ଯାଜପୁର (ସୁକିନ୍ଦା) :- ସୁକିନ୍ଦା ସାହିତ୍ୟ ସମାଜ ଆନୁକୂଲ୍ୟରେ ଶିକ୍ଷାବିତ ସୁରେନ୍ଦ୍ର କୁମାର ଦାଶଙ୍କ ରଚିତ ଗଳ୍ପ ସଂକଳନ 'ତୃତୀୟ ରସ' ଉନ୍ନ୍ମୋଚନ ଉପଲକ୍ଷେ ଭାରତୀୟ ବିଦ୍ୟା ନିକେତନ, ସୁକିନ୍ଦାଠାରେ ଏକ ସମାବେଶ ରବିବାର ପୂର୍ବାହ୍ନରେ ଅନୁଷ୍ଠିତ ହୋଇଥିଲା l  ଏଥିରେ ସୁକିନ୍ଦା ଥାନା ଆଇଆଇସି ଶିବ ଚରଣ ବେହେରା ମୁଖ୍ୟ ଅତିଥି, ସେବାନିବୃତ୍ତ ଭୁବନ କଲେଜ ଅଧ୍ୟକ୍ଷ କିଶୋର ଚନ୍ଦ୍ର ଦାଶ, ସାହିତ୍ୟ ସମାଜର ମୁଖ୍ୟ ଉପଦେଷ୍ଟା ବରିଷ୍ଠ ସାମ୍ବାଦିକ ଜୟ ନାରାୟଣ ମହାପାତ୍ର ଓ ଉପଦେଷ୍ଟା ସେବାନିବୃତ୍ତ କୋଷlଗାର ଅଧିକାରୀ ମାଧବ ଚନ୍ଦ୍ର ବଳ ସମ୍ମାନିତ ଅତିଥିଭାବେ ଯୋଗଦେଇ ଏହାକୁ ଉନ୍ନ୍ମୋଚନ କରିଥିଲେ l  ପୁସ୍ତକର ଲେଖକ ଶ୍ରୀ ଦାଶ ପୁସ୍ତକ ସମ୍ପର୍କରେ ସୂଚନା ଦେଇ ସାହିତ୍ୟର ନବରସ ମଧ୍ୟରୁ କରୁଣ ହେଉଛି ତୃତୀୟ ରସ l ପୁସ୍ତକରେ ସନ୍ନିବେଶିତ ସମସ୍ତ ୧୨ଟି ଗଳ୍ପ ଏହି ରସ ଉପରେ ଆଧାରିତ ବୋଲି କହିଥିଲେ l ସାହିତ୍ୟ ସମାଜର ସଭାପତି ସେବାନିବୃତ୍ତ ଅଧ୍ୟକ୍ଷ ଅକ୍ଷୟ କୁମାର ଭୂୟାଁଙ୍କ ଅଧ୍ୟକ୍ଷତlରେ ଅନୁଷ୍ଠିତ ଏହି ଉତ୍ସବରେ ସମ୍ପାଦକ ପ୍ରାଧ୍ୟାପକ ହିମାଂଶୁ ଶେଖର ଦ୍ବିବେଦୀ ପ୍ରାରମ୍ଭିକ ସୂଚନା ଓ ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ l  ଉପ ସଭାପତି ଡ. ଦୟାନିଧି ଦାଶ ଧନ୍ୟବାଦ ଅର୍ପଣ କରିଥିଲେ l କୋଷlଧ୍ୟକ୍ଷ ମନୋରଞ୍ଜନ ଦାସ ଉତ୍ସବ ପରିଚାଳନା କରିଥିଲେ l

ଯାଜପୁର (ସୁକିନ୍ଦା) :-ସୁକିନ୍ଦା ପ୍ରେସ ଫୋରମର ଏକ ବୈଠକ ରବିବାର ସୁକିନ୍ଦାସ୍ଥିତ ଫୋରମ କାର୍ଯ୍ୟାଳୟଠାରେ ଅନୁଷ୍ଠିତ ହୋଇଥିଲା l ଫୋରମର ମୁଖ୍ୟ ଉପଦେଷ୍ଟା ବରିଷ୍ଠ ସାମ୍ବାଦିକ ଜୟ ନାରାୟଣ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସଭାପତି ରବି ନାରାୟଣ କର ସାମ୍ବାଦିକ ମାନଙ୍କ ଦାୟିତ୍ୱ ଓ କର୍ତ୍ତବ୍ୟ ସମ୍ପର୍କରେ ସୂଚନାଦେବା ସହ ଅନୁସନ୍ଧାନମୂଳକ ଓ ସମସ୍ୟା ସମ୍ପର୍କିତ ସମ୍ବାଦ ପରିବେଷଣ ଉପରେ ଗୁରୁତ୍ୱ ଆରୋପ କରିଥିଲେ l ସାମ୍ବାଦିକମାନେ କୌଣସି ଚାପର ବଶବର୍ତ୍ତୀ ନହୋଇ ସତ୍ୟ ସମ୍ବାଦ ପରିବେଷଣ କଲେ ଜନସାଧାରଣଙ୍କ ଆସ୍ଥାଭାଜନ ହୋଇ ପାରିବେ ବୋଲି ସେ କହିଥିଲେ l  ପ୍ରେସଫୋରମର ଆବାହକ ସାମ୍ବାଦିକ ଜିଜ୍ଞାଂଶୁ ସାହୁ ପ୍ରାରମ୍ଭିକ ସୂଚନା ଦେଇ ପ୍ରେସ ଫୋରମ ଗଠନର ଆବଶ୍ୟକତା ଓ ଆଭିମୁଖ୍ୟ ସମ୍ପର୍କରେ ସୂଚନା ଦେଇଥିବା ବେଳେ, ଫୋରମ ପକ୍ଷରୁ ଉମାକାନ୍ତ ମହାପାତ୍ର, ଅଂଶୁମାନ ବେହୁରା,ଅବିନାଶ ମିଶ୍ର ପ୍ରମୁଖ ବୃତ୍ତିର ମର୍ଯ୍ୟାଦା ରକ୍ଷା ଦିଗରେ ଫୋରମର ସଦସ୍ୟମାନେ ବ୍ରତୀହେବା ଆବଶ୍ୟକ ବୋଲି ମତ ରଖିଥିଲେ l  ଚକ୍ରଧର ମହାଳିକ ପ୍ରାରମ୍ଭିକ ସୂଚନା ଦେଇଥିଲେ l ସୁକିନ୍ଦା ନିର୍ବାଚନ ମଣ୍ଡଳୀରେ କାର୍ଯ୍ୟରତ ପ୍ରିଣ୍ଟ,ସାଟେଲାଇଟ ଓ ଡିଜିଟାଲ ମିଡିଆରେ କାର୍ଯ୍ୟରତ ସାମ୍ବାଦିକମାନଙ୍କୁ ନେଇ ଏହି ଫୋରମ ସୁକିନ୍ଦାବାସୀଙ୍କ ସେବାରେ ନିଜକୁ ଉତ୍ସର୍ଗ କରିବା ନିମନ୍ତେ ବଦ୍ଧ