ଯାଜପୁର (କଳିଙ୍ଗନଗର)ତା ୦୮/୧ :- ଡୁବୁରୀ - ଚଣ୍ଡିଖୋଲ ଜାତୀୟ ରାଜପଥର ଗୋଲାଗାଁ, ବାଇସାହି ଛକ ନିକଟରେ ମର୍ମନ୍ତୁଦ ସଡକ ଦୁର୍ଘଟଣାରେ ଜଣେ ମୃତ ଓ ଦୁଇଜଣ ଗୁରୁତର ଭାବେ ଆହତ ହୋଇଥିବା ଜଣାପଡିଛି l ଘଟଣାରୁ ପ୍ରକାଶ ଯେ ସନ୍ଧ୍ୟା ପାଖାପାଖି ୬ ଟା ସମୟରେ ଡୁବୁରୀ ରୁ ଚଣ୍ଡିଖୋଲ ଅଭିମୁଖେ ଯାଉଥିବା ଏକ କାର୍ (OD04N 8167) ଅପର ପକ୍ଷରୁ ଆସୁଥିବା ଏକ ମୋଟରସାଇକଲ୍ ସହିତ ମୁହାମୁହିଁ ଧକ୍କା ଦେଇଥିଲା I ଫଳରେ ମୋଟରସାଇକଲ୍ ଚାଳକ ଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା ବେଳେ ତାଙ୍କ ସ୍ତ୍ରୀ ଓ ୪ ବର୍ଷର ଶିଶୁ ପୁତ୍ର ଗୁରୁତର ଭାବେ ଆହତ ହୋଇଥିଲେ l ସ୍ଥାନୀୟ ଲୋକେ କ୍ରୋଧାନ୍ବିତ ହୋଇ ଧକ୍କା ଦେଇଥିବା କାର୍ ଟିରେ ନିଆଁ ଲଗାଇ ଦେଇଥିଲେ l କାର ରେ ଥିବା ଦୁଇଜଣଙ୍କୁ ପ୍ରବଳ ମାଡ ମାରିଥିବା ଜଣା ପଡିଛି l ମୃତ ବ୍ୟକ୍ତି ଜଣକ ଦାନଗଦୀ ବ୍ଲକ ଅନ୍ତର୍ଗତ ଚାନ୍ଦିଆ ପଞ୍ଚାୟତର ଅଙ୍କୁରାପାଳଗାଁ ର ଗୁଲୁ ରାମେୟ (୪୦) ବୋଲି ଜଣାପଡିଛି Iମୃତ ଗୁଲୁ ର ସ୍ତ୍ରୀ ଓ ୪ ବର୍ଷର ଶିଶୁ ପୁତ୍ର କୁ ଗୁରୁତର ଅବସ୍ଥାରେ ଟାଟା ମେଡିକା ହସ୍ପିଟାଲ କୁ ନିଆଯାଇଛି I କଳିଙ୍ଗନଗର ପୋଲିସ୍ ଖବର ପାଇ ପ୍ରାୟ ୧ ଘଣ୍ଟା ବିଳମ୍ବରେ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ରେ ମୃତ୍ୟୁବରଣ କରିଥିବା ବ୍ୟକ୍ତି କୁ ପଂଚନାମା ପାଇଁ ସ୍ଥାନୀୟ ଦାନଗଦୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର କୁ ପଠାଇଛି I ଜଳନ୍ତା କାର୍

ଯାଜପୁର(ବ୍ୟୁରୋ ରିପୋର୍ଟ) :- ଯାଜପୁରରୋଡ଼ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଏକ ବର୍ଷର ଶିଶୁ ପୁତ୍ରର ମୃତ୍ୟୁକୁ ନେଇ ବଡ଼ ଅଭିଯୋଗ ଆଣିଛନ୍ତି ମୃତ ଶିଶୁର ବାପା ମା l ସୂଚନା ଅନୁଯାୟୀ ଶଙ୍ଖଚିଲା ସ୍ଥିତ ବରେଇ ଗ୍ରାମର ଉଜ୍ଜଳ ପ୍ରଧାନ ଓ ତାଙ୍କ ସ୍ୱାମୀ ଆନନ୍ଦ ପ୍ରଧାନଙ୍କ କୌଣସି ପୁଅ ଝିଅ ନଥିବାରୁ ସେ ତାଙ୍କ ଶଳା ଦୟା ଦେହୁରୀଙ୍କ ୩ ମାସର ଶିଶୁ ପୁଅକୁ ପୌଷ୍ୟ ପୁତ୍ର ଭାବେ ରଖି ପାଳିଥିଲେ l ଶିଶୁ ପୁତ୍ରର ନାଁ ସାଇ ଦେହୁରୀ ହୋଇଥିବାବେଳେ ତାଙ୍କୁ ଦୀର୍ଘ ୭ ମାସ ଧରି ଲାଳନ ପାଳନ କରି ଚାଲିଥିଲେ, କିନ୍ତୁ ହଠାତ ଆଜି ସକାଳୁ ଶିଶୁଟିର ସ୍ୱାସ୍ଥ୍ୟ ଖରାପ ହେବାରୁ ତାଙ୍କୁ ଚିକତ୍ସା ନିମନ୍ତେ ଯାଜପୁର ରୋଡ଼ ଗଣେଷ ମାର୍କେଟ ସ୍ଥିତ ଡାକ୍ତର ତାଜମୁଲ ହକ ହୋମିଓ କ୍ଲିନିକରେ ଚିକିତ୍ସା କରିଥିଲେ l ଡାକ୍ତର ତାଙ୍କୁ ଔଷଧ ଦେଇଥିଲେ କିନ୍ତୁ ଔଷଧ ଖାଇବାପରେ ଶିଶୁଟି ରକ୍ତ ବାନ୍ତି କରିବାରୁ ତୁରନ୍ତ ନିକଟସ୍ଥ ଯାଜପୁରରୋଡ଼ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ସେଠାରେ ଡାକ୍ତର ତାକୁ ପ୍ରାଥମିକ ଚିକତ୍ସା ପରେ ମୃତ ଘୋଷଣା କରିଥିଲେ ବୋଲି କହନ୍ତି ମା ଉଜ୍ଜଳ ପ୍ରଧାନ l  ଅନ୍ୟପଟେ ହୋମିଓ ଡାକ୍ତର ତାଜମୁଲ ହକ କୌଣସି ଭୁଲ ଔଷଧ ଦେଇନାହାଁନ୍ତି ବୋଲି ନିଜର ଚିକତ୍ସାକୁ ନେଇ ପ୍ରତିକ୍ରିୟା ରଖିଥିଲେ I  ଏନେଇ ଯାଜପୁର ରୋଡ଼ ଥାନାଧିକାରୀ ଉପେନ୍ଦ୍ର କୁମାର ପ୍ରଧାନଙ୍କ ସହ ଏସ.ଆଇ ନିର୍ମଳ ଚନ୍ଦ୍ର ସାହୁ ଓ ଏସ.ଆଇ