ସାଲେପୁର - (ବ୍ୟୁରୋ) ସାଲେପୁର କେନ୍ଦୁପାଟଣା ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ତିନିଜଣ ଯୁବକ ମୃତ୍ଯୁ ବରଣ କରିବା ଖବର ମିଳିଛି l ତିନି ଜଣ ଯୁବକ ଗୋଟିଏ ମୋଟରସାଇକଲ୍ ରେ ଯାଉଥିବା ବେଳେ ଏକ ଅଜଣା ଗାଡି ଧକ୍କାରେ ସେମାନେ ରାସ୍ତା ଉପରେ ପଡିଥିବା ଦେଖି ସ୍ଥାନୀୟ ଲୋକେ ପୋଲିସ କୁ ଖବର ଦେଇଥିଲେ, ପୋଲିସ ସହାୟତାରେ ସେମାନଙ୍କୁ ସାଲେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ନିଆଯାଇଥିଲା କିନ୍ତୁ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ l ସେମାନେ ସେ ଅଞ୍ଚଳର ନନ୍ଦଳାଗଡ଼ ର ବୋଲି ଅନୁମାନ କରାଯାଉଛି l 

ଯାଜପୁର /ସୁକିନ୍ଦା - ସୁକିନ୍ଦା ବ୍ଲକ ଅନ୍ତର୍ଗତ ବିଭିନ୍ନ ସରକାରୀ ସାଇରାତ୍ ଉପରେ ସୁକିନ୍ଦା ତହସିଲଦାର ଓ ଥାନା ଅଧିକାରୀ ଚଢ଼ାଉ କରିଥିବା ସୂଚନା ମିଳିଛି l ଗତ ୧୩ ତାରିଖରେ ସୁକିନ୍ଦା ଥାନା ଅଧିକାରୀ ଦୁଦୁଜୋରି ପଞ୍ଚାୟତରେ ଚଢ଼ାଉ କରି ବେଆଇନ୍ ମୋରମ୍ ଖୋଦନ ରେ ବ୍ୟବହୃତ ଦୁଇ ହାୱା ଏବଂ ସେମାନଙ୍କୁ ତେଲ ଯୋଗାଉ ଥିବା ଏକ ଜୀପ୍ କୁ  ଜବଦ କରିଥିବା ବେଳେ ୨୨ ତାରିଖ ଦିନ ସକାଳେ ହରିପୁର ମୌଜାର ଅତା, ବରତଣ୍ଡା ଅଞ୍ଚଳର ପାଣ୍ଡରା ନଦୀ ଘାଟ ଉପରେ ଚଢ଼ାଉ କରି ୧୫ ଟି ଗାଡ଼ିରେ ବେଆଇନ୍ ଭାବେ ବାଲି ଉତ୍ତୋଳନ ବେଳେ ୭ ଟି ଟ୍ରାକଟର କୁ ଧରିଛି ସୁକିନ୍ଦା ତହସିଲ l ଏହି ୭ ଟି ଟ୍ରାକଟର ମଧ୍ୟରୁ ୫ ଟି ଟ୍ରାକଟର ରେଜିଷ୍ଟର ନମ୍ବର ନ ଥିବାରୁ ସୁକିନ୍ଦା ଥାନା ଅଧିକାରୀ ଏ ନେଇ ଯାଜପୁର ଓ ଚଣ୍ଡିଖୋଲ ପରିବହନ ବିଭାଗ କୁ ଜଣାଇଥିଲେ l ଏହି ଚଢ଼ାଉ ରେ ସୁକିନ୍ଦା ତହସିଲଦାର ଡ. ବିଶ୍ଵଜିତ ଦାସ ଙ୍କ ସହ ଥାନା ଅଧିକାରୀ ବିଚିତ୍ରାନନ୍ଦ ସେଠୀ ଥିଲେ l ସୁକିନ୍ଦା ଅଞ୍ଚଳରେ ଲଘୁଖଣିଜ ମାଫିଆମାନେ ପଥର, ବାଲି ଓ ମୋରମ୍ ମାଫିଆଙ୍କ ପ୍ରାଦୁର୍ଭାବ ବଢିବାରେ ଲାଗିଛି ଏବଂ ଏଥିରେ ତହସିଲ ର କିଛି ଅସାଧୁ କର୍ମଚାରୀ ସାମିଲ ଥିବା ସାଧାରଣରେ ଆଲୋଚନା ହେଉଛି l Rita vision 

ଯାଜପୁର - ଗୁଣ ଥିଲେ ମଣିଷ ସବୁ ସ୍ଥାନରେ ସମ୍ମାନ ର ପାତ୍ର ହୋଇପାରେ l ସେହିଭଳି ଜଣେ ପ୍ରତିଭା ଆମ ନଜରରେ ଆସିଥିଲେ l ପେଶା ତାଙ୍କର ଶିକ୍ଷକତା କିନ୍ତୁ ନିଶା କବିତା ଓ ଶିଶୁସାହିତ୍ୟ ଲେଖା, ପ୍ରାଇମେରୀ ସ୍କୁଲରେ ଶିକ୍ଷୟତ୍ରୀ ଭାବେ ନିଜର କର୍ମମୟ ଜୀବନ ଭିତରେ ଲୁଚି ରହିଥିବା ପ୍ରତିଭାର ପରିଚୟ ଦେଇ ସେ ପାଇଛନ୍ତି ଅନେକ ସମ୍ମାନ l ଏବେବି ଜାରିରହିଛି ତାଙ୍କର ସାମାଜିକ ବିକାଶ କଳା ସାହିତ୍ୟ ଓ ସଂସ୍କୃତି ପ୍ରତି ପ୍ରଚେଷ୍ଟା l ତାଙ୍କ ରଚିତ ପୁସ୍ତକ ମଧ୍ୟରେ ଧନରେ ତୋରି ପାଇଁ, ତୁମରି ପରି ପିଲାଟିଏ ଶିଶୁକବିତା  ଛଡା,  ବ୍ୟଙ୍ଗ,  ସମାଲୋଚକ ଲେଖା  ବହୁତ ମର୍ମସ୍ପର୍ଶୀ l ସେ ହେଉଛନ୍ତି ଦାନଗଦି ବ୍ଲକ ଅନ୍ତର୍ଗତ ବାଘବିନ୍ଧା  ପ୍ରାଥମିକ ବିଦ୍ୟାଳୟ ର  ଶିକ୍ଷୟିତ୍ରୀ ଶ୍ରୀମତୀ ପ୍ରତିମା ରଥ l   R VISION 

ଢେଙ୍କାନାଳ - ଜିଲ୍ଳା ର କାମାକ୍ଷାନଗର ଏନଏସି ରେ ବିଭିନ୍ନ ବିଭାଗର ଦୁର୍ନୀତି ଅଭିଯୋଗ ହୋଇଛି l ଏହି ପରିପେକ୍ଷିରେ ଢେଙ୍କାନାଳ ଜିଲ୍ଲା ବିଜେପି ତରଫରୁ ପୂର୍ବତନ ବିଧାୟକ କୃଷ୍ଣ ଚନ୍ଦ୍ର ପାତ୍ର,  ଜିଲ୍ଲା ସଭାପତି ବିଭୂତି ପ୍ରଧାନ, ଉପ ସଭାପତି ଶତୃଘନ ଜେନା, ଜିଲ୍ଲା ସମ୍ପାଦକ ମାତୃପ୍ରସାଦ ନନ୍ଦ, ସାଧାରଣ ସମ୍ପାଦକ ପ୍ରେମାନନ୍ଦ ଜେନା ,ଓ ଦଳୀୟ କର୍ମୀଙ୍କ ସହ ଭ୍ରଷ୍ଟାଚାର ବିରୋଧରେ ସ୍ୱର ଉତ୍ତୋଲନ କରିଥିଲେ l

ଯାଜପୁର - ଧର୍ମଶାଳା VLW ସ୍ମିତାରାଣୀ ବିଶ୍ଵାଳ ରହସ୍ୟ ଘେରରେ ଥିବା ବେଳେ, ପୋଲିସ ତଦନ୍ତର ଖିଲାପୀ କରୁଥିବା ଦାବିକରି ଯାଜପୁରରେ ବିଜେପି ପକ୍ଷରୁ ୧୨ ଘଣ୍ଟିଆ ବନ୍ଦ ପାଳନ କରାଯାଇଛି। ଏହି ପରିପେକ୍ଷିରେ ସୁକିନ୍ଦା, କୋରେଇ ଓ ଅନ୍ୟ ନିର୍ବାଚନ ମଣ୍ଡଳୀ ରେ ମଧ୍ୟ ବନ୍ଦ ପାଳନ କୁ ବ୍ୟାପକ କରାଯାଇଛି l ସୁକିନ୍ଦା ନିର୍ବାଚନ ମଣ୍ଡଳୀ ର ବିଶିଷ୍ଟ ନେତା ପ୍ରଦୀପ ବଳ ସାମନ୍ତ (ଟୁଟୁ ବାବୁ) ଓ କୋରେଇ ନିର୍ବାଚନ ମଣ୍ଡଳୀ ର ଯୁବମୋର୍ଚ୍ଚାର ରାଜ୍ଯ ସଭାପତି ଆଲେକଜାଣ୍ଡାର ଦାସ୍ ଏହି ବନ୍ଦ ପାଳନ ର ନେତୃତ୍ୱ ନେଇଥିଲେ l ଏହି କ୍ରମରେ ସୁକିନ୍ଦା, କୋରେଇ ଓ ଦାନଗଦି ବ୍ଲକ୍ ରେ ସ୍ଥାନୀୟ ଯୁବ ନେତା ସୁଧାଂଶୁ ଶେଖର ଭଞ୍ଜ ବନ୍ଦ ପାଳନ ପାଇଁ ନେତୃତ୍ୱ ନେଇଥିଲେ l ଆଜି ସକାଳ ୬ ଟା ଏହି ବନ୍ଦ ପାଳନ ପାଇଁ ଶହ ଶହ ସଂଖ୍ଯାରେ ବିଜେପି କର୍ମୀ ଯାଜପୁର ରୋଡ଼, ମିଲିଟାରି ଛକ, ଡୁବୁରୀ ଛକ, ଟମକା, ସୁକିନ୍ଦା ରେ ସରକାର ଓ ପ୍ରଶାସନ ବିରୋଧରେ ନାରା ଦେଇ ବିକ୍ଷୋଭ ପ୍ରଦର୍ଶନ କରିବାସହ ରାସ୍ତା ଅବରୋଧ କରିଥିଲେ l ଏ ହା ପ୍ରଭାବ ରେ ଜନସାଧାରଣ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଥିଲେ  l ପୋଲିସ୍ ପ୍ରଶାସନ ପକ୍ଷରୁ ବ୍ଯାପକ ସୁରକ୍ଷା ବ୍ୟବସ୍ଥା ଗ୍ରହଣ କରିବା ସହିତ କେତେକ ବିଜେପି କର୍ମୀ ଙ୍କୁ ଥାନାରେ ଅଟକ ରହିଥିବା ଜଣାପଡ଼ିଛି l

ଯାଜପୁର /କଳିଙ୍ଗନଗର :- କଳିଙ୍ଗନଗର ଶିଳ୍ପା ଅଞ୍ଚଳରେ ଏକ ଅଜଣା ମଟର ସାଇକେଲ ଠାବ କରାଯାଇଛି l ମାନଗୋବିନ୍ଦ ପୁର୍ ରେଲୱେ ପୋଲ ନୀଳାଚଳ ଟ୍ରେନ୍ ଲାଇନ୍, ବି ଆର୍ ପି ଏଲ୍ ପଛ ଫାଟକ ଓ ନୀଳାଚଳ ଟ୍ରେନ୍ ଲାଇନ୍ ମଧ୍ୟ ସ୍ଥାନରେ ଏହି ମଟର ସାଇକେଲ No. OR05AF 64 11 ଟି ପଡିଥିବା ସ୍ଥାନୀୟ ଲୋକେ ସକାଳ ବେଳା ଶୌଚ ହେବା ପାଇଁ ଯିବା ବାଟରେ ଦେଖିବାକୁ ପାଇଲେ l ଏହି ମଟର ସାଇକେଲ ଟି ହୋଣ୍ଡା ସାଇନ୍, ଏହାକୁ କିଏ କୋଉ ପରିସ୍ଥିତିରେ ପକାଇଛି ତାହା ଜଣାପଡିନାହିଁ l ଗାଁ ଲୋକେ ପୋଲିସ କୁ ମଧ୍ୟ ଜାଣଇ ନାହାଁନ୍ତି l ପୋଲିସ ପକ୍ଷରୁ ଏହାର ତଦନ୍ତ କରାଗଲେ ପ୍ରକୃତ ରହସ୍ୟ ପଦାକୁ ଆସିପାରିବ ବୋଲି ସାଧାରଣରେ ମତ ପ୍ରକାଶ ପାଇଛି l RITA VISION 

ଯାଜପୁର /ସୁକିନ୍ଦା - ସୁକିନ୍ଦା ବ୍ଲକ ହାତୀବାରୀ ପଞ୍ଚାୟତ ରେ ବିଭିନ୍ନ ସ୍ଥାନରେ ଅମ୍ରିତା ସାହୁଙ୍କ ନେତୃତ୍ଵରେ ସ୍ଵଚ୍ଛତା କାର୍ଯ୍ୟକ୍ରମ ହୋଇଯାଇଛି l ନେହେରୁ ଯୁବା କେନ୍ଦ୍ର ସଂଗଠନ ପକ୍ଷରୁ କରାଯାଇଥିବା ଏହି କାଯ୍ୟକ୍ରମ ରେ ବ୍ଲକ୍ ର ବିଭିନ୍ନ ସଦସ୍ୟ ମାନେ ଯୋଗଦେଇ ସଫେଇ କାର୍ଯ୍ୟକ୍ରମ କରିଥିଲେ l ସ୍ଵଚ୍ଛ ଭାରତ ଓ ସୁସ୍ଥ ସମାଜ ଗଠନ ପାଇଁ ଏହା ଏକ ଉତ୍ତମ ପଦକ୍ଷେପ l