ସୁକିନ୍ଦା /ଦାନଗଦୀ(ବ୍ୟୁରୋ ରିପୋର୍ଟ ):- ଫେବୃଆରୀ ମାସ ୨୨ତାରିଖରେ ସୁକିନ୍ଦା ନିର୍ବାଚନ ମଣ୍ଡଳୀର ସୁକିନ୍ଦା ଓ ଦାନଗଦୀ ବ୍ଲକରେ ତ୍ରୀସ୍ତରୀୟ ପଞ୍ଚାୟତ ନିର୍ବାଚନର ଭୋଟ ଗ୍ରହଣ କରାଯିବ l ଚଳିତ ମାସ ୧୭ତାରିଖ ଠାରୁ ୨୧ତାରିଖ ପର୍ଯ୍ୟନ୍ତ ୫ଦିନ ଧରି ପ୍ରାର୍ଥୀ ପତ୍ର ଦାଖଲ ହୋଇଥିଲା l ଏହି ସମୟ ମଧ୍ୟରେ ସୁକିନ୍ଦା ବ୍ଲକର ୨୫ଟି ପଞ୍ଚାୟତରେ ୮୧୨ଜଣ ପ୍ରାର୍ଥୀ ପତ୍ର ଦାଖଲ କରିଥିଲେ l ତନ୍ମଧ୍ୟରେ ସରପଞ୍ଚ ପଦ ନିମନ୍ତେ ୧୧୧ଜଣ, ସମିତି ସଭ୍ୟ ପଦ ପାଇଁ ୭୬ଜଣ ଓ ୱାର୍ଡ ସଭ୍ୟ ପାଇଁ ୬୨୫ଜଣ ପ୍ରାର୍ଥୀ ଏହି ନାମାଙ୍କନ ପତ୍ର ଦାଖଲ କରିଥିଲେ l ଏଗୁଡିକୁ ୨୨ତାରିଖରେ ଯାଞ୍ଚ କରାଯିବା ପରେ ୪ଜଣ ସରପଞ୍ଚ ପ୍ରାର୍ଥୀ, ଜଣେ ସମିତି ସଭ୍ୟ ପ୍ରାର୍ଥୀ ଓ ୩ଜଣ ୱାର୍ଡ ସଭ୍ୟଙ୍କ ପ୍ରାର୍ଥୀ ପତ୍ର ନାକଚ ହୋଇଯିବାରୁ ୧୦୭ଜଣ ସରପଞ୍ଚ,୭୫ଜଣ ସମିତି ସଭ୍ୟ ଓ ୬୨୨ଜଣ ୱାର୍ଡ ସଭ୍ୟ ଏପରି ମୋଟ ୮୦୪ଜଣ ପ୍ରାର୍ଥୀଙ୍କ ନାମାଙ୍କନ ପତ୍ର କାଏମ ରହିଥିବା ଜିଲା ପଞ୍ଚାୟତ ଅଧିକାରୀଙ୍କ ସୂତ୍ରରୁ ପ୍ରକାଶ l       ଅନୁରୂପ ଭାବେ ଦାନଗଦୀ ବ୍ଲକର ୨୩ଟି ପଞ୍ଚାୟତ ନିମନ୍ତେ ଦାଖଲ ହୋଇଥିବା ୮୨୮ଟି ପ୍ରାର୍ଥୀ ପତ୍ର ମଧ୍ୟରୁ ୩ଜଣ ସରପଞ୍ଚ,୨ଜଣ ସମିତି ସଭ୍ୟ ଓ ଜଣେ ୱାର୍ଡ ସଭ୍ୟଙ୍କ ନାମାଙ୍କନ ପତ୍ର ଯାଞ୍ଚରେ କଟିଯିବା ଫଳରେ ସରପଞ୍ଚ ପଦ ପାଇଁ ୧୦୮ଜଣ, ସମିତି ସଭ୍ୟ ପଦ ପାଇଁ ୭୭ଜଣ ଓ ୱାର୍ଡ ସଭ୍ୟ ପାଇଁ ୬୩୭ ଜଣ ଏପରି ମୋଟ ୮୨୨ ଜଣ ପ୍ରାର୍ଥୀଙ୍କ ନ