ଭୁବନେଶ୍ୱର (ବ୍ୟୁରୋ ରିପୋର୍ଟ ):- କ୍ୟାପିଟାଲ ଥାନା ଅନ୍ତର୍ଗତ ମାଷ୍ଟର କ୍ୟାଣ୍ଟିନ ଛକରେ ବସ ରୁ ଓଲ୍ହାଇବା ସମୟରେ ସେଠାରେ ଉପସ୍ଥିତ ଥିବା ଜୈନକ ନିଶାଗ୍ରସ୍ତ ବ୍ୟକ୍ତି ଯୁବତୀଙ୍କ ଶରୀର ସ୍ପର୍ଶ କରିବା ସହ ଅଶାଳୀନ ବ୍ୟବହାର କରିବା ରୁ ଯୁବତୀ ଜଣକ ଏହାର ପ୍ରତିବାଦ କରି ଚିତ୍କାର କରିଥଲେ। ଏହି ସମୟରେ ଅଭିଯୁକ୍ତ ଜଣକ ଦୌଡ଼ି ପଳାଇ ଯାଉଥିବା ସମୟରେ ସେଠାରେ ଉପସ୍ଥିତ ଥିବା କେତେକ ସ୍ଥାନୀୟ ଯୁବକ ଓ ଉଠା ଦୋକାନୀ ଗୋଡ଼ାଇ ଗୋଡ଼ାଇ" ମୋ ବସ ଟର୍ମିନାଲ" ନିକଟରୁ ଅଭିଯୁକ୍ତ କୁ କାବୁ କରି  ନିକଟରେ ଥିବା ଆରକ୍ଷୀ ସହାୟତା କେନ୍ଦ୍ର ରେ ଜିମା ଦେଇଥିଲେ। ପରେ କ୍ୟାପିଟାଲ ଥାନା ମହିଳା ଆଇ ଆଇ ସି ଘଟଣା ସ୍ଥଳରେ ପହଞ୍ଚି ଯୁବତୀଙ୍କ ଠାରୁ ଏତଲା ଗ୍ରହଣ କରି ଅଭିଯୁକ୍ତ ବ୍ୟକ୍ତିଙ୍କୁ ନିଜ ହେପାଯତ କୁ ନେଇ ତଦନ୍ତ ଆରମ୍ଭ କରିଥିବା ଜଣାପଡିଛି।

କଟକ(ବ୍ୟୁରୋ ରିପୋର୍ଟ) :-କଟକ ରେଳ ଷ୍ଟେସନରୁ ଟଙ୍କା ଭର୍ତ୍ତି ବ୍ୟାଗ୍ ଜବତ ହୋଇଛି । ଜବତ ହୋଇଥିବା ୪ଟି ବ୍ୟାଗରେ ଲକ୍ଷାଧିକ ଟଙ୍କା ଥିବା ମିଳିଛି, ଯାହାର ଆନୁମାନିକ ମୂଲ୍ୟ ପ୍ରାୟ ୨୦ ଲକ୍ଷରୁ ଅଧିକ । ୪ଟି ବ୍ୟାଗରେ ଭର୍ତ୍ତି ହୋଇ ରହିଛି କେବଳ ୧୦ ଓ ୨୦ ଟଙ୍କିଆ ନୋଟ୍ । ଭୁବନେଶ୍ୱରରୁ ଦିଲ୍ଲୀ ଗଲା ବେଳେ ବ୍ୟାଗ୍ ଜବତ କରିଛି ଆରପିଏଫ୍ । ରାଜଧାନୀ ଏକ୍ସପ୍ରେସରେ ଗଲା ବେଳେ ଆରପିଏଫ୍ ଧରିଥିବା ସୂଚନା ମିଳିଛି । ଟଙ୍କା ବ୍ୟାଗ୍ ଧରି ଦିଲ୍ଲୀ ଯାଉଥିବା ଜଣେ ବ୍ୟକ୍ତିଙ୍କୁ ଅଟକ ରଖି ଜେରା ଚାଲିଛି । ରାଜଧାନୀ ଏକ୍ସପ୍ରେସରେ ଦିଲ୍ଲୀ ଟଙ୍କା ନେଇ ଯାଉଥିବା ବ୍ୟକ୍ତିଙ୍କ ନାଁ ଏ.କେ. ସ୍ୱାଇଁ ବୋଲି ଜଣାପଡିଛି ।  କାହା ପାଖକୁ ଟଙ୍କା ପଠାଯାଉ ଥିଲା ବୋଲି ପ୍ରଶ୍ନ ପଚାରିବାରୁ ଏ.କେ. ସ୍ୱାଇଁ କୌଣସି ଉତ୍ତର ଦେଇ ନାହାନ୍ତିି । ଘଟଣାରେ ଅଧିକ ତଥ୍ୟ ଜାଣିବା ପାଇଁ ପୋଲିସ ଛାନଭିନ୍ ଜାରି ରଖିଛି ।

ଢେଙ୍କାନାଳ :ଚଳିତ ମାସ ୬ ତାରିଖ ପୁର୍ବାହ୍ନ ରେ ଢେଙ୍କାନାଳ ଜିଲ୍ଲାର ସଦରମହକୁମା ରେ ଥିବା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଥିବା ଡକ୍ଟର ଭି. ଆର. ଆମ୍ବେଦକର ଙ୍କ ପ୍ରତିମୂର୍ତ୍ତିରେ ତାଙ୍କର ୬୫ତମ ତିରୋଧାନ ଦିବସ ଉପଲକ୍ଷେ ପୁଷ୍ପମାଲ୍ୟ ଅର୍ପଣ କରାଯାଇଥିଲା ।  ଆଜିର ଏହି ପୁଷ୍ପମାଲ୍ୟ ଅର୍ପଣ ଉସ୍ଛବରେ ଢେଙ୍କାନାଳର ସାଂସଦ ମହେଶ ସାହୁ,ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀ,ହିନ୍ଦୋଳ ବ୍ଲକ ଅଧକ୍ଷ ପ୍ରିୟ ରଞ୍ଜନ ମହାନ୍ତି,ପୂର୍ବତନ ନଗରପାଳ ଶ୍ରୀ ସୁଧାଂଶୁ କୁମାର ଦଳେଇ ଓ ଇନ୍ଦ୍ରମଣି ବେହେରା,ଜିଲ୍ଲା କଂଗ୍ରେସ ସଭାପତି ସରୋଜ କୁମାର ପଟ୍ଟନାୟକ,ଶାନ୍ତିଭୂଷଣ ପଣ୍ଡା,ସମାଜସେବୀ ସରୋଜ କୁମାର ଶତପଥୀ,ଆମ୍ବେଦକର ସୋସାଇଟି ର ସଭ୍ୟ ସଭ୍ୟା ଏବଂ ମାନ୍ୟଗଣ୍ୟ ବ୍ୟକ୍ତିମାନେ ଯୋଗଦେଇଥିଲେ ।ମାନ୍ୟବର ସାଂସଦ ଆମ୍ବେଦକର ଙ୍କର ସ୍ମୃତିଚାରଣ କରିଥିଲେ । ଅଗାମୀପିଢି ଆମ୍ବେଦକରଙ୍କର ମାର୍ଗଦର୍ଶନ କଲେ ଦେଶ ଓ ରାଜ୍ୟର ଶାନ୍ତି ଓ ସଁହତି ବଜାୟ ରହିପାରିବ ବୋଲି ମତବ୍ୟକ୍ତ କରିଥିଲେ ।

ବଲାଙ୍ଗୀର :- ପାଟଣାଗଡ ବଲାଙ୍ଗିର ଜିଲ୍ଲା ଖପ୍ରାଖୋଲ ପୋଲିସ ସୋମବାର ଦିନ ସକାଳ ୧୦ ଟା ବେଳେ ପେଟ୍ରୋଲିଙ୍ଗ କରୁଥିବା ସମୟରେ ୧୨ ଜଣ ଦାଦନ ଶ୍ରମିକଙ୍କୁ ଉଦ୍ଧାର କରିଥିବା ଜଣା ପଡିଛି । ସୂଚନା ଅନୁଯାୟୀ ଏଏସଆଇ ସେୱାନ କେରକେଟା ତାଙ୍କ ଟିମ ସହିତ ଖପ୍ରାଖୋଲରୁ କନ୍ଦେନଝୁଲା ରାସ୍ତାରେ ପେଟ୍ରୋଲିଙ୍ଗ କରୁଥିବା ସମୟରେ ସେମାନଙ୍କୁ କନ୍ଦେନଝୁଲା ଛକଠାରୁ ଉଦ୍ଧାର କରି ଖପ୍ରାଖୋଲ ଥାନାକୁ ଅଣା ଯାଇଥିଲା,ତାଙ୍କୁ ପଚରାଉଚରା କରିବାରୁ ଜଣାପଡିଲା ଯେ ସେମାନେ ଦାଦନ ଖଟିବାକୁ ବାହାରକୁ ଚାଲାଣ ହେଉଥିଲେ l ସୂଚନା ଅନୁଯାୟୀ ଭରୁଆମୁଣ୍ଡା ଗ୍ରାମର ୮ ଜଣ  ପୁରୁଷ ଓ ମହିଳା ସମେତ ୪ ଜଣ ଶିଶୁ ରହିଥିବା ବେଳେ ଏମାନଙ୍କୁ  କଣ୍ଟାବାଞ୍ଜିରେ ରହୁଥିବା ଥିବା ଶ୍ରମିକ ଦଲାଲ ଅମରେନ୍ଦ୍ର କୁମାର ବାଗ(୪୨) ଏବଂ କନ୍ଦେନଝୁଲା ଗ୍ରାମର ଦାଦନ ସର୍ଦାର ଗୋପ ରାୟ(୫୭) ବିଜୟନଗରମ(ଆନ୍ଧ୍ର ପ୍ରଦେଶ) କୁ ପଠାଉଥିବା ଜଣାପଡିଥିଲା କିନ୍ତୁ ଦୁର୍ଭାଗ୍ୟର କଥା ଦୁଇ ଜଣ ଅଭିଯୁକ୍ତ ପୋଲିସ ହାତରେ ଧରାପଡି ନାହାନ୍ତି l ପୋଲିସ ଦୁଇ ଅଟୋ ଡ୍ରାଇଭର ବିରଞ୍ଚି ବାଗ(୪୧) ଓ ପୂର୍ଣ୍ଣ ବଗର୍ତ୍ତୀ(୩୦) ଙ୍କୁ  ଗିରଫ କରି ଖପ୍ରାଖୋଲ ଥାନା କେସ ନଂ. ୨୧୧/୨୧, ଧାରା ୪୨୦/୩୭୦/୩୭୪/୩୪ ଆଇପିସି /୨୫ ଅନ୍ତଃ ରାଜ୍ୟ ପ୍ରବାସୀ ଶ୍ରମିକ ଅଧିନିୟ ମ ଅନୁଯାୟୀ କେସ ରୁଜୁ କରି ଦୁଇ ଜଣଙ୍କୁ କୋର୍ଟ ଚାଲାଣ କରାଯାଇଥିବା ଖପ୍ରାଖୋଲ ଥାନା ଅଧିକାରୀ ରମାକ...

ଯାଜପୁର :- ଜିଲ୍ଲା ର କଳିଙ୍ଗନଗର ଅନ୍ତର୍ଗତ ମାଣତିରା ପଞ୍ଚାୟତରେ ଦୀର୍ଘ ୫ ବର୍ଷରୁ ଉର୍ଦ୍ଧ ବର୍ଷ ଧରି ୬୬ ଏକର ଜମିରେ ଇମାମି ସିମେଣ୍ଟ କାରଖାନା ଗଢି ଉଠିଥିବା ବେଳେ ବର୍ତ୍ତମାନ କାରଖାନାର ମାଲ ପରିବହନ ନିମନ୍ତେ ରେଲୱେ ଲାଇନ ଓ ସାଇଡିଂ ନିର୍ମାଣ ପାଇଁ ଇଡ଼କୋ ପକ୍ଷରୁ ଉକ୍ତ ଜମିକୁ ଲିଜ ସୂତ୍ରରେ ନେବାପାଇଁ ଆବେଦନ କରାଯାଇଛି l ତେଣୁ ଏଥି ସମ୍ବଦ୍ଧରେ ସ୍ଥାନୀୟ ରାବଣା ଓ ମାଣତିରା ପଞ୍ଚାୟତ ବାସୀଙ୍କ ଆପତ୍ତି ଅଭିଯୋଗଥିଲେ ୩0 ଦିନ ମଧ୍ୟରେ ଲିଖିତଭାବେ ଜଣାଇବାକୁ ଦାନଗଦୀ ତହସିଲଦାର ସର୍ବସାଧାରଣରେ ନୋଟିସ ଜାରୀ କରିଥିଲେ l  ଅନ୍ୟପଟେ ଏହି ନୋଟିସକୁ ମାଣତିରା ଓ ରାବଣାର ଗ୍ରାମବାସୀ ବିରୋଧ କରି ଦାନଗଦୀ ତହସିଲଦାରଙ୍କୁ ଏକ ଦାବିପତ୍ର ପ୍ରଦାନ କରିଥିଲେ l  ସୂଚନା ଥାଉକି ଇମାମି ସିମେଣ୍ଟ କାରଖାନା ପ୍ରାରମ୍ଭରୁ ସ୍ଥାନୀୟ ଜମିହରା ମାଲିକଙ୍କ ଠାରୁ ଜମି ଅଧିଗ୍ରହଣ ବେଳେ ସ୍ଥାୟୀ ନିଯୁକ୍ତି ଓ ଅଞ୍ଚଳର ପାରିପାର୍ଶ୍ଵିକ ବିକାଶ କରିବାକୁ ପ୍ରତିଶୃତି ଦେଇଥିଲେ l ଯାହା ଏଯାଏଁ କୌଣସି ପ୍ରତିଶୃତିକୁ ପୂରଣ କରିନାହାନ୍ତି ବରଂ ସ୍ଥାନୀୟ ଅଞ୍ଚଳରେ ପ୍ରଦ୍ୟୁଷଣ ବଢ଼ି ଅଞ୍ଚଳବାସୀ ବିଭିନ୍ନ ରୋଗଗ୍ରସ୍ତ ହେଉଛନ୍ତି ବୋଲି ଅଭିଯୋଗ ଆଣିଛନ୍ତି I ଏବଂ କମ୍ପାନୀ ପ୍ରତି କୌଣସି ବିଶ୍ୱାସ ଆଉ ନାହିଁ ବୋଲି ସିଧାସଳଖ କହିଛନ୍ତି ଗ୍ରାମବାସୀ I  ଅଗାମୀଦିନରେ ଯଦି ଅଞ୍ଚଳର ଉନ୍ନତିମୂଳକ କାର୍ଯ୍ୟ...