ଯାଜପୁର (ବ୍ୟୁରୋ ରିପୋର୍ଟ) :- କେଶରୀୟା ହିନ୍ଦୁ ବାହିନୀ, ଯାଜପୁର ଜିଲ୍ଲା ପକ୍ଷରୁ ଆଜି ସଂନ୍ଧ୍ୟା ଘ. ୬.୩୦ ମି. ରେ ଏକ ଅଶ୍ରୁଳ ଶ୍ରଦ୍ଧାଞ୍ଜଳୀ ସଭାର ଆୟୋଜନ କରାଯାଇଥିଲା l କେଶରୀୟା ହିନ୍ଦୁ ହିନ୍ଦୁ ବାହିନୀ ଗଞ୍ଜାମ ଜିଲ୍ଲା ସହ ପ୍ରଭାରୀ ସ୍ଵର୍ଗତ ବି. ଟଙ୍କଧର ଭାଇ ଜଣେ ସୁସଂଗଠକ ଓ ସମାଜ ସଂସ୍କାରକ ବ୍ୟକ୍ତି ଥିଲେ l ସେ ବହୁ କମ ବୟସରେ ମାତ୍ର ୪୭ ବର୍ଷ ବୟସରେ ଆମ୍ଭମାନଙ୍କୁ ଛାଡ଼ି ଇହଲୀଳା ସମ୍ବରଣ କରିଛନ୍ତି l ତାଙ୍କ ଅମର ଆତ୍ମାର ସଦ୍ ଗତି କାମନା କରି କେଶରୀୟା ହିନ୍ଦୁ ବାହିନୀ, ଯାଜପୁର ଜିଲ୍ଲା ପକ୍ଷରୁ ଆଜି ଏକ ଅଶ୍ରୁଳ ଶ୍ରଦ୍ଧାଞ୍ଜଳୀ ସଭାର ଆୟୋଜନ କରାଯାଇଥିଲା l ଉକ୍ତ ସଭାରେ ଯାଜପୁର ଜିଲ୍ଲାର ଅଧ୍ୟକ୍ଷ ଶ୍ରୀଯୁକ୍ତ ଅଭିମନ୍ୟୁ ଶତପଥୀ ଙ୍କ ସହିତ ଜିଲ୍ଳା ପ୍ରବକ୍ତା ଶ୍ରୀଯୁକ୍ତ ସୁବାସ ଚନ୍ଦ୍ର ବଳସାମନ୍ତ, ଜିଲ୍ଲା ସହସଂଯୋଜକ ବସନ୍ତ କୁମାର ପାତ୍ର, ଜିଲ୍ଲା ଉପାଦକ୍ଷ ଶ୍ରୀକାନ୍ତ ମହାପାତ୍ର, କୋଷାଧ୍ୟକ୍ଷ ଅରୁଣ କୁମାର ମହାରଣା, ବ୍ୟାସନଗର ପୌରପରିଷଦ ଅଧ୍ୟକ୍ଷ ପ୍ରଶାନ୍ତ କୁମାର ଜେନାମଣି ସହ ଦାନଗଦି ବ୍ଲକ ଅଧ୍ୟକ୍ଷ ଗୋପୀନାଥ ରାଉତ ଏବଂ ଦାନଗଦି ବ୍ଲକ ପ୍ରଖଣ୍ଡ ମିଡିଆ ସେଲ୍ ଅଧ୍ୟକ୍ଷ ଉମାକାନ୍ତ ମହାପାତ୍ର ଯୋଗଦେଇ ସ୍ଵର୍ଗତ ଟଙ୍କଧର ଭାଇ ଙ୍କ ସ୍ମୃତି ଚାରଣ କରିବା ସହିତ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା l RITA vision News 

 ବ୍ୟୁରୋ ରିପୋର୍ଟ (Rita vision News) :- ଆଗକୁ ଆସୁଛି ପାର୍ବଣ, ଏହି ପରିପ୍ରେକ୍ଷୀରେ ଓଡ଼ିଶା ସରକାର ବିଭିନ୍ନ କରୋନା ନିୟମ ଅନୁଯାୟୀ ପୂଜା ପାଳନ କରିବା ପାଇଁ ନିଷ୍ପତ୍ତି କୁ ପୂଜା କମିଟି ଗୁଡିକ ଅସମର୍ଥ ପ୍ରକାଶ କରିଛନ୍ତି l ଆଗକୁ ଅନୁଷ୍ଠିତ ହେବାକୁ ଥିବା ଦୁର୍ଗା ପୂଜା, କାଳୀ ପୂଜା, ଲକ୍ଷ୍ମୀ ପୂଜା ପାଇଁ ଓଡ଼ିଶା ସରକାର ଜାରି କରିଥିବା ଗାଇଡଲାଇନ୍ସକୁ ଚ୍ୟାଲେଞ୍ଜ କରି କଟକ ବାଲୁବଜାର ପୂଜା କମିଟି ପକ୍ଷରୁ ହାଇକୋର୍ଟରେ ମାମଲା ଦାୟର ହୋଇଛି। ମାମାଲାର ମାନ୍ୟବର କୋର୍ଟ କି ବିଚାର କରିବେ ତାହା ସମୟ କହିବ l ମୂର୍ତ୍ତିର ଉଚ୍ଚତା ଓ ଆବଦ୍ଧ ମଣ୍ଡପକୁ ଚ୍ୟାଲେଞ୍ଜ କରି ଏହି ମାମଲା ଦାୟର କରାଯାଇଛି। ମୂର୍ତ୍ତିର ଉଚ୍ଚତା ୪ ଫୁଟ ରଖିବାକୁ ସରକାର ଗାଇଡଲାଇନ ଜାରି କରିଛନ୍ତି। ସେହିପରି ମଣ୍ଡପର ୩ ପାର୍ଶ୍ୱ ସଂପୂର୍ଣ୍ଣ ଓ ଚତୁର୍ଥ ପାର୍ଶ୍ୱ ଆଂଶିକ ବନ୍ଦ ରଖିବାକୁ ନିର୍ଦ୍ଦେଶ ରହିଛି।