ଗଞ୍ଜାମ (ବ୍ୟୁରୋ) ୭ ଫୁଟର ଅଜଗରକୁ ଉଦ୍ଧାର କଲା ସ୍ନେକ ହେଲ୍ପଲାଇନ ଗଞ୍ଜାମ ଜିଲ୍ଲା ଛତ୍ରପୁର ନିକଟସ୍ଥ ଆଇଆରଇ ଷ୍ଟାଫ କ୍ୱାଟର ମଧ୍ୟରୁ ଏକ ୭ ଫୁଟର ଅଜଗରକୁ ଉଦ୍ଧାର କରିଛି ସ୍ନେକ ହେଲ୍ପଲାଇନ। ଗତକାଲି ସନ୍ଧ୍ୟା ସମୟରେ ଏକ ଅଜଗର ସାପ କ୍ୱାଟର ମଧ୍ୟରେ ଥିବା ଗାର୍ଡ ରୁମ ନିକଟରେ ଥିବା କର୍ମଚାରୀମାନେ ଦେଖିଥିଲେ।ଏହାପରେ ସେମାନେ ଵ୍ରହ୍ମପୁର ରେଞ୍ଜରଙ୍କୁ ସାପଟି ବିଷୟରେ ଜଣାଇଥିଲେ ଏବଂ ରେଞ୍ଜରଙ୍କ ତତ୍ୱବାଧାନ କ୍ରମେ ସ୍ନେକ ହେଲ୍ପ ଲାଇନ ସଦସ୍ୟ ସ୍ୱାଧୀନ କୁମାର ସାହୁ ଓ ଶ୍ରୀକାନ୍ତ ନାହାକ ଉକ୍ତ ସ୍ଥାନରେ ପହଞ୍ଚି ସାପଟିକୁ ଉଦ୍ଧାର କରିଥିଲେ। ସାପଟି ସାତ ଫୁଟ ଲମ୍ବର ହୋଇଥିବା ବେଳେ ରାତ୍ର ସମୟ ହୋଇଥିବାରୁ ବନ୍ୟାଞ୍ଚଳ କାର୍ଯ୍ୟାଳୟକୁ ହସ୍ତାନ୍ତର କରାଯାଇଛି। ସକାଳ ସମୟରେ ସାପଟିକୁ ଘଞ୍ଚ ଜଙ୍ଗଲ ଭିତରେ ନେଇ ଛଡା ଯିବ ବୋଲି କହିଛନ୍ତି ରେଞ୍ଜର ରାଜା ରାଓ ସୁବୁଦ୍ଧି।

ଯାଜପୁର /କଳିଙ୍ଗନଗର - ଟାଟା ଷ୍ଟିଲ୍ କଳିଙ୍ଗନଗର ପକ୍ଷରୁ ଅରୁଣିମା କର୍ଯ୍ୟକ୍ରମ ଅନୁଷ୍ଠିତ ହେଉଅଛି l ଏହି ଅବସରରେ ଟାଟା ଷ୍ଟିଲ ଗ୍ରାମୀଣ ବିକାଶ ସଂସ୍ଥା ପକ୍ଷରୁ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଶିକ୍ଷା ର ବିକାଶ ପାଇଁ ମେଧାବୀ ଛାତ୍ରଛାତ୍ରୀମାନଙ୍କୁ ପ୍ରୋତ୍ସାହନ ରାଶି ପ୍ରଦାନ କରିବା ସହିତ ଅଞ୍ଚଳରେ ବିକାଶ ପାଇଁ ଓ ସ୍ୱାବଲମ୍ବୀ କରିବା ପାଇଁ ପ୍ରୟାସ ଜାରି ରଖାଯାଇଛି l ଏହି କର୍ଯ୍ୟକ୍ରମ ସୁକିନ୍ଦା ବ୍ଲକ ର ସୁକିନ୍ଦା ଭବନ ଠାରେ ଆୟୋଜିତ ହୋଇଅଛି l ଏହି କର୍ଯ୍ୟକ୍ରମ ତିନି ଦିନ ଧରି ଚାଲିବାକୁ ଥିବା ବେଳେ ବହୁ ସଂଖ୍ୟାରେ ଛାତ୍ରଛାତ୍ରୀ, ବୁଦ୍ଧିଜୀବୀ ମାନେ ଯୋଗଦାନ କରିଥିବା ଦେଖିବାକୁ ମିଳିଛି l ବିଶେଷ କରି ଛାତ୍ରଛାତ୍ରୀମାନେ ବିଭିନ୍ନ ବିଜ୍ଞାନ ପ୍ରଦର୍ଶନୀ ବିଶେଷ ଆକର୍ଷଣ ଥିଲା l ସକାଳ ଘ. ୧୦.୩୦ ମି. ରେ ଅରୁଣିମା ସ୍ଵାଗତ ଭାଷଣ, ଉଦଘାଟନ, ନିର୍ବାଚିତ ପଞ୍ଚାୟତ ସମିତି ସଭ୍ଯ ମାନଙ୍କୁ ସ୍ଵାଗତ ସମ୍ବର୍ଦ୍ଧନା ଓ ସ୍ୱାଗତମ୍ ନୃତ୍ୟ ପରିବେଷଣ ହୋଇଥିଲା l ଏହାପରେ ଡ. ଅମ୍ବିକା ନନ୍ଦ ଙ୍କ ଦ୍ଵାରା ଜ୍ୟୋତି ଫିଲୋସଫି ଯାତ୍ରା ଆରମ୍ଭ ଓ କୃତୀ ଛାତ୍ରଛାତ୍ରୀ ମାନଙ୍କୁ ଜ୍ୟୋତି ଫିଲୋସଫି ସ୍କଲାରସିପ୍ ପ୍ରଦାନ କରିଥିଲେ l 

ଢେଙ୍କାନାଳ ( ବ୍ୟୁରୋ ) - ଗଜରାଜ ଙ୍କ ପାଇଁ ଚଳିତ ବର୍ଷ ଏକ ଗୁରୁତ୍ୱପୂର୍ଣ୍ଣ ଘାତକ ବର୍ଷ ବୋଲି ଗଣନା କରାଯାଏ l କାହିଁକି ନା ଆମେ ଦେଖୁଛନ୍ତି ପ୍ରାୟ ପ୍ରତ୍ୟେକ ଦିନ କିଛି ନା କିଛି ଅଘଟଣ, ଦୁର୍ଘଟଣାରେ ହାତୀ ମାନଙ୍କ ଜୀବନ ଯାଉଛି ନଚେତ୍ ହାତୀଙ୍କ ଦ୍ଵାରା ସାଧାରଣ ଲୋକଙ୍କ ଜୀବନ ଯାଉଛି l ଏହିଭଳି ଏକ ଦୁର୍ଘଟଣା ଘଟି ଯାଇଛି ଢେଙ୍କାନାଳ ଜିଲ୍ଲା ଅନ୍ତର୍ଗତ ଏ ନ୍ଏଚ୍-୫୫ର ସଦର ରେଞ୍ଜ୍ ଜୀବନଖୋଲ ନିକଟରେ ଟ୍ରକ୍ ଧକ୍କାରେ ହାତୀ ମୃତ; ଦୁର୍ଘଟଣା ପରେ ଡ୍ରାଇଭର ଚମ୍ପଟ୍, ଦୁର୍ଘଟଣା ଘଟାଇଥିବା ଟ୍ରକ୍ ତଳେ ମୃତ ହାତୀଟି ଚାପି ହୋଇ ରହିଛି, ହାତୀର ଦାନ୍ତଟି ଭାଙ୍ଗି ଖଣ୍ଡେ ଦୂରରେ ପଡ଼ିଛି, ଆଉ ଗୋଟିଏ ହାତୀ ଆହତ ହୋଇ ଜଙ୍ଗଲକୁ ପଳାଇଥିବା ସୂଚନା ମିଳିଛି l ଏହିଭଳି ଜଙ୍ଗଲୀ ଜନ୍ତୁ ମାନଙ୍କର ଗାଁ ଓ ସହର ମୁହାଁ ହେବାର ଗୋଟାଏ କାରଣ ହେଉଛି ବୃକ୍ଷଛେଦନ ଓ ପରିବେଶ କୁ ଦୂଷିତ କରି ଆଧୁନିକତା ର ମାୟା ସଭ୍ୟତାର ବିକାଶ ନିମନ୍ତେ ବିଭିନ୍ନ ବୈଷୟିକ ଜ୍ଞାନକୌଶଳ ଆର୍ଥିକ ଅଭିବୃଦ୍ଧି ଆଡ଼କୁ ମୁହାଁଉଥିବା ଦେଖାଯାଇଛି l କଳକାରଖାନା ପ୍ରତିଷ୍ଠା ହେବା ଦ୍ଵାରା ଜଳସ୍ତର ହ୍ରାସ ପାଇଛି, ତେଣୁ ଝରଣା, ପୋଖରୀ ସବୁ ଶୁଖି ଯାଉଛି l ବନ୍ୟ ପ୍ରାଣୀଙ୍କ ଖାଦ୍ୟ ଓ ପାନୀୟର ଅଭାବରୁ ସେମାନେ ନିଜର କର୍ମମୟ ଜୀବନକୁ ସଂଚାଳନ କରିବାକୁ ଗାଁ ଓ ସହର ଆଡ଼କୁ ଆସିବାକୁ ବାଧ୍ଯ ହେଉଛନ୍ତି l ଆମେ ମଣିଷ ଏହାର ସମାଧାନର ପନ୍ଥା ଗ୍ରହଣ କଲେ ଏହିଭଳି ଦୁର୍ଘଟ