ପୁରୀ (ବ୍ୟୁରୋ ରିପୋର୍ଟ ) : - ଜଣେ ଦିବ୍ୟାଙ୍ଗ ନାବାଳିକାଙ୍କୁ ଜଙ୍ଗଲକୁ ଟେକି ନେଇ ତାଙ୍କ ପାଟିରେ ବାଧ୍ୟ କରି ଜଳନ୍ତା ସିଗାରେଟ ପୁରାଇ ନିର୍ଯ୍ୟାତନା ଦେବାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରାଲ ହୋଇଛି। ପୁରୀ ଜିଲ୍ଲା କୃଷ୍ଣପ୍ରସାଦ ଥାନା ଅଞ୍ଚଳରେ ଏଭଳି ଅଭାବନୀୟ ଘଟଣା ହୋଇଥିବା ଜଣାପଡ଼ିଛି। ପ୍ରେମ ପାଇଁ ଦୁଇ ଯୁବକ ଯୋଜନାବଦ୍ଧ ଭାବେ ଏଭଳି କାଣ୍ଡ ଭିଆଇଥିବା ଜଣାପଡ଼ିଛି। ଏହି ଘଟଣାରେ ସମ୍ପୃକ୍ତ ଦୁଇ ଯୁବକଙ୍କୁ ଉଠାଇ ନେଇଥିଲା। କିନ୍ତୁ ସେମାନଙ୍କ ମଧ୍ୟରୁ ଜଣେ ନାବାଳକ ହୋଇଥିବାରୁ ତାକୁ ପୋଲିସ ଛାଡ଼ି ଦେଇଛି।ଦିବ୍ୟାଙ୍ଗ ନାବାଳିକାଙ୍କ ଦେଇଥିବା ଏତଲା ଆଧାରରେ ପୋଲିସ ୩୪୧, ୨୯୪, ୩୨୩, ୩୫୪, ୩୫୪(କ), ୫୦୬, ୫୦୯ ଓ ୩୪ ଆଇପିସି ଦଫା ଲଗାଇଛି। ତେବେ ଅଭିଯୋଗକାରିଣୀ ନାବାଳିକା ହୋଇଥିଲେ ମଧ୍ୟ ପୋଲିସ ପୋକ୍ସୋ କିମ୍ବା ଆଇଟି ଆକ୍ଟ ନଲଗାଇ ଅଭିଯୁକ୍ତ ନାବାଳକକୁ ଛାଡ଼ିଦେଇଛି। ଗିରଫ ଅଭିଯୁକ୍ତର ପରିଚୟ ସୁରେଶ ପଲାଇ (ମିଥୁନ)।ସୂଚନାଥାଉକି, ସେହି ନାବାଳିକାକୁ ମିଥୁନ ପ୍ରେମ କରୁଥିବା ଜଣାଯାଇଛି। ପ୍ରେମରେ ବିଫଳ ହେବାରୁ ଜଣେ ନାବାଳକ ସହ ଅଭିଯୁକ୍ତ ନାବାଳିକାଙ୍କୁ ଜଙ୍ଗଲକୁ ନେଇଥିଲା। ସେଠାରେ ତାଙ୍କୁ ଅଶ୍ଳୀଳ ଭାଷାରେ ଗାଳିମନ୍ଦ କରିଥିଲେ। କେବଳ ସେତିକି ନୁ ଗୋଟିଏ ବେତ ବାଡ଼ିରେ ନାବାଳିକାକୁ ଆକ୍ରମଣ ମଧ୍ୟ କରିଥିବା ଭିଡିଓରେ ଦେଖାଯାଇଛି।

ଯାଜପୁର (କଳିଙ୍ଗନଗର ) :- ଦାନଗଦୀ ବ୍ଲକ ଅନ୍ତର୍ଗତ ଯଖପୁରା ଗ୍ରାମ ପଞ୍ଚାୟତର ସରପଞ୍ଚ ଅରୁଣ ଜ୍ୟୋତି ସାମଲ(ରାଜା) ଙ୍କ ସମେତ ତିନିଜଣଙ୍କୁ ଭୁବନେଶ୍ଵର ରୁ ଗିରଫ କରିଛି ପୁରୀ ଜିଲ୍ଲା ତାଳବଣିଆ ପୁଲିସ୍ l ଯଖପୁରା ଥାନା ଅଧିକାରୀ ଜଗଦୀଶ କର ଙ୍କ ଠାରୁ ମିଳିଥିବା ସୂଚନା ଅନୁଯାୟୀ ଗତ ଶୁକ୍ରବାର ରାତିରେ ପୁରୀ ଜିଲ୍ଲା ତାଳବଣିଆ ଥାନା ଅଞ୍ଚଳରେ ଜୈନିକ ପୁଲିସ କର୍ମଚାରୀଙ୍କୁ ମାଣତିରା ଗ୍ରାମର ରଞ୍ଜନ ଘଡାଇ ଙ୍କ ବ୍ରିଜା କାର ସାଇଡ ମାରିଥିଲା l ଯାହାକୁ ନେଇ ପୁଲିସ କର୍ମଚାରୀ ଙ୍କ ସହ OD02CC 1996 କାର ରେ ଥିବା ଚାରିଜଣ ଯୁବକ ଧସ୍ତାଧସ୍ତି କରିବା ସହିତ ତାଙ୍କ ବେକରେ ବନ୍ଧୁକ ଲଗାଇ ଦୁଇ ଭରି ର ସୁନା ଚେନ୍ କୁ ଲୁଟି ନେଇଥିବା ଅଭିଯୋଗ ହୋଇଥିଲା l ପୁଲିସ କର୍ମଚାରୀ ବଳରାମ ମଲ୍ଲିକ ଙ୍କ ଅଭିଯୋଗ କ୍ରମେ ଥାନାରେ ମାମଲା ୧୬/୨୩ ରଜ୍ଜୁ କରାଯାଇ ଧାରା ୩୯୪ ଆଇ ପି ସି ,୨୫/୨୭ ଆର୍ମସ ଆକ୍ଟ ଆଧାରରେ ତାଳବଣିଆ ପୁଲିସ ଯଖପୁରା ଗ୍ରାମପଞ୍ଚାୟତର ବିଜେଡି ସମର୍ଥିକ ସରପଞ୍ଚ ଅରୁଣ ଜ୍ୟୋତି ସାମଲ(ରାଜା) , ରଞ୍ଜନ ଘଡାଇ ଏବଂ ଯଖପୁରା ଗ୍ରାମର ଲକି ସାମଲ ଙ୍କୁ ଗିରଫ କରି କୋର୍ଟଚାଲାଣ କରିଛି l ସୂଚନା ଥାଉ କି କଳିଙ୍ଗନଗର ଶିଳ୍ପାଞ୍ଚଳ ଅନ୍ତର୍ଗତ ଯଖପୁରା ଠାରେ ପ୍ରସ୍ତାବିତ ଜଟିଆ ଷ୍ଟିଲ ପାଚେରୀ ନିର୍ମାଣ କାର୍ଯ୍ୟ ରେ ନିୟୋଜିତ ଠିକା ସଂସ୍ଥା ମମିତା ଏଣ୍ଟରପ୍ରାଇଜେସ ର ମାଲିକ ପ୍ରସନଜିତ ନାୟକ ଙ୍କ ଉପରେ ହୋଇଥିବା ...