ଢେଙ୍କାନାଳ - ବାଲୁକା ଶିଳ୍ପୀ ସୁବ୍ରତ ମହାରଣା ଢେଙ୍କାନାଳ ଜିଲ୍ଲା ଅନ୍ତର୍ଗତ ଏକ ଗାଆଁ ସିମିନାଇ ଗ୍ରାମର ସୁବ୍ରତ ମହାରଣା l ବାଲି ଉପରେ କରନ୍ତି ତାଙ୍କର କାରୁକାର୍ଯ୍ୟ ପୂର୍ଣ୍ଣ ଜୀବନ୍ତ ପ୍ରତିମା ନିର୍ମାଣ l ଢେଙ୍କାନାଳ ଗଜଲକ୍ଷ୍ମୀ ପୂଜା ଉତ୍ସବ ପାଳନ ଅବସରରେ ଢେଙ୍କାନାଳର ଷ୍ଟାଡିୟମ ପରିସରରେ କରିଛନ୍ତି ଏହି ବାଲୁକା କଳା ପ୍ରଦର୍ଶନ l ଗୋଟିଏ ଗୋଟିଏ ବାଲୁକା ଶିଳ୍ପ ପାଇଁ ଦରକାର କରନ୍ତି ୪ ଟନ ବାଲି ସମୟ ଲାଗିଥାଏ ୧୦ ଘଣ୍ଟା l ଅକ୍ଲାନ୍ତ ପରିଶ୍ରମ କରି ସେ ହାତେଇ ନେବାରେ ସଫଳ ହୋଇଛନ୍ତି ଅନେକ ସମ୍ମାନ l 

ଯାଜପୁର /ଦାନଗଦି - ୧୮/୧୦/୨୦୧୯ ଦାନଗଦି ତହସିଲ ଅନ୍ତର୍ଗତ ବାଲିଆପାଳ, ବାଘୁଆପାଳ ଓ ମଣ୍ଡପଡା ମୌଜାର ଶତାଧିକ ଚାଷୀ ଆଜି ବିକ୍ଷୋଭ ପ୍ରଦର୍ଶନ କରିଛନ୍ତି l ବିଗତ ଦିନ ଧରି ଡୁବୁରୀ - ସୁକିନ୍ଦା - ଅନୁଗୁଳ ନୂତନ ରେଳପଥର ନିର୍ମାଣ କାର୍ଯ୍ୟ ଚାଲିଛି ଏହାଦ୍ୱାରା ପାର୍ଶ୍ୱ ର ସହ ସହ ଏକର ଜମି ର କ୍ଷତି ହେଉଛି l ଏବେ ଚାଷଜମିରେ ପାଣି ନାହିଁ, ଜମି ଫାଟି ଯାଇଛି l ଚାଷୀ ମୁଣ୍ଡରେ ଚଡକ ପଡିଛି ଏହି ପ୍ରସଙ୍ଗରେ ଆଜି ଚାଷୀ ପରିବାର ସମୂହ ବିକ୍ଷୋଭ ପ୍ରଦର୍ଶନ କରିଛନ୍ତି l ପ୍ରଶାସନର ଦୃଷ୍ଟି ପଡୁ ଚାଷୀ ମାନଙ୍କ ସମସ୍ୟା ସୁଧାରିବା ପାଇଁ ସରକାର ପଦକ୍ଷେପ ନିଅନ୍ତୁ ଏହା ସାଧାରଣରେ ଦାବି ହେଉଛି l

ଯାଜପୁର /କଳିଙ୍ଗନଗର :- କଳିଙ୍ଗନଗର ଶିଳ୍ପା ଅଞ୍ଚଳରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଶ୍ରମିକମାନଙ୍କ ଦୁର୍ଦ୍ଦଶା l କାରଖାନାରେ କାମକରି ପରିବାର ପ୍ରତିପୋଷଣ କରିବା ପାଇଁ ଚାକିରି କରି ମଧ୍ୟ ପରିବାର ରହୁଛନ୍ତି ଓପାସ l କଳିଙ୍ଗନଗର ମୈଥାନ କାରଖାନାରେ ଆଜକୁ ୯ ମାସ ହେବ ମିଳିନାହିଁ ଶ୍ରମିକମାନଙ୍କ ପାରିଶ୍ରମିକ ଏହି ପ୍ରସଙ୍ଗରେ ଆଗରୁ ଦୁଇ ଦୁଇ ଥର କାରଖାନାର ମୁଖ୍ୟ ଫାଟକ ବନ୍ଦ କରି ଥିଲେ ଶ୍ରମିକମାନେ l ଏବେ  ସେମାନେ  ନିଜର ନ୍ୟାାର୍ଯ୍ୟ ଦାବି   ଓହ୍ଲାଇଲେେ ରାସ୍ତାକୁ, ୧୭ ତାରିଖରେ  ସମ୍ପୂର୍ଣ୍ଣ ଭାବେ ବନ୍ଦ  କରିଥିଲେ ବିଜୁପଟ୍ଟନାୟକ  ମାର୍ଗ  ରାସ୍ତା l  ସେମାନଙ୍କ ସାଥିରେ ସାଥ୍ ଦେଇଥିଲେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ ଘଡାଇ l ପୋଲିସ ପ୍ରଶାସନ ପକ୍ଷରୁ ବ୍ଯାପକ ସୁରକ୍ଷା ବ୍ୟବସ୍ଥା ଗ୍ରହଣ କରିବା ସହିତ, କତୃପକ୍ଷଙ୍କ  ଆଲୋଚନା  ପରେ ଚୁଡାନ୍ତ ନିଷ୍ପତ୍ତି ନିଆଯିବ ବୋଲି ପ୍ରତିଶ୍ରୁତି  ମିଳିଥିଲା l

ସୁକିନ୍ଦା ଥାନା ଅନ୍ତର୍ଗତ ପିମ୍ପୁଡ଼ିଆ ପଞ୍ଚାୟତ ର ନୂଆ ଡିହ ଗ୍ରାମର ବାସିନ୍ଦା ଶରତ ମହାରଣା ଙ୍କ ଘରୁ ଗତ 09-10-19 ତାରିଖ ଦିନ ରାତିରେ ଟ୍ରଙ୍କ ବକ୍ସ ସହ ସୁନା ଅଳଙ୍କାର ଚୋରି ହୋଇଥିବା ତା ୧୬-୧୦-୧୯ ତାରିଖ ଦିନ ସୁକିନ୍ଦା ଥାନା ରେ ଏତଲା ଦେଇଥିଲେ I ସ୍ଥାନୀୟ ଥାନା ଏସ୍ ଆଇ ସୁବାସ ଚନ୍ଦ୍ର ଦାସ କେସ୍ ନମ୍ବର ୨୪୭/୧୯ ରେ କେସ୍ ରୁଜୁ କରି ତଦନ୍ତ ଆରମ୍ଭ କରିଥିଲେ l ପୋଲିସ ସନ୍ଦେହ ରେ ଉକ୍ତ ଗ୍ରାମର ନରେନ୍ଦ୍ର ମହାନ୍ତ ଓ ଚନ୍ଦ୍ରମଣି ମହାନ୍ତ କୁ ଥାନାକୁ ଆଣି ଜେରା କରିବା ବେଳେ ସେମାନ ସତ ମାନିଥିଲେ ତେଣୁ ସୁକିନ୍ଦା ପୋଲିସ୍ କେସ୍ ନମ୍ବର ୨୪୭/୧୯ ଦଫା ୪୫୭,୩୮୦, ରେ ଅଭିଯୁକ୍ତ ଦୁଇଜଣଙ୍କୁ ୧୭-୧୦-୧୯ ତାରିଖ ଦିନ କୋଟ୍ ଚାଲାଣ କରିଛି I