ବ୍ୟୁରୋ - ଓଡ଼ିଶାର ସୁପ୍ରସିଦ୍ଧ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଦେଶ ବିଦେଶରେ ତାଙ୍କର କୃତିତ୍ୱ ପ୍ରତିପାଦନ କରିଛନ୍ତି l ଦେଶ ବାହାରେ ଅର୍ଥାତ୍ ଅନ୍ୟ ଦେଶରେ ଇଟାଲି ରେ ତାଙ୍କର କଳା ପ୍ରଦର୍ଶନ କରି ରାଜ୍ଯ ଓ ଦେଶ ପାଇଁ ଆଣିଛନ୍ତି ଗୌରବ l ଇଟାଲିର ରୋମ ଠାରେ ଅନୁଷ୍ଠିତ  ପ୍ରମୂଓଭି ଇଣ୍ଟରନେସନାଲ ସ୍କୋରାନୋ ସ୍ୟାଣ୍ଡ ଆର୍ଥ ଉତ୍ସବ ର ସଭାପତି ମି. ଭିଟୋ ମରାଚିଓ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଙ୍କୁ ପୁରସ୍କୃତ ଓ ସମ୍ମାନିତ କରିଥିଲେ l ଏହି କୃତିତ୍ଵ ଅର୍ଜନ କରିଥିବା ହେତୁ ପୁରୀଜିଲ୍ଲା ପ୍ରଶାସନ ପକ୍ଷରୁ ଶ୍ରୀଯୁକ୍ତ ପଟ୍ଟନାୟକ ଙ୍କୁ ସ୍ଵାଗତ କରାଯାଇଛି l Rita vision News 

କୋରାପୁଟ (ବ୍ୟୁରୋ) - କୋରାପୁଟ ଜିଲ୍ଲା ରେ ଦିନକୁଦିନ ବଢିବାରେ ଲାଗିଛି ଚୋରା ଚାଲାଣ ଗଞ୍ଜେଇ l ବିଭିନ୍ନ ସମୟରେ ପୋଲିସ୍ ଛୋଟ ମୋଟ ଚାଲାଣକାରୀଙ୍କ ଉପରେ ଚଢ଼ାଉ କରି ବେଆଇନ୍ ଗଞ୍ଜେଇ କାରବାର କୁ ନିୟନ୍ତ୍ରଣ କରିବା ଦେଖିବାକୁ ମିଳିଥିଲା l କିନ୍ତୁ କୋରାପୁଟ ଏସପି ଙ୍କ ନିର୍ଦ୍ଦେଶ କ୍ରମେ ପଟାଙ୍ଗୀ ଥାନା ପୋଲିସ ଏକ ଦଶ ଚକିଆ ଟ୍ରକ କୁ କାବୁ କରି ତା ମଧ୍ୟରୁ ବସ୍ତା ରେ ଚାଲାଣ ହେଉଥିବା ୪୬୩.୪୮୦ କିଲୋଗ୍ରାମ ଓଜନ ର ଗଞ୍ଜେଇ ଜବତ କରିଛି l ଏହା ପଟାଙ୍ଗୀ ପୋଲିସ ର ବଡ଼ ସଫଳତା ବୋଲି କୁହାଯାଉଛି l ଏହା ସହିତ ଦୁଇ ଜଣ ଅନ୍ତରାଜ୍ଯ ଗଞ୍ଜେଇ ମାଫିଆ କୁ ମଧ୍ୟ ଗିରଫ କରାଯାଇଛି l ଟ୍ରକ୍ ଟିକୁ ଅଟକ ରଖି ତଦନ୍ତ ଆରମ୍ଭ କରିଛି ପଟାଙ୍ଗୀ ପୋଲିସ l Rita vision News 

ଯାଜପୁର /ଦାନଗଦି - ଯାଜପୁର ଜିଲ୍ଲାର ଦାନଗଦି ବ୍ଲକ ର ମାନଗୋବିନ୍ଦ ପୁର ଉଚ୍ଚ ବିଦ୍ୟାଳୟ ରେ ପାଳିତ ହୋଇଯାଇଛି ଶିଶୁଦିବସ, ଏହା ସହିତ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କ ଦ୍ଵାରା ପରିବେଷିତ ହୋଇଥିଲା ବିଜ୍ଞାନ ମେଳା l ଏହି ଅବସରରେ ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀଯୁକ୍ତ ଭୀମସେନ ଧଳ ବିଜ୍ଞାନ ମେଳାକୁ ଉଦ୍ଘାଟନ କରିଥିଲେ l ପ୍ରାରମ୍ଭରେ ପୂର୍ବତନ ପ୍ରଧାନମନ୍ତ୍ରୀ ଜବାହରଲାଲ ନେହରୁଙ୍କ ଜନ୍ମଦିବସ ଉପଲକ୍ଷେ ପ୍ରତିବର୍ଷ ଭଳି ଏ ବର୍ଷ ମଧ୍ୟ ସାଧାରଣ ସଭାର ଆୟୋଜନ କରାଯାଇଥିଲା l ବିଦ୍ୟାଳୟର ଖେଳ ଶିକ୍ଷକ ଶ୍ରୀଯୁକ୍ତ ସନ୍ତୋଷ କୁମାର ସାହୁ ଙ୍କ ସମେତ ଅନ୍ୟ ଶିକ୍ଷକ - ଶିକ୍ଷୟତ୍ରୀ ଏହି ଅବସରରେ ଉପସ୍ଥିତ ଥିଲେ l Rita vision News 

ଢେଙ୍କାନାଳ (ବ୍ୟୁରୋ) - ଢେଙ୍କାନାଳ ଜିଲ୍ଲା ପିଙ୍ଗୁଆ st. ଜାଭିଅର ହାଇସ୍କୁଲ ରେ ପାଳିତ ହୋଇଯାଇଛି ଶିଶୁଦିବସ ଏହି ଅବସରରେ ସ୍କୁଲର ପ୍ରଧାନ ଶିକ୍ଷୟତ୍ରୀ ସନ୍ଧ୍ୟାରାଣୀ ସାହୁ ଙ୍କ ତତ୍ତ୍ଵାବଧାନରେ ମୁଖ୍ୟଅତିଥି ଭାବେ ସ୍କୁଲ଼ ର ଏସଏମସି ର ସଭାପତି ଶ୍ରୀଯୁକ୍ତ ପ୍ରଦୀପ କୁମାର ଦାଶ ଯୋଗଦେଇ ଶିଶୁମାନଙ୍କ ଦ୍ଵାରା ତିଆରି ରଙ୍ଗୋଲି କୁ ମନଭରି ଉପଭୋଗ କରିଥିଲେ l ଏହି କର୍ଯ୍ୟକ୍ରମ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି l ଶିକ୍ଷୟତ୍ରୀ ପ୍ରଣତି ପରିଡା ଓ ଚିନ୍ମୟୀ ପ୍ରଧାନ ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲେ l ଏଥିରେ ଷ୍ଟାଣ୍ଡାର୍ଡ 6 ର ବୈଭାଭି ଭଞ୍ଜ ପ୍ରଥମ ସ୍ଥାନ ହାସଲ କରିଛନ୍ତି, ଦ୍ବିତୀୟ ସ୍ଥାନ ରେ ଷ୍ଟାଣ୍ଡାର୍ଡ଼ 1 ର ଲକ୍ଷ୍ମୀପ୍ରିୟା ସାମନ୍ତ ଓ ତୃତୀୟ ସ୍ଥାନ ଅଧିକାର କରିଛନ୍ତି ବିଷ୍ଣୁପ୍ରିୟା ସାହୁ l RITA vision News 

ବ୍ୟୁରୋ ରିପୋର୍ଟ - ପୁରୀ ଜିଲ୍ଲା କୋଣାର୍କ (NAC) ବିଜ୍ଞାପିତ ଅଞ୍ଚଳ ପରିଷଦ ରେ କାର୍ଯ୍ୟକାରୀ ହେବା କୁ ଯାଉଛି ଏକ ସ୍ଵତନ୍ତ୍ର ପ୍ରୋଜେକ୍ଟ, ଯାହା ଦ୍ବାରା କୋଣାର୍କର ସମଗ୍ର ଅଞ୍ଚଳରେ ଆଉ ରହିବ ନାହିଁ ଅନିବାର୍ଯ୍ୟ, ଅସନା l ଏଣେତେଣେ କୁଢ କୁଢ ଅଳିଆ ଅନାବନା ଅଦରକାରୀ ସମାଗ୍ରୀ କୁ ଆୟତ୍ତ କରିବା ପାଇଁ ପ୍ରୟାସ ଜାରି ରଖିଛି କୋଣାର୍କ NAC, ପୁରୀ ଜିଲ୍ଲା ପ୍ରଶାସନ l ଏଥିଲାଗି ତିଆରି କରାଯାଉଛି ଏକ ସ୍ଵତନ୍ତ୍ର ପ୍ରୋଜେକ୍ଟ, ଯାହାର ନାମ ମାଇକ୍ରୋକମ୍ପୋସିଟିଂଗ ସେଣ୍ଟର ( MCC) l ଏହା ଦ୍ବାରା କୋଣାର୍କ ବିଜ୍ଞାପିତ ଅଞ୍ଚଳ ପରିଷଦ ର ସମସ୍ତ ଅଳିଆ ଆବର୍ଜନା ଗୁଡ଼ିକୁ ସଂଗ୍ରହ କରି ଏହିଠାରେ ମେସିନ୍ ଦ୍ବାରା ପରିଚାଳିତ କରାଯିବ l ଏହି ପ୍ରକ୍ରିୟା ଦ୍ଵାରା ଗୋଟେ ସ୍ଵଚ୍ଛ, ସ୍ଵାସ୍ଥ୍ୟକର ପରିବେଶ ସୃଷ୍ଟି କରାଯାଇପାରିବ ଏବଂ କୋଣାର୍କ ବିଜ୍ଞାପିତ ଅଞ୍ଚଳ ପରିଷଦ ଏକ ସ୍ଵଚ୍ଛ NAC ଭାବେ ପରିଗଣିତ ହେବା ସହ ଅନ୍ୟ ସହର ମାନଙ୍କୁ ଏ ନେଇ ବାର୍ତ୍ତା ପହଞ୍ଚି ପାରିବ l Rita vision News 

ଢେଙ୍କାନାଳ (ବ୍ୟୁରୋ) - ଢେଙ୍କାନାଳ ଜିଲ୍ଲା ଭୁବନ ରେ ପାଳିତ ହୋଇଯାଇଛି ବୋଇତ ବନ୍ଦାଣ ଉତ୍ସବ l କାର୍ତ୍ତିକ ମାସ ଶୁକ୍ଳପକ୍ଷ ରେ କାର୍ତ୍ତିକ ପୂଣ୍ୟ ମାସ ରେ ବ୍ରତ ପାଳନ କରିବା ସହିତ ମନ୍ଦିର ରେ ଅଁଳା ନବମୀ ଠାରୁ କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ ବିଭିନ୍ନ ପୂଜାପାଠ ସହ ଉପବାସ କରିଥାନ୍ତି ସ୍ଥାନୀୟ ଲୋକେ l ଏବଂ କାର୍ତ୍ତିକ ପୂର୍ଣ୍ଣିମା ବା ରାହସ ପୂର୍ଣ୍ଣିମା ଦିନ ସକାଳୁ ଓଡ଼ିଆ ପରମ୍ପରା ଅନୁଯାୟୀ ବୋଇତ ବନ୍ଦାଣ ଉତ୍ସବ ପାଳିତ ହୋଇଥାଏ l ଏହି ଅବସରରେ ଢେଙ୍କାନାଳ ଜିଲ୍ଳା ଭୁବନ ଠାରେ ବହୁ ଆଡ଼ମ୍ବର ସହିତ ପାଳିତ ହୋଇଯାଇଛି ଏହି ଉତ୍ସବ l ଭୁବନ ର ତୈଳିକ( ୟୁଥ୍) ତୃପ୍ତି ପକ୍ଷରୁ ବ୍ରାହ୍ମଣୀ ନଦୀରେ ବୋଇତ ବନ୍ଦାଣ ଉତ୍ସବ ମହାସମାରୋହରେ ପାଳିତ ହୋଇଯାଇଛି l ଏବଂ ଏହି ଅବସରରେ ତିନିଦିନ ଧରି ଅନୁଷ୍ଠିତ ହେବାକୁ ଯାଉଛି ବାଲିଯାତ୍ରା l ଦୂରଦୂରାନ୍ତରୁ ବହୁ ସଂଖ୍ୟାରେ ଦର୍ଶକମାନେ ଉପଭୋଗ କରିଥାନ୍ତି ଏହି ଯାତ୍ରାକୁ l ଏହି ବୋଇତ ବନ୍ଦାଣ ଉତ୍ସବ ମହାସମାରୋହରେ ତୃପ୍ତି ଅନୁଷ୍ଠାନ ପକ୍ଷରୁ ବିଭିନ୍ନ ପ୍ରତିଭା ମାନଙ୍କୁ ଉପଯୁକ୍ତ ସମ୍ମାନ ପ୍ରଦାନ କରାଯାଇଛି l ଭୁବନ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥାକୁ କୁ କଡ଼ାକଡ଼ି କରିଥିବା ବେଳେ ସଂଗଠନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି l ସଂଯୋଜକ ପୂର୍ଣ୍ଣଚନ୍ଦ୍ର ସାହୁ ଙ୍କ ତତ୍ତ୍ଵାବଧାନରେ ମୁଖ୍ୟଅତିଥି ଭାବେ ଯୋଗଦେଇ ଥିଲେ ଭୁବନ ଥାନା ଅଧିକାରିଣୀ ନିର୍ମଳା ଗୋଚ୍ଛାୟତ

ଯାଜପୁର (ବ୍ୟୁରୋ) - ଯାଜପୁର ଜିଲ୍ଲାର କଳିଙ୍ଗନଗର ଶିଳ୍ପାଞ୍ଚଳ ର ଟାଟା ଷ୍ଟିଲ କାରଖାନାରେ ୨୦୦୪ ରେ ପ୍ରଥମେ ଜନଶୁଣାଣି ହୋଇଥିଲା ପ୍ରକଳ୍ପ ନିର୍ମାଣ ଅଞ୍ଚଳ ର କୋଡ଼ିଏ କିମି ଦୂରରେ ଅବସ୍ଥିତ ଯାଜପୁର ରୋଡ଼ ଠାରେ l ସେତେବେଳେ କମ୍ପାନୀ ଜନସାଧାରଣ ଙ୍କୁ ଭୁଆଁ ବୁଲେଇଲା ଭଲି କାର୍ଯ୍ୟ କରି ତାର ଆଶା ପୂରଣ କରିବାରେ ସଫଳ ହୋଇଥିଲା l ପ୍ରକଳ୍ପର ଦିତୀୟ ପ୍ରଜାୟ ପ୍ରସ୍ତୁତି ରେ ଜନଶୁଣାଣି ଗୋଟିଏ ତାରିଖ ଦିନ ଧାର୍ଯ୍ୟ କରିଥିଲେ ମଧ୍ୟ ତାହା ନିର୍ଦ୍ଧାରିତ ତାରିଖରେ ନ ହୋଇ ସମୟ ଗଡ଼ାଇ ୨୫-୧୦-୨୦୧୯ ତାରିଖରେ କରିଥିଲେ l ଏହାଦ୍ୱାରା ସେ ଜନଶୁଣାଣି ସଫଳ କରାଇଥିଲେ ଏବଂ ଏକଦମ୍ ନାଟକୀୟ ଭାବେ l ସେ ପ୍ରାୟୋଜିତ ଜନଶୁଣାଣି କୁ କଳିଙ୍ଗନଗର ପ୍ରଦୂଷଣ ସଚେତନ ନାଗରିକ ମଞ୍ଜ ପକ୍ଷରୁ ଘୋର ବିରୋଧ କରିବା ସହିତ ଆଉଥରେ ପୁନର୍ବାର ଜନଶୁଣାଣି କରିବାକୁ ଜିଲ୍ଲାପ୍ରଶାସନ କୁ ଅନୁରୋଧ କରୁଛୁ l ଟାଟା ଷ୍ଟିଲ ନିର୍ଦ୍ଧିଷ୍ଠ କେତେକ ଅଞ୍ଚଳର ଲୋକଙ୍କୁ ଭଡ଼ ରେ ଆଣିବା ଓ ନିର୍ଦ୍ଧିଷ୍ଟ କେତେକ ଲୋକଙ୍କ ମଧ୍ୟରେ ଏହିଭଳି ପ୍ରାୟୋଜିତ ଜନଶୁଣାଣି କରି ବାହା ବାହା ନେବା ଏବଂ ପ୍ରଶାସନିକ ଅଧିକାରୀଙ୍କ ଉପସ୍ଥିତରେ ଚାଲିଥିବା ଏହିପରି କାର୍ଯ୍ୟକୁ ମଞ୍ଚ ପକ୍ଷରୁ ବିରୋଧ କରାଯାଇଛି ବୋଲି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଥିଲେ କଳିଙ୍ଗନଗର ପ୍ରଦୂଷଣ ବିରୋଧୀ ସଚେତନତା ନାଗରିକ ମଞ୍ଚ ର ସମସ୍ତ ସଭ୍ଯ l