ଭୁବନେଶ୍ୱର (ବ୍ୟୁରୋ ରିପୋର୍ଟ) : - ଭାରତର ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ ଆଜି ଓଡିଶାର ରାଇରଙ୍ଗପୁର ଠାରେ ବର୍ଷବ୍ୟାପି ନିଶା ମୁକ୍ତ ଓଡିଶା (ନିଶାମୁକ୍ତ ଓଡିଶା) ଅଭିଯାନର ଶୁଭାରମ୍ଭ କରିଛନ୍ତି। ଏହି ଅଭିଯାନକୁ ଭାରତ ସରକାରଙ୍କ (GOI) ସହଯୋଗରେ ବ୍ରହ୍ମାକୁମାରୀମାନେ ପରିଚାଳନା କରିବେ। ଜିନ୍ଦଲ ଷ୍ଟେନଲେସ୍ ଏହି ପଦକ୍ଷେପର ପ୍ରାଥମିକ ପୃଷ୍ଠପୋଷକ ହୋଇ ଏହି ଉତ୍ତମ କାର୍ଯ୍ୟରେ ଯୋଗ ଦେଇଛନ୍ତି | ବ୍ରହ୍ମାକୁମାରୀମାନଙ୍କ ଏବଂ ଜିନ୍ଦଲ ଷ୍ଟେନଲେସର ଏହି ଉଦ୍ୟମକୁ ପ୍ରଶଂସା କରି ଭାରତର ମହାମହିମ ରାଷ୍ଟ୍ରପତି ଉପସ୍ଥିତ ଜନସାଧାରଣଙ୍କୁ ସମ୍ବୋଧିତ କରି କହିଥିଲେ ଯେ “ଆରମ୍ଭରୁ ମନୁଷ୍ୟ ନିଶାଦ୍ରବ୍ୟ ଖାଏ, କିନ୍ତୁ ପରିଶେଷରେ ନିଶାଦ୍ରବ୍ୟ ମନୁଷ୍ୟକୁ ଗ୍ରାସ କରେ |ଏହି ବିପଦକୁ ମୁକାବିଲା କରିବାଲାଗି ତୃଣମୂଳ ସ୍ତରରେ ସଚେତନତା ଗୁରୁତ୍ୱପୂର୍ଣ୍ଣ ଅଟେ | ଓଡିଶା ମୋର ଜନ୍ମ ସ୍ଥାନ, ଏହାକୁ ନିଶା ମୁକ୍ତ କରିବା ପାଇଁ ମୁଁ ଏହି ଉତ୍ତମ ପଦକ୍ଷେପକୁ ପ୍ରଶଂସା କରୁଛି। କେବଳ ବ୍ୟକ୍ତିବିଶେଷଙ୍କ ପାଇଁ ନୁହେଁ ସମଗ୍ର ସମାଜରେ ସଂସ୍କାର ଆଣିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ | ସମ୍ପୃକ୍ତ ସମସ୍ତ ଅଂଶୀଦାରମାନଙ୍କୁ ଅଭିନନ୍ଦନ ଜଣାଇବା ସହିତ ଏହି ଅଭିଯାନରେ ସହଯୋଗ ବୃଦ୍ଧି କରିବାକୁ ଓଡିଶାର ନାଗରିକମାନଙ୍କୁ ଅନୁରୋଧ । ”.ଏହି ସରକାରୀ ପଦକ୍ଷେପକୁ ପ୍ରଶଂସା କରି ଜିନ୍ଦ

କଳିଙ୍ଗନଗର - ଦାନଗଦି ବ୍ଲକ୍ କୁମ୍ଭୀରଗଡ଼ିଆ ପଞ୍ଚାୟତ ର ବିଭିନ୍ନ ଉନ୍ନୟନ ମୂଳକ କାମ ର ଶୁଭ ଉନ୍ମୋଚନ କରିଛନ୍ତି ଓଡିଶା ଗ୍ରାମ୍ଯଉନ୍ନୟନ ଓ ଦକ୍ଷତା ବିକାଶ ମନ୍ତ୍ରୀ ଶ୍ରୀଯୁକ୍ତ ପ୍ରିତିରଞ୍ଜନ ଘଡାଇ l ଏହି ଅବସରରେ ଦାମୋଦର ପୁର ଗ୍ରାମରେ ଜିନ୍ଦଲ ଷ୍ଟିଲ୍ ଦ୍ୱାରା ୧୧ ଲକ୍ଷ ଟଙ୍କା ବ୍ୟୟରେ ନିର୍ମିତ କମ୍ୟୁନିଟି ସେଣ୍ଟର ଶୁଭ ଉନ୍ମୋଚନ କରିଛନ୍ତି l ଆଗାମୀ ଦିନରେ ମହିଳାଙ୍କ ପାଇଁ ମିଶନ ଶକ୍ତି ଗୃହ ଓ ଗ୍ରାମର କଙ୍କ୍ରିଟ୍ ରୋଡ଼ କାର୍ଯ୍ୟ ନିମନ୍ତେ ୧୬ ଲକ୍ଷ ଟଙ୍କା ବ୍ୟୟବରାଦ କରାଯାଇଛି l ଏହି ଅବସରରେ ଏକ ସାଧାରଣ ସଭାରେ ଉଦବୋଧନ ଦେଇଥିଲେ ମନ୍ତ୍ରୀ l ଏହି କାର୍ଯ୍ୟକ୍ରମ ରେ କୁମ୍ଭୀରଗଡ଼ିଆ ପଞ୍ଚାୟତର ବିଜେଡି ସଭାପତି ଗୋପୀନାଥ ଶତପଥୀ ଙ୍କ ସହିତ ବିଧାୟକ ପ୍ରତିନିଧି, ସାମାଜ ସେବୀ ପୂର୍ଣ୍ଣଚନ୍ଦ୍ର ବିଶ୍ଵାଳ, ଦାନଗଦି ବ୍ଲକ ଉପସଭାପତି ଓ ଅନ୍ୟାନ୍ୟ ବ୍ୟକ୍ତିବିଶେଷ ଉପସ୍ଥିତ ଥିଲେ l