ଯାଜପୁର (ସୁକିନ୍ଦା) :-ସୁକିନ୍ଦା ବ୍ଳକ କୁହିକା ସ୍ୱାସ୍ଥ୍ୟକେନ୍ଦ୍ରରେ ଜୈବ-ଚିକିତ୍ସା ବର୍ଯ୍ୟବସ୍ତୁ ପରିଚାଳନା ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି l ରୋଗୀ ଚିକିତ୍ସା ଜନିତ ବର୍ଯ୍ୟବସ୍ତୁକୁ (Bio-Medical Waste ) ପ୍ରଦୂଷଣ ବୋର୍ଡ ନିୟମାବଳୀ ଅନୁଯାୟୀ ପରିଚାଳନା କରାଯାଇଅଛି l ଏଥିରେ ବିଭିନ୍ନ କିସମର ବର୍ଯ୍ୟବସ୍ତୁକୁ ସଂଗ୍ରହ କରାଯାଇ ଅଲଗା ଅଲଗା ରଙ୍ଗୀନ ବାଲତିରେ ପୃଥକୀକରଣ କରାଯାଏ l  ହଳଦିଆ, ଲାଲ, ନୀଳ, ଧଳା ଓ କଳା ରଙ୍ଗର ବାଲତି ମାନଙ୍କରେ ରଖାଯାଏ l ସେଠାରୁ ନେଇ ନିର୍ଦିଷ୍ଟ ନନ୍ଦକୂଅ ବା ପିଟ ମାନଙ୍କରେ ପକାଯାଏ l ପୂଜ ଓ ରକ୍ତଭିଜା ତୁଳା, କପଡା, ସିରିଞ୍ଜ, ଇଂଜେକସନ ଛୁଞ୍ଚି, ସାଲାଇନ ବୋତଲ,କାଚ ବୋତଲ,ଔଷଧ ଖୋଳ ଇତ୍ୟାଦି ବାହାରେ ଇଆଡ଼େ ସିଆଡେ ନଅପକାଈ ପିଟ ରେ ପକାଇ ଦିଆଯାଇଥାଏ l ପୁନଶ୍ଚ ପିଟ ଗୁଡିକ ସଂସ୍ପରେ ଯେପରି ମଣିଷ, ପଶୁମାନେ ନ ଆସନ୍ତି ସେଥିପାଇଁ ପିଟ ଚାରିପଟେ ଇଟା କାନ୍ଥ ଦିଆଯାଇଛିl ଏହାଦ୍ଵାରା ପରିବେଶ ପ୍ରଦୂଷଣ ଓ ରୋଗ ସଂକ୍ରମଣ ହ୍ରାସପାଇଥାଏ l

ଯାଜପୁର (ବ୍ୟାସନଗର) :- ବିଳମ୍ବିତ ରାତିରେ ଯାଜପୁର ରୋଡ ଥାନା କୋପଣ୍ଡ ଗାଁରେ ଲକ୍ଷାଧିକ ଟଙ୍କାର ସୁନାଗ୍ରହଣା ଚୋରି,ଥାନାରେ ଏତଲା ଦିଆଯାଇଛି। ସୂଚନା ମୁତାବକ ଗତକାଲି ବିଳମ୍ବିତ ରାତିରେ ନିଜର କାମଧନ୍ଦା ସାରି ଖାଇପିଇ ସମ୍ବୁନାଥ ସାହୁଙ୍କ ପରିବାର ଲୋକେ ଶୋଇଥିଲେ। ରାତି ୩ଟାରୁ କୌଣସି କାମରେ ସମ୍ବୁନାଥଙ୍କ ପତ୍ନୀ ସଂଯୁକ୍ତା ସାହୁ ଘର ବାହାରକୁ ଆସିବାକୁ ବାହାରିଥିଲେ । ମାତ୍ର ଘର ପ୍ରତେକ ରୁମରେ କୌଣସି ବ୍ୟକ୍ତି ବାହାରୁ ବନ୍ଦ କରିଦେବା ସହିତ ଘରର ମୁଖ୍ୟ ଫାଟକ ଖୋଲା ଥିଲା  । ଯାହାକୁ ଦେଖି ସଂଯୁକ୍ତା ନିଜ ଘର ଲୋକଙ୍କୁ ଡାକିଥିଲେ। ତେବେ ଘରର ସମସ୍ତ ରୁମକୁ ଯାଇ ଦେଖିଲା ବେଳକୁ ଅଧିକାଂଶ ଜିନିଷ ଚୋରି ହେଇଯାଇଥିଲା। ଏଥିସହିତ ନିଜର ଝିଅ ବାହାଘର ପାଇଁ ରଖିଥିବା ସୁନା ମୁଦି,ଚୁଡ଼ି,ମଙ୍ଗଳସୂତ୍ର ଓ ଅନ୍ୟାନ୍ୟ ରୁପା ଜିନିଷ ଚୋରି ହେଇଯାଇଥିଲା।  ତେବେ ଏହି ଚୋରି ଘଟଣାକୁ ସମ୍ବୁନାଥ ସାହୁ ଯାଜପୁର ରୋଡ ଥାନାରେ ଅଭିଯୋଗ କରିବା ପରେ ପୋଲିସ ପକ୍ଷରୁ ଚୋରି ଘଟଣାର ତଦନ୍ତ ଆରମ୍ଭ କରିଛନ୍ତି। ସେପଟେ ଏହି ଘଟଣାର ଉପଯୁକ୍ତ ତଦନ୍ତ କରି ନ୍ୟାୟ ପ୍ରଦାନ ପାଇଁ ସଂଯୁକ୍ତା ସାହୁ ଦାବି କରିଛନ୍ତି l 

ଯାଜପୁର - ଗତ କାଲି ହୋଟେଲ ରୋୟାଲ କଳିଙ୍ଗରେ ୟୁଥ ଫର ଆକ୍ସନ ସଙ୍ଘର କୋରାଇ ସଭାପତି ସୁଶୀଲ କୁମାର ମଲିକଙ୍କ ତତ୍ୱାବଧାନରେ କରାଇ ଓ ବ୍ୟାସନଗର ସଙ୍ଘର ନୂତନ କାର୍ଯ୍ୟକର୍ତ୍ତା ମାନଙ୍କ ନାମ ଘୋଷଣା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି ସଂଗଠନ ଦୀର୍ଘ ୨ ବର୍ଷଧରି ନୂତନ ଭାବେ ଅଣ ରାଜନୈତିକ ସଂଗଠନ ଭାବେ କାର୍ଯ୍ୟକରୀ ଆସୁଥିବାବେଳେ ଦିନକୁ ଦିନ ସଂଗଠନ ପ୍ରତି ଜନସାଧାରଣ ତଥା ଯୁବ ପିଢିଙ୍କ ନିକଟତର ହେବାରେ ଲାଗିଛି l  ଏହି ସଂଗଠନ ନିରପେକ୍ଷ ଭାବେ ସମାଜକୁ ଏକ ସୁଦର, ସରସ କରି ଗଢିତୋଳିବା ଓ ଯୁବ ପିଢିଙ୍କ ନକରାତ୍ମକ ଚିନ୍ତାଧାରାକୁ ବଦଳାଇ ମୁଖ୍ୟସ୍ରୋତରେ ସାମିଲ କରିବା ଏବଂ ସମାଜରେ ଘଟୁଥିବା ଅନ୍ୟାୟ, ଅତ୍ୟାଚାର ବିରୁଦ୍ଧରେ ଲଢେଇ କରିବାଭଳି ଏହାର ମୁଖ୍ୟ ଉଦେଶ୍ୟ ବୋଲି ସଙ୍ଘ ରାଜ୍ୟ ସମ୍ପାଦକ ଅଶ୍ୱିନୀ କର କହିଥିଲେ l  ୟୁଥ ଫର ଆକ୍ସନ ସଙ୍ଘର ରାଜ୍ୟ ସମ୍ପାଦକ ଅଶ୍ୱିନୀ କର ଓ ଯାଜପୁର ଜିଲ୍ଲା ସଭାପତି ରୂପକ ଦାଶ କାର୍ଯ୍ୟକ୍ରମରେ ଯୋଗଦେଇ ଥିବାବେଳେ ସଙ୍ଘ ଘୋଷିତ ନୂତନ କାର୍ଯ୍ୟକର୍ତ୍ତା ମାନଙ୍କ ମଧ୍ୟରେ କୋରାଇ ମଣ୍ଡଳ ସଭାପତି ଭାବେ ସୁଶୀଲ କୁମାର ମଲିକ, ଉପ ସଭାପତି ଭାବେ ଚନ୍ଦନ ମଲିକ, ମନୋଜ ରାଉତ, ସୁବ୍ରତ ସାହୁ, ରଞ୍ଜିତ ମଲିକ l ସମ୍ପାଦକ ଭାବେ ଜଗନ ବରାଳ ବିଶ୍ୱନାଥ ମହାରଣା, ଶ୍ରୀକାନ୍ତ ସ୍ୱାଇଁ, ରମାକାନ୍ତ କାଣ୍ଡି ଓ ଜ୍ଞାନରଞ୍ଜନ ମହାନ୍ତି ରହିଛନ୍ତି...