ରାଜେଶ ସ୍ମାରକୀ ବାର୍ଷିକ କ୍ରୀଡା ଉତ୍ସବ ଉଦଯାପିତ ।  ବୀଣାପାଣି ଯୁବକ ସଂଘ ଅନ୍ୟ ପାଇଁ ଉଦାହରଣ: ପ୍ରୀତିରଂଜନ ଟମକା: ୩୭ ତମ ରାଜେଶ ମେମୋରିଆଲ ବାର୍ଷିକ କ୍ରୀଡା ଉତ୍ସବ ମଙ୍ଗଳବାର ଉଦଯାପିତ ହୋଇଯାଇଛି । ଏକ ବର୍ଣ୍ଣ।ତ୍ୟ ପରିବେଶରେ ୮ନଂ ଜୋନ ଜିଲ୍ଲା ପରିଷଦ ସଭ୍ୟ ପ୍ରଦୀପ କୁମାର ମହାନ୍ତି ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ପୁରସ୍କାର ବିତରଣୀ ଉତ୍ସବରେ ସୁକିନ୍ଦା ବିଧାୟକ ପ୍ରୀତି ରଞ୍ଜନ ଘଡାଇ ମୁଖ୍ୟ ଅତିଥି ଭାବେ ଯୋଗଦାନ କରି ଏହି ସଂଘ ସଂଗଠନ ଓ ଜନସେବା ମାଧ୍ୟମରେ ସଂଘ ଜିଲ୍ଲାରେ ଏକ ଅନନ୍ୟ ଉଦାହରଣ ସୃଷ୍ଟି କରିଛି ସେଥିପାଇଁ ସଂଘର ଯୁବକ ପ୍ରଶଂସାର ପାତ୍ର ବୋଲି ମତ ପୋଷଣ କରିବା ସହ ଉତ୍ତିର୍ଣ୍ଣ ପ୍ରତିଯୋଗିଙ୍କୁ ପୁରସ୍କାରେ ପ୍ରଦାନ କରିଥିଲେ । ସମ୍ମାନୀତ ଅତିଥି ଭାବେ ଜିଲ୍ଲା ବିଜେଡ଼ି ଉପ ସଭାପତି ପବିତ୍ର ମୋହନ ମହାପାତ୍ର, ବ୍ଲକ ଯୁବ ବିଜେଡ଼ି ସଭାପତି ମହେଶ୍ଵର ଗୁରୁ, ଦେବୀ ପ୍ରସାଦ ମହାନ୍ତି, ଯୁବ ନେତା ପ୍ରଦୀପ ନାୟକ, ମନୋଜ ବେହେରା, ନରୋତ୍ତମ ବେହେରା, ସୁରେଶ ମହାନ୍ତ ପ୍ରମୁଖ ଯୋଗ ଦେଇଥିଲେ । ସଂଘର ସଭାପତି ତଥା ବ୍ଳକ୍ ଯୁବ ବିଜେଡି ସାଧାରଣ ସମ୍ପାଦକ ଇଂ ସୌମ୍ୟରଂଜନ ମହାପାତ୍ର ଓ ସରପଂଚ ଦ୍ବାରିକାନାଥ ଦାସଙ୍କ ପ୍ରତ୍ୟେକ ତତ୍ୱାବଧାନରେ ଅନୁଷ୍ଠିତ ଏହି ଉତ୍ସବରେ ସଂଘର ବରିଷ୍ଠ ସଦସ୍ୟ ଦିଲ୍ଲିପ କୁମାର ପ୍ରଧାନ, ଜର୍ମାନୀ ଦାସ, ନୃପମଣି ଦାସ, ପାର୍ଥସାରଥୀ ବେହେରା, ରାଜେଶ ଦାସ, ପ୍ରବୀର କୁମାର ବାରିକ

ଯାଜପୁର /ସୁକିନ୍ଦା - କଟକ ଡିଭିଜନ ସୁକିନ୍ଦା ବନ ବିଭାଗ ପକ୍ଷରୁ ମହାଗିରି ପାଦଦେଶରେ ଥିବା ଗ୍ରାମଗୁଡିକ ର ଗୃହପାଳିତ ପ୍ରାଣୀଙ୍କର ଟିକାକରଣ ଓ ଚିକିତ୍ସା ଶିବିର ଆୟୋଜିତ କରାଯାଇଥିଲା। ଏହି କାର୍ଯ୍ୟକ୍ରମ ବନ୍ଧଗାଁ ପଞ୍ଚାୟତ ର ରାଙ୍କିଆ, ପିମ୍ପୁଡିଆ ପଞ୍ଚାୟତ ର ବାମନଗର ଗ୍ରାମର ଗୃହପାଳିତ ପଶୁ ମାନଙ୍କୁ ଟିକାକରଣ କରାଯାଇଥିଲା। ସୁକିନ୍ଦା ପ୍ରାଣୀ ଚିକିତ୍ସାଳୟ ସହାୟତା ରେ ଅନୁଷ୍ଠିତ ହେଉଥିବା ଏହି କାର୍ଯ୍ୟକ୍ରମରେ ସୁକିନ୍ଦା ପ୍ରାଣୀ ଚିକିତ୍ସା ଅଧିକାରୀ ଡାକ୍ତର ସୁଖେନ୍ଧୁ ରାୟଙ୍କ ନେତୃତ୍ବରେ ଚିକିତ୍ସକ ଦଳ ଗୃହପାଳିତ ପ୍ରାଣୀଙ୍କ ଠାରେ ହେଉଥିବା ଆନ୍ଥ୍ରାକ୍ସ, ବସନ୍ତ, କୃମି ନାସକ, କ୍ୟାଲ୍ସିୟମ୍, ଫାଟୁଆ ଆଦି ରୋଗର ନିରାକରଣ ପାଇଁ ବିଭିନ୍ନ ଔଷଧ ଓ ଖାଦ୍ୟ ପୁଡିଆ ବଣ୍ଟନ କରିଥିଲେ। ଏହି ଅବସରରେ ସୁକିନ୍ଦା ବନାଞ୍ଚଳ ଅଧିକାରୀ ବିପିନ ବିହାରୀ ରାଉତରାୟ ଙ୍କ ନିର୍ଦ୍ଦେଶରେ ଫରେଷ୍ଟର ନରେସ୍ ଟୁଡୁ, ଫରେଷ୍ଟ ଗାର୍ଡ ସୁଶାନ୍ତ ନାୟକ, ବିମଳ ବରାଳ ପ୍ରମୁଖ ବନବିଭାଗ କର୍ମଚାରୀ ଏହି ଚିକିତ୍ସା ଶିବିରକୁ ପରିଚାଳନା କରିଥିଲେ।