କଟକ (ବ୍ୟୁରୋ ରିପୋର୍ଟ ): - ଘଟଣା ଟି ଶୁଣିବାକୁ ଅଜବ ଲାଗିଲେ ବି ସତ। ଫ୍ୟାନ୍ ଚାଲିବ, ବଲ୍‌ବ ଜଳିବ, ଟିଭି ଅନ୍-ଅଫ୍ ବି ହେବ। ଖାଲି ସେତିକି ନୁହେଁ ପାଣିପାଗ ସମ୍ପର୍କରେ ସୂଚନା, ଗୀତ ଚଲାଇବା ଭଳି ବିଭିନ୍ନ କାମ ଆପଣଙ୍କ ଭଏସ୍ କମାଣ୍ଡରେ ହୋଇପାରିବ। ଏଭଳି ଏକ ସ୍ମାର୍ଟ ମିରର୍‌ ତିଆରି କରିଛନ୍ତି କଟକ ବୋଷ ଇଞ୍ଜିନିୟରିଂ ସ୍କୁଲର ଛାତ୍ର ସ୍ୱାଧୀନ ଦାସ। ମିରର ଆଗରେ ଛି଼ଡ଼ା ହୋଇ ଯାହା ଭଏସ କମାଣ୍ଡ ଦିଆଯାଉଛି ଠିକ୍ ସେହିଭଳି କାମ କରୁଛି ଏହି ସ୍ମାର୍ଟ ମିରର। ସବୁବେଳେ ସତ କହୁଥିବା ମିରର ଏବେ ସବୁ ନିର୍ଦ୍ଦେଶ ବି ମାନୁଛି। ଲାଇନ୍ ଅନ କହିଲେ ଲାଇଟ୍‌ ଜଳୁଛି। କେବଳ ସେତିକି ନୁହେଁ ଏସି ସମେତ ଟିଭି ଅନ୍-ଅଫ୍ ବି ହେଉଛି। ଭଏସ୍ କମାଣ୍ଡ ଜରିଆରେ ପାଣିପାଗ ସମ୍ପର୍କିତ ସୂଚନା, ଗୀତ ଚଲାଇବା ଭଳି ବିଭିନ୍ନ କାମ ହୋଇପାରୁଛି। ଲକଡାଉନ୍‌ ସମୟରେ ଘରେ ଏଭଳି ସ୍ମାଟ୍ ମିରର୍ ତିଆରି କରିବାକୁ ଇଚ୍ଛା କରିଥିଲେ ସ୍ୱାଧୀନ। କିଛି ସହଯୋଗୀଙ୍କୁ ନେଇ ନୂଆ କରିବାର ଜୋସ୍ ତାଙ୍କୁ ସ୍ମାର୍ଟ ମିରର୍ ପାଇଁ ପ୍ରେରଣା ଦେଇଥିଲା। ପ୍ଲାଏ ବୋର୍ଡ, ବଦ୍ୟୁତ ଉପକରଣ ଜରିଆରେ ଏହାକୁ ସ୍ମାର୍ଟ କମାଣ୍ଡ ସିଷ୍ଟମ୍ ତିଆରି କରାଯାଇଛି। ଏହା ଆଗରେ ଏକ ମିରର୍‌କୁ ଲଗାଯାଇଛି। ଏହି ସ୍ମାର୍ଟ ମିରର୍‌କୁ ତିଆରି କରିବା ପାଇଁ ସ୍ୱାଧୀନଙ୍କୁ ୪ ମାସର ସମୟ ଲାଗିଛି। ଏଥିସହ ତାଙ୍କର ୨୦ ହଜାର ଟଙ୍କା ମଧ୍ୟ ଖର୍ଚ୍ଚ ହୋଇଛି। ଘରେ ଥିବା ଛୋଟ ପ...

ବାଲେଶ୍ୱର (ବ୍ୟୁରୋ ରିପୋର୍ଟ ): - ହସ୍ପିଟାଲରେ ପିଲାଙ୍କୁ କରୋନା। ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟରେ ୧୨ ପିଲା କରୋନାରେ ଆକ୍ରାନ୍ତ ହୋଇଛନ୍ତି। ସେଥିମଧ୍ୟରୁ ୪ ଜଣ ପିଲା SNCUରେ ରହି ଚିକିତ୍ସିତ ହେଉଥିବା ବେଳେ କୋଭିଡ ପଜିଟିଭ ଚିହ୍ନଟ ହୋଇଛନ୍ତି। ଗତକାଲି ୨ ଜଣ ପିଲାଙ୍କୁ ଅଭିଭାବକଙ୍କ ଇଛାରେ କଟକ ରେଫର କରାଯାଇଛି। ତେବେ ପଜିଟିଭ ଥିବା ୧୨ ଜଣ ପିଲାଙ୍କ ମଧ୍ୟରୁ ୮ ଜଣଙ୍କ ବୟସ ମାସକରୁ ଅଧିକ ଥିବା ସୂଚନା ଦେଇଛନ୍ତି ସିଡିଏମ୍ଓ ଲାଲସେନ ଜଗଦେବ। ଜିଲ୍ଲା ଅତିରିକ୍ତ ମୁଖ୍ୟ ଚିକିତ୍ସା ଅଧିକାରୀଙ୍କ କହିବା ମୁତାବକ, ପୂର୍ବରୁ ମା’ମାନେ ସଂକ୍ରମିତ ହୋଇଥାଇ ପାରନ୍ତି। ତେଣୁ ସେମାନଙ୍କ ଠାରୁ ଛୋଟ ଛୁଆଙ୍କୁ କରୋନା ହୋଇଥାଇପାରେ। କାରଣ ଏବେବି ଅଧିକାଂଶ ଗର୍ଭବତୀ ମହିଳା ଟିକା ନେଇ ନାହାନ୍ତି। ତେବେ ଏବେ ଯାଏଁ କୌଣସି ପିଲା ମୃତାହତ ହୋନାହାନ୍ତି। ପିଲାଙ୍କ ଚିକିତ୍ସା ପାଇଁ ୪୦ ଶଯ୍ୟା ବିଶିଷ୍ଟ ଏକ କୋଭିଡ ପେଡିଆଟ୍ରିକ ୱାର୍ଡ କରାଯାଇଛି। ଏଠାରେ ଆଇସିୟୁ, ଜେନରାଲ ୱାର୍ଡ ପ୍ରମୁଖ ରହିଛି। ଯଦି ଅଧିକ ପିଲା ଆକ୍ରାନ୍ତ ହୁଅନ୍ତି ତେବେ ୧୦୦ ଶଯ୍ୟା ବିଶିଷ୍ଟ ଥିବା ଡିସିଏଚ୍‌ରୁ ପେଡିଆଟ୍ରିକ ପାଇଁ କିଛି ବେଡ୍‌ ରଖିବୁ। ସେଠାରେ ବର୍ତ୍ତମାନ ପାଖାପଖି ୭୦ଟି ବେଡ୍‌ ଖାଲି ରହିଛି। ସେ ଆହୁରି କହିଛନ୍ତି, ସର୍ଭେ ଅନୁସାରେ ବହୁତ କମ୍‌ ପିଲା ଗୁରୁତର ହେଉଛନ୍ତି। ମାସକ ମଧ୍ୟରେ କୌଣସି ପିଲା ଗୁର...