ଯାଜପୁର /ବ୍ୟାସନଗର - ସମ୍ଭାବ୍ଯ ବାତ୍ଯା 'ବୁଲବୁଲ' କୁ ମୁକାବିଲା କରିବା ପାଇଁ ପ୍ରୟାସ ଜାରି ରଖିଛି ଯାଜପୁର ଜିଲ୍ଲାର ବିଦ୍ୟୁତ୍ ଯୋଗାଣ ବିଭାଗ l ଜିଲ୍ଲାର ଆରକ୍ଷଣ ଯନ୍ତ୍ରୀ ଙ୍କ କାର୍ଯ୍ୟାଳୟ ରେ ଗତ ଗୁରୁବାର ଦିନ ଏ ନେଇ ଏକ ଜରୁରୀକାଳୀନ ବୈଠକ ଅନୁଷ୍ଠିତ ହୋଇଯାଇଛି l ଏହି ଅବସରରେ ଯନ୍ତ୍ରୀ, କନିଷ୍ଠ ଯନ୍ତ୍ରୀ ମାନଙ୍କୁ ସର୍ବଦା ପ୍ରସ୍ତୁତ ରହିବାକୁ ନିର୍ଦ୍ଦେଶ ଦିଆଯାଇଛି l ଜରୁରୀକାଳୀନ ପରିସ୍ଥିତି କକ୍ଷ ମଧ୍ଯ ଖୋଲା ରହିବ, କୁଆଖାଇ ପାଇଁ ୯୪୩୮୯୦୬୧୦୭,ଯାଜପୁର ରୋଡ଼ ପାଇଁ ୯୪୩୮୯୦୬୧୦୫, ଯାଜପୁର ଟାଉନ ପାଇଁ ୯୪୩୮୯୦୬୧୦୬ ଓ ଯାଜପୁର ଡିଭିଜନ ବିଦ୍ୟୁତ ନିୟନ୍ତ୍ରଣ କକ୍ଷ ପାଇଁ ୯୪୩୮୯୦୬୦୯୩ ଫୋନ୍ ନମ୍ବର ଜାରୀ କରାଯାଇଛି ଏହି ସେବା ୨୪ ଘଣ୍ଟା କାଯ୍ୟକାରୀ କରିବା ସହିତ ଜନସାଧାରଣ ଉପକୃତ ହେବେ l

ଯାଜପୁର (ବ୍ୟୁରୋ) - କେନ୍ଦ୍ରାପଡା ସାଂସଦ ଅନୁଭବ ମହାନ୍ତି ଜଣେ କର୍ତ୍ତବ୍ଯ ରତ ସମ୍ବାଦିକଙ୍କୁ ଦୁର୍ବ୍ୟବହାର ପ୍ରତିବାଦରେ ଆଜି ଯାଜପୁର ଜିଲ୍ଲା ସମ୍ବାଦିକ ସଙ୍ଘ ପକ୍ଷରୁ ପୋଲିସ୍ ଡ଼ିଜି ଙ୍କୁ ଯାଜପୁର ଆରକ୍ଷୀ ଅଧିକ୍ଷକ ଙ୍କ ଜରିଆରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଏକ ଦାବୀ ପତ୍ର ପ୍ରଦାନ କରାଯାଇଥିଲା l ଯାଜପୁର ଜିଲ୍ଲା ସମ୍ବାଦିକ ସଙ୍ଘ ର ସଭାପତି ଶ୍ରୀଯୁକ୍ତ କୈଳାସ ନାୟକ ଙ୍କ ନେତୃତ୍ବରେ ଜିଲ୍ଲା ସାମ୍ବାଦିକ ସଂଘର ସମସ୍ତ କାର୍ଯ୍ୟରତ ସାମ୍ବାଦିକ ନୀରବ ପଦଯାତ୍ରାରେ ପହଞ୍ଚିଥିଲେ ଏବଂ ପାଣିକୋଇଲି ରେ ଆରକ୍ଷୀ ଅଧିକ୍ଷକ ଙ୍କୁ ଦାବିପତ୍ର ପ୍ରଦାନ କରିଥିଲେ l RITA vision 

ବ୍ୟୁରୋ - ମଣିଷ ସବୁ ଜୀବଙ୍କ ଠାରୁ ଅଧିକ ଶକ୍ତିଶାଳୀ, ବୁଦ୍ଧିମାନ କହିଲେ ଅତ୍ୟୁକ୍ତି ହେବନାହିଁ l କିନ୍ତୁ ଆପଣମାନଙ୍କ ଅଗୋଚରରେ କିଛି ଏମିତିବି ଘଟିଥିବା, ଆପଣମାନେ ଏହାକୁ ସହଜରେ ଗ୍ରହଣ କରିପାରି ନ ଥିବେ l ମଣିଷ ଜୀବନ ଯାପନ କରିବା ପାଇଁ ପ୍ରୟାସ ଜାରି ରଖିଛି l ଏହି ଅବସରରେ ଆମେ ଜୀବନକୁ ସରସ ସୁନ୍ଦର ଭାବେ ଗଢ଼ି ତୋଳିବା ପାଇଁ ଚାକିରି କରୁଛେ, କିଛି ବି କାଯ୍ୟ କରିବାକୁ ତତ୍ପର ହେଉଛେ l ସୁଖ ଶାନ୍ତି ରେ ଜୀବନ ଯାପନ କରିବା ପାଇଁ କିଏ କିଏ କିଛି ସୁକାର୍ଯ୍ୟ କରୁଛନ୍ତି ତ ଆଉ କିଏ ଅନାନ୍ୟ ଘୃଣ୍ୟ କାମ କରିବା କୁ ପଛାଉ ନାହାନ୍ତି l କିନ୍ତୁ ଆମେ ଆପଣଙ୍କୁ ଏକ ଏହିଭଳି ଚିତ୍ର ଦେଖାଉଛୁ ଯୋଉଥିରେ ମଣିଷ ସୁଖମୟ ଦିନ କରାଉଛି ଏକ ଅଜଣା ପଶୁ ସହିତ,l ଆପଣାର ନ ହେଲେ ବି ଆପଣାର କରି ନେଇ ଦୁଃସାହସିକ ଭାବେ ନିଜର ସୁଖ ଜୀବନ ବଞ୍ଚାଇ ରଖିବାକୁ ପସନ୍ଦ କରନ୍ତି ପଶୁ ଙ୍କ ଦ୍ଵାରା l ସୋସିଆଲ ମିଡିଆ ରୁ ସଂଗୃହୀତ... Rita vision 

ଢେଙ୍କାନାଳ (ବ୍ୟୁରୋ) - ଢେଙ୍କାନାଳ ଜିଲ୍ଲା ରେ ଚାଷୀମାନେ ବିଭିନ୍ନ ସମୟରେ ନିଜର ଉତ୍ପାଦିତ ଧାନକୁ ବିକ୍ରି କରିବା ପାଇଁ ଓ ଧାର୍ଯ୍ୟ ସମୟ ରେ ଉଚିତ୍ ମୂଲ୍ୟ ପାଇବାକୁ ବହୁ ଅସୁବିଧାର ସମ୍ମୁଖୀନ ହୋଇଥିଲେ କିନ୍ତୁ ଚଳିତ ବର୍ଷ ସରକାରଙ୍କ ତରଫରୁ ଚାଷୀ ଭାଇ ମାନଙ୍କ ପାଇଁ ଏକ ସ୍ଵତନ୍ତ୍ର ପ୍ରୟାସ ପ୍ରସ୍ତୁତ କରିଛନ୍ତି ଜିଲ୍ଳା ପ୍ରଶାସନ l ଚଳିତ ମାସ ୨୯ତାରିଖରୁ  ମୋଟ ଉପରେ ୮୦ ଟି ସେବା ସମବାୟ ସମିତି ମାଧ୍ୟମରେ ଏହି ଧାନ କ୍ରୟ କରିବା ପାଇଁ ଜିଲ୍ଲାପାଳ ଶ୍ରୀଯୁକ୍ତ ଭୂମେଶ ଚନ୍ଦ୍ର ବେହେରା ଗ୍ରାମ ଉନ୍ନୟନ ସଭା ଗୃହରେ ଅନୁଷ୍ଠିତ ବୈଠକରେ ନିଷ୍ପତ୍ତି ନେଇଛନ୍ତି l ଢେଙ୍କାନାଳ ଜିଲ୍ଲା ର ୩୯୫୦୩ ଚାଷୀ ଧାନ ଫସଲ ବିକ୍ରୀ କରିବା ପାଇଁ ଆବେଦନ କରିଥିବା ଜଣାପଡ଼ିଛି l ସରକାର କୁଇଣ୍ଟାଲ ୧୮୧୫ ଟଙ୍କାରେ ଗୁଣାତ୍ମକ ମାନର ଧାନ କିଣିବେ l ଏବଂ ଜଣେ ଚାଷୀ ୫୦ କୁଇଣ୍ଟାଲ ଧାନ ବିକି ପାରିବେ, ଧାନର ଉଚିତ୍ ମୂଲ୍ୟ ସିଧାସଳଖ ଚାଷୀଙ୍କ ବ୍ୟାଙ୍କ ଖାତାରେ ଜମାହେବ l ଜିଲ୍ଲାର ୧୪ ଗୋଟି ରାଇସ୍ ମିଲ୍ ଧାନ କିଣିବାକୁ ମଧ୍ୟ ଧାର୍ଯ୍ୟ କରାଯାଇଛି l ଏହି ବୈଠକରେ ଜିଲ୍ଲାପାଳ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି ଏବଂ ବିଭିନ୍ନ ଲୋକପ୍ରତିନିଧିଙ୍କ ପ୍ରତିନିଧି ଓ ସମବାୟ ଅଧିକାରୀ ମାନେ ଉପସ୍ଥିତ ଥିଲେ l Rita vision News 

ଯାଜପୁର (ବ୍ୟୁରୋ) - ଯାଜପୁର ଜିଲ୍ଲାର ପ୍ରତ୍ୟକ୍ଷ ଦେବୀ ମା ବିରଜା କ୍ଷେତ୍ରରେ ହେବାକୁ ଯାଉଥିବା ଶ୍ରୀ ଶ୍ରୀ ବିରଜା କ୍ଷେତ୍ର ପରିକ୍ରମା ଓ ରୁଦ୍ର ମହାଯଜ୍ଞ ର ଦ୍ଵିତୀୟ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ଏହି ବୈଠକରେ କ୍ଷେତ୍ର ପରିକ୍ରମା ଓ ରୁଦ୍ର ମହାଯଜ୍ଞ ର ସମସ୍ତ ଆଯୋଜନ ବିଷୟ ଉପରେ ଆଲୋଚନା ହୋଇଥିଲା l ଏହି ସଭାରେ ସଭାପତିତ୍ଵ କରିଥିଲେ ସ୍ଵାମୀ ଉଦୟାନନ୍ଦ ପର୍ବତ ମହାରାଜ l ଏବଂ ଏହି ପ୍ରସ୍ତୁତି ବୈଠକ ସ୍ୱାମୀ ସଚିଦାନଁଦ ମହାରାଜ ଙ୍କ ଆବାହକ ରେ ବରୁଣେଶ୍ବର ନାମ ମନ୍ଦିର ରେ ହୋଇଯାଇଛି l ଏହି ଅବସରରେ ଶ୍ରୀ ବିରଜା କ୍ଷେତ୍ର ପରିକ୍ରମା କମିଟି ପକ୍ଷରୁ ସଭ୍ଯ ମାନେ ଉପସ୍ଥିତ ଥିଲେ l Rita vision 

ଯାଜପୁର (ବ୍ୟୁରୋ) -  ବହୁଚର୍ଚ୍ଚିତ ଯାଜପୁର ଜିଲ୍ଲା ସୁକିନ୍ଦା ବ୍ଲକ ର ଅବସ୍ଥିତ ଏକ ଉପାନ୍ତ ଅଞ୍ଚଳ ନଗଡା, ଯାହାକୁ ନେଇ ସାରା ଦେଶରେ ଚହଳ ପକାଇଥିଲା ଅପପୁଷ୍ଟି ଓ ଅସ୍ୱାସ୍ଥ୍ୟକର ପରିବେଶ ରେ ଥିବା ଏହି ଇଲାକା l ଗୋଟିଏ ରାଜନୈତିକ ଦଳ ଦୀର୍ଘ ବର୍ଷ ଧରି ଶାସନ କରୁଥିଲେ ମଧ୍ୟ, ଜନସାଧାରଣ ସେବାପାଇଁ ଶପଥ ନେଇ ଶାସନ କରୁଥିବା ରାଜନେତା କିପରି ଜାଣି ପାରି ନ ଥିଲେ ଏହି ଅପନ୍ତରା କ୍ଷେତ୍ରଟି ର ଭୋଟର ଙ୍କ ପରିସ୍ଥିତି? ଗଣମାଧ୍ୟମରେ ପ୍ରକାଶ ପରେ ସରକାର ଏହାକୁ ଗୁରୁତ୍ୱ ଦେଇ ନଗଡା ର ଉନ୍ନତି କରଣ ଯୋଜନା ଆରମ୍ଭ ପାଇଁ  ୨୩ କୋଟି ଟଙ୍କା ମଞ୍ଜୁର କଲେ l କିନ୍ତୁ କିଛି ବି ଫଳପ୍ରଦ ହେଲାନାହିଁ, ନାମକୁ ମାତ୍ର ଉନ୍ନତି ପରିଲକ୍ଷିତ ହୋଇଥିଲା l ଏହି ୨୩ କୋଟି ଟଙ୍କା ର ହିସାବ ରେ ତାଳ ମେଳ ରହିଲା ନାହିଁ କି ସ୍ଥାନୀୟ ବାସିନ୍ଦାଙ୍କ କୌଣସି ଉପକାରରେ ଲାଗିଲା ନାହିଁ l ଫାଇଦା ହାସଲ କଲେ ଠିକାଦାର ଓ ସରକାରୀ କର୍ମଚାରୀ, ଏହାକୁ ନେଇ ମାନବାଧିକାର କମିଶନଙ୍କ ରିପୋର୍ଟ ତଲବ କରିଥିଲେ କି ନଗଡା ରେ ଦୁର୍ନୀତି ହୋଇଛି l ଏହାକୁ ଲୋକାଯୁକ୍ତ ଆୟୋଗ ବିଚାରକୁ ନେଇ ଯାଜପୁର ଜିଲ୍ଲା ପ୍ରଶାସନକୁ ନୋଟିସ୍ ଜାରି କଲେ, ଏହି ନୋଟିସ୍ ଜାରି ପରେ ଜିଲ୍ଲା ପ୍ରଶାସନ ର ତତ୍ପରତା ଦେଖିବାକୁ ମିଳିଛି l ଗତ ନଭେମ୍ବର ୬ ତାରିଖ ରେ ଜିଲ୍ଲାପାଳ ଙ୍କ ଅନୁପସ୍ଥିତ ରେ ଉପଜିଲ୍ଲାପାଳ ଶ୍ରୀଯୁକ୍ତ ମିହିର ପ୍ରସାଦ ମହାନ୍ତି, ଜ

ଯାଜପୁର /ଦାନଗଦି - ଯାଜପୁର ଜିଲ୍ଲାର କଳିଙ୍ଗନଗର ଦାନଗଦି ଶ୍ରୀଜଗନ୍ନାଥ ମନ୍ଦିର ରେ କାର୍ତ୍ତିକ ପୂଣ୍ୟ ମାସ ରେ ବ୍ରତ ପାଳନ କରିବା ସହିତ ମନ୍ଦିର ରେ ଅଁଳା ନବମୀ ଠାରୁ କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ ସାତ ଦିନ ଧରି ଶ୍ରୀମଦ୍ ଭାଗବତ ପାରାୟଣ ଓ ନାମ ସଙ୍କୀର୍ତ୍ତନ କାର୍ଯ୍ୟକ୍ରମ ହେବ l ଆସନ୍ତା ୧୨ ତାରିଖରେ ପୂର୍ଣ୍ଣାହୁତି ଓ ଭକ୍ତମାନଙ୍କ ମଧ୍ୟରେ ଅନ୍ନପ୍ରସାଦ ବଣ୍ଟନର ସମସ୍ତ ବ୍ୟବସ୍ଥା କରାଯାଇଥିବା ଶ୍ରୀଜଗନ୍ନାଥ ମନ୍ଦିର ପରିଚାଳନା କମିଟି ପକ୍ଷରୁ ସୂଚନା ମିଳିଛି l ସମସ୍ତ ଭକ୍ତ ତଥା ଜଗନ୍ନାଥ ପ୍ରେମୀ ମାନଙ୍କୁ ସ୍ଵଇଚ୍ଛାରେ ପଦାର୍ପଣ କରି ମହାପ୍ରଭୁଙ୍କ ଦର୍ଶନ, କୃପା ଲାଭ କରିବା ପାଇଁ ଅନୁରୋଧ l Rita vision