ଅନୁଗୁଳ (ବ୍ୟୁରୋ ରିପୋର୍ଟ) - ଛେଣ୍ଡିପଦା ବ୍ଲକ ଦୁର୍ଗାପୁର ବଳକା ପୂର୍ତ୍ତବିଭାଗ ରାସ୍ତାରେ ଗତ ୨ ମାସ ହେବ ଏକ ଆମ୍ବ ଗଛ ପଡି ଅଧା ରାସ୍ତା କୁ ଅବରୋଧ କରି ରଖିଛି,ଅଧା ରାସ୍ତା ଅବରୋଧ ହେଇଥିବାରୁ ରାସ୍ତାରେ ଯାଉଥିବା ଯାତ୍ରୀ ନିଜକୁ ସୁରକ୍ଷିତ ମଣୁନାହାନ୍ତି | ବିଶେଷ କରି ଏହି ଗଛଟି ରାସ୍ତା ର ଏକ( ଟର୍ଣ୍ଣିଂ ପଏଣ୍ଟ) ବୁଲାଣିଆ ସ୍ଥାନରେ ରହିଛି l ଯାହାକି କୌଣସି ଗାଡି ଚାଳକ ଏହି ଜାଗା ଗୁଡିକୁ ବିପଦପୂର୍ଣ୍ଣ ଜାଗା ବୋଲି ଧରି ନେଇ ଥାନ୍ତି l ଦୀର୍ଘଦିନ ହେବ ପଡିରହିଥିବା ଗଛଉପରେ ସତେ ଯେମିତି ନଜର ପଡୁନାହିଁ ପ୍ରଶାସନର,ପ୍ରାଶାସନିକ ଅଧିକାରୀ ମାନେ ବାରମ୍ବାର ଏହି ରାସ୍ତାରେ ଯାଉଥିଲେ ମଧ୍ୟ ଏହିଭଳି ବିପଦପୂର୍ଣ୍ଣ ଗଛକୁ ଅଣଦେଖାକରି ଚାଲିଛନ୍ତି |ପାଖ ଗାଁ ଲୋକମାନଙ୍କ ସୂତ୍ରରୁ ପ୍ରକାଶ ଯେ, ପ୍ରଶାସନ କୁ ବାରମ୍ବାର ଜଣାଇଲେ ମଧ୍ୟ ଧ୍ୟାନ ଦେଉନାହାନ୍ତି ଅଧିକାରୀ ମାନେ l ଯଦି ଏହିପରି ସ୍ଥଳେ କୌଣସି ଅଘଟଣ ଘଟେ ତେବେ ସେଥିପାଇଁ ଦାୟୀ ରହିବ କିଏ? ସରକାରୀ ବାବୁ ମାନଙ୍କ ଏଭଳି ମନମୁଖୀ କାର୍ଯ୍ୟ ରେ ସାଧାରଣରେ ତୀବ୍ର ଅସନ୍ତୋଷ ଦେଖାଦେଇଛି |