମକା ଥାନା ଅଧିକାରୀ ଓ ଆରଆଇ ଙ୍କ ଦ୍ଵାରା ସମୂହ ଚଢ଼ାଉ କରିଥିଲେ l ଚଢ଼ାଉ ବେଳେ ଉକ୍ତ ସ୍ଥାନରୁ ଏକ ହାଉୱା ଗାଡ଼ି ଯାହାର ନମ୍ବର OD02 DB3194 କୁ ନିଜ ହେପାଜତକୁ ନେଇ ଥିବା ବେଳେ ଅନ୍ୟ ଦୁଇଟି ହାୱା ଗାଡ଼ି ଖସି ପଳାଇବାକୁ ସକ୍ଷମ ହୋଇଥିଲେ ଯାହାର ନମ୍ବର ଥିଲା OD04BR8948 ଏବଂ OD04KS 1277 - ଜବଦ ଗାଡିର ଡ୍ରାଇଭର ଅଶୋକ କୁରୁଗାଁଓ କୁ ଗିରଫ କରିଥିବା ଜଣାପଡିଛି l ପୁଲିସ୍ ମାମଲାରେ କମ୍ପାନୀ ର ବିକାଶ କୁମାର ଙ୍କୁ ଖୋଜୁଥିବା ଏବଂ ଖୁବ୍ ଶୀଘ୍ର ଗିରଫ କରିବା ପାଇଁ ପ୍ରୟାସ ଜାରି ରହିଛି ବୋଲି ଟମକା ଥାନା ଅଧିକାରୀ ସୁଶାନ୍ତ କୁମାର ପାତ୍ର ସୂଚନା ଦେଇଛନ୍ତି l 

(ଘଟଣାର ୪ ଘଣ୍ଟା ଭିତରେ ନଗର ଉନ୍ନୟନ ବିଭାଗ କଲା ବଦଳି l)  ଯାଜପୁର :- ବ୍ୟାସନଗର ପୌରପରିଷଦରେ ଚାଲିଥିଲା ପ୍ରଶାସନ ଓ ଶାସକ ଦଳ ମଧ୍ୟରେ ଚାଲେଞ୍ଜ l ଦୀର୍ଘ ୩ ମାସରୁ ଉର୍ଦ୍ଧ ହେବ ପୌରନିର୍ବାହୀ ଅଧିକାରୀ ଅଶୋକ ରାଉତ ଓ ପୌରାଧ୍ୟକ୍ଷା ସଙ୍ଗୀତା ପିଙ୍ଗୁଆଙ୍କ ମଧ୍ୟରେ ଚାଲିଥିଲା ଶୀତଳ ଯୁଦ୍ଧ l ଫଳରେ ନିର୍ବାହୀ ଅଧିକାରୀ ଅଶୋକ ରାଉତଙ୍କ ବାରମ୍ବାର ଅସହଯୋଗ ବ୍ୟାସନଗର ସହରର ଉନ୍ନତି ମୂଳକ କାର୍ଯ୍ୟରେ ବାଧା ସୃଷ୍ଟି ହେଉଥିଲା l ଏନେଇ ହଠାତ ସରକାରଙ୍କ ନଗର ଉନ୍ନୟନ ବିଭାଗ ଚିଠି ସଂଖ୍ୟା ୧୯୦୫୬ ରେ ଶ୍ରୀ ରାଉତଙ୍କୁ ଖଣ୍ଡପଡା ଏନ.ଏ.ସି କୁ ବଦଳି କରିଛନ୍ତି ଏବଂ ସରକାରଙ୍କ ନିର୍ଦେଶ ମିଳିବାପରେ ଚିଠି ସଂଖ୍ୟା ୪୧୦୬ ରେ ପୌରାଧ୍ୟକ୍ଷା ରିଲିଫ କରିଥିଲେ l           ନିର୍ବାହୀ ଅଧିକାରୀ ଅଶୋକ ରାଉତ  I  ଏନେଇ ଯାଜପୁର ଜିଲ୍ଲାପାଳ ଚକ୍ରବର୍ତ୍ତୀ ସିଂ ରାଠୋର ନିର୍ବାହୀ ଅଧିକାରୀଙ୍କ ଦାୟିତ୍ୱକୁ ବ୍ୟାସନଗରର ଅତିରିକ୍ତ ତହସିଲଦାର ବିକ୍ରମ ମଲ୍ଲିକଙ୍କୁ ପ୍ରଦାନ କରିଛନ୍ତି l ସୂଚନା ଥାଉକି ଗତ ୧୫ ତାରିଖ ଦିନ ବକେୟା ଦରମାକୁ ନେଇ ସଫେଇ କର୍ମଚାରୀଙ୍କ ଆନ୍ଦୋଳନ ଜୋରଦାର ହୋଇଥିଲା l ଏହି ଆନ୍ଦୋଳନ ନିର୍ବାହୀ ଅଧିକାରୀଙ୍କ କଳା କାର୍ଣ୍ଣାମାକୁ ପଦାରେ ପକାଇଛି l ଯେଉଁ ଗରିବ ସଫେଇ କର୍ମଚାରୀଙ୍କ ଦ୍ୱାରା ବ୍ୟାସନଗର ସହରର ପରିମଳ ବ୍ୟବସ୍ଥା ସହରକୁ ସୌନ୍ଦର୍ଯ୍ୟକରଣ କରୁଛି ଆଜି ସେଇ ସଫେଇ କର୍ମଚାର

ଦାନଗଦୀ :- ଯାଜପୁର ଜିଲ୍ଲା ଦାନଗଦୀ ବ୍ଲକ ଅନ୍ତର୍ଗତ ଜଖପୁରା ରେଲୱେ ଷ୍ଟେସନ ଓ ତାର ପାର୍ଶ୍ୱବର୍ତ୍ତୀ ଅଞ୍ଚଳ ବିଭିନ୍ନ ପ୍ରକାରର ସମସ୍ୟା କୁ ନେଇ ୬ଟି ପଞ୍ଚାୟତ ର ଜନପ୍ରତିନିଧି ଓ ସ୍ଥାନୀୟ ଅଂଚଳର ବୁଦ୍ଧିଜୀବୀ ମହଲରେ ଦାବି ହେଉଛି l କଳିଙ୍ଗନଗର ରେ ଶିଳ୍ପ କାରଖାନା ଗଢି ଉଠିବା ପରେ ଅଧିକାଂଶ କାରଖାନା ତାଙ୍କର କଞ୍ଚାମାଲ ଏବଂ ଉତ୍ପାଦର ପରିବହନ ପାଇଁ ମୁଖ୍ୟତଃ ଯଖପୁରା ରେଳ ଷ୍ଟେସନ ଉପରେ ନିର୍ଭର କରିଥାନ୍ତି l ଏହି ଷ୍ଟେସନ ରୁ ହରିଦାସପୁର ରୁ ପାରାଦୀପ ରେଳ ଧାରଣା, ଟାଟା କାରଖାନା, କେନ୍ଦୁଝର ଗଡ, ଦୈତାରୀ - ବାଂଶପାଣି ଅଞ୍ଚଳରୁ ଲୁହା ପଥର, କୋଇଲା ଭଳି ଖଣିଜପଦାର୍ଥ କଞ୍ଚାମାଲ ଓ କାରଖାନା ମାନଙ୍କର ଉତ୍ପାଦ ସବୁ ପରିବହନ ହୋଇଥାଏ l କିନ୍ତୁ ବିଡ଼ମ୍ବନାର ବିଷୟ ଏହି ଷ୍ଟେସନ କିମ୍ବା ଏହାର ଆଖପାଖ ଅଞ୍ଚଳର ବିଶେଷ କିଛି ଉନ୍ନତି ହୋଇପାରି ନାହଁ l ରେଳ ବିଭାଗ ପକ୍ଷରୁ ଏହି ଷ୍ଟେସନ ଟିକୁ ଜଂକସନ ର ମାନ୍ୟତା ଦିଆଯାଇଥିଲେ ମଧ୍ୟ ଅନ୍ୟ ଜଙ୍କସନ ଭଳି ସରକାର ଏହି ଷ୍ଟେସନ ର ଉନ୍ନତି ପାଇଁ କୌଣସି ଉତ୍ସାହ ଦେଖାଉ ନ ଥିବା ପରିଲକ୍ଷିତ ହେଉଛି l ଏହି ଷ୍ଟେସନ ରୁ କୋଟି କୋଟି ଟଙ୍କା ର ରାଜସ୍ଵ ସରକାର ଙ୍କ ରାଜକୋଷ କୁ ଯାଉଥିବା ବେଳେ ପାର୍ଶ୍ଵବର୍ତ୍ତୀ ୬ ଟି ପଞ୍ଚାୟତ ର ଗ୍ରାମବାସୀ ନିଜ ଜୀବିକା ବଞ୍ଚାଇବାକୁ ସଂଘର୍ଷ କରୁଛନ୍ତି l ଯଖପୁରା ରେଳ ଷ୍ଟେସନ ର ଉତ୍ତର ଦିଗରେ ଥିବ

କଟକ (ବ୍ୟୁରୋ ରିପୋର୍ଟ) :- ବହୁ ଚର୍ଚ୍ଚିତ ଗ୍ରାହମ ଷ୍ଟେନ ହତ୍ୟା କାଣ୍ଡ ରେ ଓଡିଶା ର କେନ୍ଦୁଝର ଜିଲ୍ଲା ଜେଲ ରେ ଆଜୀବନ କାରାଦଣ୍ଡ ଭୋଗ କରୁଛନ୍ତି ଦାରା ସିଂ। ବିଗତ ୨୦୦୦ ମସିହାରେ ବାରିପଦା ମନହରପୁର ରେ ଗ୍ରାହମ ଷ୍ଟେନ ଓ ତାଙ୍କ ପରିବାର କୁ ସୋଇଥିବା ଅବସ୍ଥାରେ ନିର୍ମମ ଭାବେ ପୋଡି ମାରିଥିଲେ ଦାରା ସିଂ l ତେବେ ଧର୍ମ ପରିବର୍ତ୍ତନ ପାଇଁ ହିନ୍ଦୁ ଧର୍ମର ଲୋକମାନଙ୍କୁ ପ୍ରବର୍ତ୍ତାଇବା କଥା କୁ କେନ୍ଦ୍ର କରି ଦାରା ସିଂ ଏହି ନାରକୀୟ ହତ୍ୟାକାଣ୍ଡ ଘଟାଇ ଥିଲେ।ଏହି ଘଟଣା କୁ ବହୁ ବର୍ଷ ବିତିଯିବା ସହ ଦାରା ସିଂ ଦୀର୍ଘ ବର୍ଷ କାରାଦଣ୍ଡ ଭୋଗି ସାରିଲେଣି I ଏହି କେଶ ର ଉଦ୍ଦେଶ୍ୟ ଓ ତୀବ୍ରତା କୁ ବିଚାରକୁ ନେଇ ଦାରା ସିଂ ଙ୍କ ଦଣ୍ଡ କୋହଳ କରି ତାଙ୍କୁ ଏକ ସାମାଜିକ ଜୀବନ ବଞ୍ଚିବାର ସୁଯୋଗ ଦେବା ପାଇଁ ନେତାଜୀ ସୁଭାଷ ସେନା ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଜି ଓ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କୁ ଚିଠି ଲେଖିଛନ୍ତି। ନେତାଜୀ ସୁଭାଷ ସେନା ଏଭଳି ନାରକୀୟ କାଣ୍ଡ କୁ ସମର୍ଥନ କରୁନାହିଁ,କିନ୍ତୁ ଦାରା ସିଂ ଙ୍କୁ ତାଙ୍କ ଶେଷ ଜୀବନ ରେ ସମାଜ ରେ ବଞ୍ଚିବା ପାଇଁ ଏକ ସୁଯୋଗ ଦେବା ପାଇଁ ସେନା ର ଉଦ୍ଦେଶ୍ୟ । ଦାରା ସିଂ କୁ ମାନବଧର୍ମୀ ବିଚାର ପ୍ରକିୟାଭୁକ୍ତ କରାଯିବ ବୋଲି ନେତାଜୀ ସୁଭାଷ ସେନା ଆଶାବାଦୀ।

ଯାଜପୁର(କଳିଙ୍ଗନଗର) :- ଜିଲ୍ଲା ର ଦାନଗଦି ବ୍ଲକ ଅନ୍ତର୍ଗତ ଜେସିଡ଼ିଏଲ କଳିଙ୍ଗନଗର ଠାରେ ବିସ୍ଥାପିତ ପରିବାର ଓ ମାନ୍ୟବର ମନ୍ତ୍ରୀ ଗ୍ରାମ୍ଯଉନ୍ନୟନ ଶ୍ରୀଯୁକ୍ତ ପ୍ରିତିରଞ୍ଜନ ଘଡ଼ାଇ ଓ ଜିନ୍ଦାଲ ଷ୍ଟିଲ ର ଅଧିକାରୀ ଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ବିସ୍ଥାପିତ ଲୋକମାନଙ୍କର ବିଭିନ୍ନ ସମସ୍ୟାକୁ ନେଇ ଆଲୋଚନା ହୋଇଥିଲା l ବିସ୍ଥାପିତ ହୋଇଥିବା ପରିବାରଙ୍କ ବିଭିନ୍ନ ଦାବିକୁ ବିଚାର କୁ ନେଇ ତାଙ୍କ ଦାବି ଅନୁଯାୟୀ ଯେଉଁ ବିସ୍ଥାପିତ ପରିବାରର ବିଧବା ମହିଳା ଅଛନ୍ତି ସେମାନଙ୍କୁ ଜେଏସଏଲ୍ କାରଖାନାରେ ପ୍ରଥମେ ସ୍ଥାୟୀ ନିଯୁକ୍ତି ଯୋଗ୍ୟତା ଭିତ୍ତିରେ ଦିଆଯିବ।ସମୁଦାୟ ୨୭ ଜଣ ବିଧବା ମହିଳାଙ୍କୁ ପ୍ରଥମେ ଅଗ୍ରାଧିକାର ଦିଆଯିବ। ତାପରେ ବିଭିନ୍ନ ସ୍ତରରେ ସ୍ଥାନୀୟ ଯୁବକ ମାନଙ୍କୁ ଯୋଗ୍ୟତା ଭିତ୍ତିରେ ନିଯୁକ୍ତି ଦିଆଯିବ। ମୋଟ ୨୭ ଜଣ ଜମିହରା ଯୁବକଙ୍କୁ ବିଭିନ୍ନ ସ୍ତରରେ ନିଯୁକ୍ତି ଦିଆଯିବ।ଏହି ପରିପ୍ରେକ୍ଷୀରେ କାରଖାନାର ଅଧିକାରୀ ବିସ୍ଥାପିତ ପରିବାରର ଅନେକ ସମସ୍ୟାକୁ ହୃଦୟଙ୍ଗମ କରି ଦାବି ପୂରଣ ପାଇଁ ପ୍ରତିଶ୍ରୁତି ଦେଇଛନ୍ତି ।ଯାହାଫଳରେ ଆଜକୁ ୮ ଦିନହେବ ଚାଲିଆସୁଥିବା ବିସ୍ଥାପିତ ପରିବାର ଙ୍କ ଆନ୍ଦୋଳନର ସମାପ୍ତି ଘଟିଛି।ଏହି ବୈଠକରେ ଅନ୍ୟମାନଙ୍କ ମଧ୍ୟରେ ଜେ ଏସ୍ ଏଲ୍ ର ଶସିସେଖର ଉପାଧ୍ୟାୟ ଆବାସିକ ନିର୍ଦ୍ଦେଶକ ,ଅଧିକାରୀ ନୀଳମାଧବ ରଥ,ଅତିରିକ୍ତ