ବ୍ୟୁରୋ ରିପୋର୍ଟ (Rita vision News) - ପୂଜା ଅବସରରେ, ଆଗାମୀ ଲଘୁଚାପ କୁ ଦୃଷ୍ଟି ରେ ରଖି ,ଗରିବ ଅସହାୟ ଦିବ୍ୟାଙ୍ଗ ଙ୍କୁ ଛତା ବଣ୍ଟନ କରିଛି ଚେଞ୍ଜ ଫାଉଣ୍ଡେସନ ଟ୍ରଷ୍ଟ ପକ୍ଷରୁ କଟକ ସହର ର ଖାନନଗର କାଳୀ ମନ୍ଦିର, ବାରବାଟୀ ଷ୍ଟାଡିଅମ, ନୂଆବଜାର, ପୋତାପୋଖରୀ ସ୍ଥାନ ବୁଲି ଗରିବ ଅସହାୟ ଦିବ୍ୟାଙ୍ଗ ଙ୍କୁ ଛତା ବାଣ୍ଟିବା ସହ ହଳଦୀ ପାଣି ରେ ତାଙ୍କ ଗୋଡ ହାତ ଧୋଇଦେଇଥିଲେ, ଓ ହଳଦୀ ପାଣି ହାତ ଧୋଇ ଦେଶୀ ପଦ୍ଧତି ରେ କିଭଳି କୋରୋନା ଠୁ ଦୁରେଇ ରହିହବ ତାହା ବୁଝେଇଥିଲେ। ସେକେଣ୍ଡାରୀ ବୋର୍ଡ ହାଇସ୍କୁଲ ର ୨୦୦୬ ବ୍ୟାଚ ଛାତ୍ର ଛାତ୍ରୀ ମଧ୍ୟ ଏହି କାମ ରେ ସହଯୋଗ କରିଥିଲେ।ଏହି ମହାନ କାର୍ଯ୍ୟ ରେ ଅଭିଜିତ ଘୋଷ, ଅଜିତ ଦାସ,ପ୍ରଣୟ ପରିତୋଷ,ରାମସିସ ସାହୁ, ଶିବରାଜ ସାହୁ, ଚନ୍ଦନ ସେନାପତି,ସୁବ୍ରତ ନାୟକ, ସୁଭ୍ରା ମହାନ୍ତି ପ୍ରମୁଖ ସହଯୋଗ କରିଥିଲେ।

ସମ୍ବଲପୁର (ବ୍ୟୁରୋ ରିପୋର୍ଟ) :- ଆଜି ପଶ୍ଚିମ ଓଡ଼ିଶାର ପ୍ରସିଦ୍ଧ ଗଣପର୍ବ ନୂଆଁଖାଇ । ଅଧିଷ୍ଠାତ୍ରୀ ଦେବୀ ମାଁ ସମଲେଶ୍ୱରୀଙ୍କଠାରେ ବ୍ରହ୍ମପୁରା ମନ୍ଦିରରେ ପଣ୍ଡିତ ମହାସଭାରେ ଧାର‌୍ୟ୍ୟ ବିଶୁଦ୍ଧ ତୁଳା ଲଗ୍ନରେ ପୂର୍ବାହ୍ନ ୯ଟା ୩୫ରୁ ୯ଟା ୫୦ ମିନିଟ ମଧ୍ୟରେ ନବାନ୍ନ ଲାଗି ହେବ । ପୀଠ ପରିସରରେ ଥିବା ୧୧୫ ପାର୍ଶ୍ବ ଦେବଦେବୀଙ୍କୁ ପୂଜକମାନେ ନବାନ୍ନ ଲାଗି କରିବେ । ଏହାପରେ ଲୋକେ ନିଜ ନିଜ ଘରେ ନୂଆ ଖାଇବେ । ପ୍ରତିବର୍ଷ ନୂଆଁ ଲାଗି ହେବା ପରେ ହଜାର ହଜାର ଭକ୍ତ ଓ ଶ୍ରଦ୍ଧାଳୁ ସମ୍ବଲପୁର ତଥା ଆଖପାଖ ଅଞ୍ଚଳରୁ ଆସି ମାଁ ସମଲେଶ୍ୱରୀଙ୍କ ଦର୍ଶନ କରିଥାନ୍ତି । ଚଳିତବର୍ଷ କରୋନା କଟକଣା ଯୋଗୁଁ ମନ୍ଦିର ବନ୍ଦ ରହିଥିବାରୁ ଟ୍ରଷ୍ଟ ବୋର୍ଡ ପକ୍ଷରୁ ମାଁ ସମଲେଶ୍ୱରୀଙ୍କ ଅନ୍ଲାଇନ ଦର୍ଶନ ବ୍ୟବସ୍ଥା କରାଯାଇଥିବା ସୂଚନା ଦିଆଯାଇଛି । ଦେବୀଙ୍କଠାରେ ନବାନ୍ନ ଲାଗି ଓ ରୁଦ୍ଧଦ୍ୱାର ପୂଜା ବ୍ୟତୀତ ଅନ୍ୟ ସମସ୍ତ କାର‌୍ୟ୍ୟକ୍ରମ ରବିବାର ପୂର୍ବାହ୍ନ ୯ଟା ୧୫ ମିନିଟରୁ ଫେସବୁକ୍ରେ ଲାଇଭ୍ ପ୍ରସାରଣ ବ୍ୟବସ୍ଥା କରାଯାଇଥିବା ମା’ ସମଲେଶ୍ୱରୀ ଟ୍ରଷ୍ଟ ବୋର୍ଡ ସଭାପତି ସଂଜୟ କୁମାର ବାବୁ କହିଛନ୍ତି । ସକାଳ ୯ଟା ୧୫ ମିନିଟ ସମୟରେ ଚାରିଜଣ ପୂଜକଙ୍କ ଘରୁ ଭୋଗ ମନ୍ଦିରକୁ ଯିବ ଓ ନିର୍ଦ୍ଧାରିତ ସମୟରେ ଭୋଗ ଲାଗି ହେବାପରେ ଚତୁଃପାର୍ଶ୍ବରେ ଥିବା ଦେବଦେବୀଙ୍କଠାରେ ନବାନ୍ନ ଲାଗିର ସିଧା ପ୍ରସାରଣ କରାଯିବ । ଭ...