ଅନୁଗୁଳ (ବ୍ୟୁରୋ ରିପୋର୍ଟ) ତା ୨୮,୪,୨୦- ପୂଜାର୍ଚ୍ଚନା ଓ ଆଧ୍ୟାତ୍ମିକ ବିଶ୍ବାସ ସାଧାରଣ ଲୋକଙ୍କ ଜୀବନ ସହିତ ଜଡ଼ିତ ରହିଥାଏ, ଯେଉଁ ଧର୍ମର ଲୋକ ହୁଅନ୍ତୁ ବା କାହିକିଁ ଜୀବନରେ ବଞ୍ଚିବା ପାଇଁ କର୍ମ ସହିତ ଆଧ୍ୟାତ୍ମିକତା ଆବଶ୍ୟକତା ରହିଛି l ଏହିଭଳି ସାରା ବିଶ୍ୱ କୋରୋନା ସଂକ୍ରମଣ ରେ ଯେମିତି ବେହାଲ ହୋଇ ଯାଇଛି ତାହାକୁ ଦୃଷ୍ଟି ରେ ରଖି ଅନୁଗୁଳ କୁମୁରସିଙ୍ଗl କାବୁଲିପାଳସ୍ଥିତ ଆଶୁତୋଷ ଆଶ୍ରମ ରେ ସ୍ୱାମୀ ଶ୍ରୀ ଅଖଣ୍ଡାନନ୍ଦ ପୁରୀ ଜି ମହାରାଜ ଜୀ ଙ୍କ ଉପସ୍ଥିତିରେ  ଆଜି ଏକ ବିଶ୍ୱ ଶାନ୍ତି ରୁଦ୍ରମହାଯଜ୍ଞ ଅନୁଷ୍ଠିତ ହୋଇ ଯାଇଛି l ସରକାର ଙ୍କ ଲକ ଡାଉନ ନିୟମ କୁ ପାଳନ କରି ସାମାଜିକ ଦୂରତା ନିୟମ କୁ ପାଳନ କରାଯାଇଛି ଓ ୧୦୮ ଗାୟତ୍ରୀ ମନ୍ତ୍ର ଜପ ଏବଂ ୧୦୮ ମହାମୃତୁଞ୍ଜୟ ମନ୍ତ୍ର ମଧ୍ୟ ପାଠ କରାଯାଇଥିଲା ଆଜିର ଏହି ଧାର୍ମିକ ବ୍ଯବସ୍ଥା କୁ ସମାଜ ର ମଙ୍ଗଳ କାମନା ରେ ଉତ୍ସର୍ଗୀକୃତ କରାଯାଇଥିଲା I 

ଅନୁଗୁଳ - ତା ୨୮,୪.୨୦(ବ୍ୟୁରୋ ରିପୋର୍ଟ ) ଦୁନିଆ ରେ ଭୟଙ୍କର କାୟା ବିସ୍ତାର କରି ଥିବା କୋରୋନା ସଂକ୍ରମଣ କୁ ଦୃଷ୍ଟି ରେ ରଖି କେନ୍ଦ୍ର ତଥା ରାଜ୍ୟ ସରକାର ଯେଉଁ ଲକ ଡାଉନ ଘୋଷଣା କରିଛନ୍ତି ସେହି ନିୟମ ଅନୁସାରେ ଆଜି ଶଙ୍କରାଚାର୍ଯ୍ୟ ପୀଠ ପରିଷଦ ଓ ଆଦିତ୍ୟ ବାହିନୀ ଅନୁଗୁଳ ଶାଖା ଆନୁକୂଲ୍ୟ ରେ ଆଦିଶଙ୍କରାଚାର୍ଯ୍ୟ ଜୟନ୍ତୀ ଅତି ନିରାଡ଼ମ୍ବର ଭାବରେ ସଦସ୍ୟ ଶ୍ରୀ ବିପିନ ମହାପାତ୍ର ଙ୍କ ସୁସୁଡା ସ୍ଥିତ ବାସଭବନରେ ସରକାର ଙ୍କ ନିୟମ ପାଳନ କରି ସାମାଜିକ ଦୂରତ୍ୱ ବଜାୟ ରଖି ଗୁରୁ ପୂଜନ ଓ ପାଦୁକା ପୂଜନ ରୀତିନୀତି ଅନୁଯାୟୀ ପାଳନ କରାଯାଇଛି ଏଥିରେ ସଭାପତି ବାସୁଦେବ ହୋତା, ପଣ୍ଡିତ କୁମାର ରୋହିତ ଦାସ, ଡଃ.ସୁଧୀର ମିଶ୍ର ଓ ବିପିନ ମହାପାତ୍ର ଉପସ୍ଥିତ ରହି ସମାଜ ତଥା ବିଶ୍ୱର ମଙ୍ଗଳ କାମନା କରି ଥିଲେ ।

ବ୍ୟୁରୋ ରିପୋର୍ଟ - କରୋନା ର କରାଳ ସାରା ଦେଶରେ ଏବେ ହଇଚଇ ସୃଷ୍ଟି କରିଥିବା ବେଳେ ସାଧାରଣଲୋକଙ୍କୁ ଘରେ ଏକପ୍ରକାର ବାନ୍ଧି ରଖିଛି l ଏହି ସମୟରେ ଛାତ୍ରଛାତ୍ରୀମାନେ ବିଦ୍ୟାଳୟ ର ମାଟି ମାଡି ପାରୁନାହାନ୍ତି, ତେଣୁ ସେମାନଙ୍କୁ କୌଣସି ପ୍ରକାର ର ସମୟକୁ ଅତିବାହିତ କରିବାକୁ ହେଉଛି, କିଏ ଟେଲିଭିଜନରେ ସମୟ କାଟୁଛନ୍ତି ତ କିଏ କିଏ ଘରୋଇ ଖେଳ ରେ l ଏହି ପରି ଅନେକ ଛାତ୍ରଛାତ୍ରୀ ତାଙ୍କ ନିଜ ମୁତାବକ ଘରେ ବସି କାର୍ଯ୍ୟ ନିର୍ବାହ କରୁଛନ୍ତି l ଏହି ଅବସରରେ ଆମେ ଆପଣଙ୍କୁ କିଛି ଝଲକ ଦେଖିବାକୁ ସୁଯୋଗ ଦେଉଛୁ, ଏହି ପିଲାଟି ହେଉଛି ସରସ୍ଵତୀ ବିଦ୍ୟାମନ୍ଦିର, ରଙ୍ଗ ବଜାର୍ ଭୁବନେଶ୍ଵର ତୃତୀୟ ଶ୍ରେଣୀର ଛାତ୍ର ସୁଜିତ୍ ଚାନ୍ଦ ପ୍ରଧାନ, ବୟସ ଆଠ ବର୍ଷ, କିନ୍ତୁ ତାଙ୍କର ରୁଚି ଚିତ୍ରାଙ୍କନ ପ୍ରତି l ଘରେ ପାଠପଢ଼ା ପରେ ବାକି ସମୟ କୁ ସେ ନିଜର କଳା ପାଇଁ ଉପଯୋଗ କରିଥାନ୍ତି l ସେ ହେଉଛନ୍ତି ଦାନଗଦି ର ସୁଶୀଲ ଚାନ୍ଦ ପ୍ରଧାନ ଓ ମାତା swagatika ଦାସ ଙ୍କ  ସୁପୁତ୍ର l ଛୋଟ ବୟସରୁ ହିଁ ସେ ତାଙ୍କର କଳାକୃତିର ବେଶ୍ ଭଲ ଭାବରେ ପରିପ୍ରକାଶ କରୁଛନ୍ତି l

ଅନୁଗୁଳ (ଆଠମଲ୍ଲିକ) - ଘଟିଯାଇଛି ଏକ ଅଭାବନୀୟ ଘଟଣା, କ୍ଷଣିକ ମଧ୍ୟରେ ଜଳିପୋଡ଼ି ପାଉଁଶ ହୋଇଯାଇଛି ଏକ ଗରିବ ପରିବାର ଘର l ଆଜି ଅପରାହ୍ନ ୧ ଟା ବେଳେ ହଠାତ ଜଳି ଉଠିଥିଲା କିଶୋରନଗର ବ୍ଲକ କଣ୍ଢାଳ ଗ୍ରାମର ଶରତ ଦେହୁରୀଙ୍କ ଚାଳ ଘର,ନିଆଁରେ ଜଳି ପାଉଁଶ ହେଇଗଲା ଶରତଙ୍କ ଚାରି ବଖରା ଘର | ଗାଁ ଲୋକେ ଘର ଜଳୁଥିବାର ଦେଖି ସଙ୍ଗେ ସଙ୍ଗେ ବାମୁର ଅଗ୍ନିଶମ ବିଭାଗକୁ ଦିନ ୧ ଟା ବେଳେ ଖବର ଦେଇଥିଲେ କିନ୍ତୁ ଅଗ୍ନିଶମ ବିଭାଗ ନିଆଁ ଲିଭା ସ୍ଥଳେ ପହଞ୍ଚିବା ପୂର୍ବରୁ ଗାଁର କିଛି ଲୋକମାନେ ନିଆଁ ଲିଭାଇବା ପାଇଁ ଚଢ଼ିଯାଇଥିଲ ଶରତଙ୍କ ଘର ଉପରେ | ସ୍ଥାନୀୟ ନଳକୂପ ଓ ପୋଖରୀରୁ ପାଣି ଆଣି ଦୀର୍ଘ ସମୟ ପର୍ଯ୍ୟନ୍ତ ପରିଶ୍ରମ କରି ନିଆଁ କୁ ଆୟତ କରିବାରେ ସଫଳ ହୋଇଥିଲେ |        ଗ୍ରାମବାସୀ ଙ୍କ ଦ୍ୱାରା ନିଆ ଆୟତ ହେବ ପରେ ଆସି ପହଞ୍ଚିଥିଲେ ଅଗ୍ନିଶମ ବିଭାଗର କର୍ମଚାରୀ | ସେଠାକାର ସ୍ଥିତିକୁ ଅନୁଧ୍ୟାନ କରି କ୍ଷୟକ୍ଷତି ଆକଳନ କରିଥିଲେ ବିଭାଗର କର୍ମଚାରୀ ଶ୍ରୀ ଏସ ଏନ ଆଚାର୍ଯ୍ୟ | ଶ୍ରୀ ଆଚାର୍ଯ୍ୟ ଙ୍କ ସୂତ୍ରରୁ ପ୍ରକାଶ ଯେ ଇଲେକ୍ଟ୍ରି ସଟସର୍କିଟ ଯୋଗୁ ଚାଳରେ ନିଆଁ ଲାଗି ଯାଇଥିଲା ଓ ଚାରିଟି ଘର ଜଳିଯାଇଥିଲା | ପ୍ରାୟ ଦଶ ହଜାର ଟଙ୍କାର ସମ୍ପତି ଜଳି ଯାଇଥିବାର ସୂଚନା ଦେଇଥିଲେ ଶ୍ରୀ ଆଚାର୍ଯ୍ୟ | ଗାଁ ର ଲୋକମାନଙ୍କ କହିବା କଥା ଶରତ ବହୁତ ଗରିବ ହୋଇଥିବାରୁ ଯଦି ତାଙ୍କୁ ସରକାରଙ୍କ ପକ୍ଷରୁ କି

ଅନୁଗୁଳ (ବ୍ୟୁରୋ ରିପୋର୍ଟ) - ଓଡି଼ଶା କରୁଛି କରୋନା ମୁକାବିଲା, ଓଡ଼ିଶା ସରକାରଙ୍କ ନିର୍ଦ୍ଦେଶ କ୍ରମେ ଅନୁଗୁଳ ଜିଲ୍ଲାର ଶ୍ରୀଯୁକ୍ତ ସୁଜିତ୍ ପ୍ରସାଦ ଦ୍ବିବେଦୀ(ରାଜ୍ୟ ସାଧାରଣ ସଂପାଦକ,ବିଜୁ ଯୁବ ଜନତା ଦଳ) ଓ ବିଜୁ ଯୁବ ବାହିନୀ ସଭାପତି ଅବିନାଶ ପରିଡ଼ା ଉପସ୍ଥିତିରେ ଶ୍ରୀମତୀ ନିର୍ମଳା ମାଝୀ(ANM) ଅଙ୍ଗନବାଡ଼ି କର୍ମୀ ଶ୍ରୀମତୀ ମଞ୍ଜୁଶ୍ରୀ ସାହୁ, ଆଶା କର୍ମୀ ଶ୍ରୀମତୀ କନ୍ତିଲତା ମହାରଥ ଙ୍କ ଜରିଆରେ ଅନୁଗୋଳ ରାଧାରମଣ ପଡ଼ା ରେ କରୋନା ସଚେତନତା ଶିବିର ଅନୁଷ୍ଠିତ ହୋଇଥିଲା, ମହିଳା ମାନଙ୍କୁ ସାମାଜିକ ଦୂରତାକୁ ରକ୍ଷା କରିବା ସହ ହାତ ଧୋଇବାକୁ ଦିଆଯାଇ ଥିବା ଶୈଳୀ ସିଖଜାଇଥିଲା ଏବଂ ମାସ୍କ ବଣ୍ଟନ କରାଯାଇଥିଲା l 

  ଅନୁଗୁଳ (ବ୍ୟୁରୋ ରିପୋର୍ଟ) - ଛେଣ୍ଡିପଦା ବ୍ଲକ ଦୁର୍ଗାପୁର ବଳକା ପୂର୍ତ୍ତବିଭାଗ ରାସ୍ତାରେ ଗତ ୨ ମାସ ହେବ ଏକ ଆମ୍ବ ଗଛ ପଡି ଅଧା ରାସ୍ତା କୁ ଅବରୋଧ କରି ରଖିଛି,ଅଧା ରାସ୍ତା ଅବରୋଧ ହେଇଥିବାରୁ ରାସ୍ତାରେ ଯାଉଥିବା ଯାତ୍ରୀ ନିଜକୁ ସୁରକ୍ଷିତ ମଣୁନାହାନ୍ତି | ବିଶେଷ କରି ଏହି ଗଛଟି ରାସ୍ତା ର ଏକ( ଟର୍ଣ୍ଣିଂ ପଏଣ୍ଟ) ବୁଲାଣିଆ ସ୍ଥାନରେ ରହିଛି l ଯାହାକି କୌଣସି ଗାଡି ଚାଳକ ଏହି ଜାଗା ଗୁଡିକୁ ବିପଦପୂର୍ଣ୍ଣ ଜାଗା ବୋଲି ଧରି ନେଇ ଥାନ୍ତି l ଦୀର୍ଘଦିନ ହେବ ପଡିରହିଥିବା ଗଛଉପରେ ସତେ ଯେମିତି ନଜର ପଡୁନାହିଁ ପ୍ରଶାସନର,ପ୍ରାଶାସନିକ ଅଧିକାରୀ ମାନେ ବାରମ୍ବାର ଏହି ରାସ୍ତାରେ ଯାଉଥିଲେ ମଧ୍ୟ ଏହିଭଳି ବିପଦପୂର୍ଣ୍ଣ ଗଛକୁ ଅଣଦେଖାକରି ଚାଲିଛନ୍ତି |ପାଖ ଗାଁ ଲୋକମାନଙ୍କ ସୂତ୍ରରୁ ପ୍ରକାଶ ଯେ, ପ୍ରଶାସନ କୁ ବାରମ୍ବାର ଜଣାଇଲେ ମଧ୍ୟ ଧ୍ୟାନ ଦେଉନାହାନ୍ତି ଅଧିକାରୀ ମାନେ l ଯଦି ଏହିପରି ସ୍ଥଳେ କୌଣସି ଅଘଟଣ ଘଟେ ତେବେ ସେଥିପାଇଁ ଦାୟୀ ରହିବ କିଏ? ସରକାରୀ ବାବୁ ମାନଙ୍କ ଏଭଳି ମନମୁଖୀ କାର୍ଯ୍ୟ ରେ ସାଧାରଣରେ ତୀବ୍ର ଅସନ୍ତୋଷ ଦେଖାଦେଇଛି |

ସମ୍ବଲପୁର: (ବ୍ୟୁରୋ ରିପୋର୍ଟ) ଓଡ଼ିଶାର ବରିଷ୍ଠ ରାଜନେତା ତଥା ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ଥିଲେ ଓ ସେ ରେଢ଼ାଖୋଲ ରୁ ଦୁଇ ଦୁଇ ଥର ବିଧାୟକ ହୋଇ ଥିଲେ ଏବଂ ପୂର୍ବତନ ରାଜ୍ୟସଭା ସଦସ୍ୟ ସନାତନ ବିଶିଙ୍କର ଆଜି ସକାଳ ୬ ଟା ସମୟରେ ପରଲୋକ ହୋଇଛି। ସମ୍ବଲପୁର ସହରର ହାଟପଡ଼ାସ୍ଥିତ ବାସଭବନରେ ସେ ୭୭ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଥିବାର ସୂଚନା I ତାଙ୍କର ଗୋଟିଏ ପୁଅ ଓ ଗୋଟିଏ ଝିଅ ଅଛନ୍ତି l ସେ ୨୦୦୪ ରୁ ୨୦୦୯ ରାଜ୍ୟସଭା ସଦସ୍ୟ ଭାବେ କାର୍ଯ୍ୟ କରୁଥିଲେ l ସ୍ଵର୍ଗତ ଖଗେଶ୍ଵର ବିଶି ଙ୍କ ପୁଅ ଶ୍ରୀଯୁକ୍ତ ସନାତନ ବିଶି ୧୯୪୧ ମସିହାରେ ଜନ୍ମ ଗ୍ରହଣ କରିଥିଲେ l ତାଙ୍କର ଶିକ୍ଷାଗତ ଯୋଗ୍ୟତା B. Com, LLB, ସେ ସାମାଜ ସେବା, ଓକିଲାତି ଛଡା ରାଜନୀତି କ୍ଷେତ୍ରରେ ବେସ୍ ଲୋକପ୍ରିୟ ଥିଲେ l Umakanta Mohapatra (Rita vision News)

ଯାଜପୁର - ଯାଜପୁର ଜିଲ୍ଲାର କଳିଙ୍ଗନଗର ଶିଳ୍ପା ଅଞ୍ଚଳରେ ଥିବା ଟାଟା ଷ୍ଟିଲ ମେଡିକା ହସ୍ପିଟାଲ ରେ ୧୫୦ ଶଯ୍ୟା ବିଶିଷ୍ଟ କରୋନା ହସ୍ପିଟାଲର ଲୋକାର୍ପିତ କରିଛନ୍ତି ଯାଜପୁର ଜିଲ୍ଲାପାଳ ରଞ୍ଜନ କୁମାର ଦାସ l ଏହି ହସ୍ପିଟାଲ ଟାଟାଷ୍ଟିଲ ଓ ମେଡିକା କତୃପକ୍ଷ ଙ୍କ ସହଯୋଗରେ ଓଡ଼ିଶା ର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ନିର୍ଦ୍ଦେଶରେ ଜନସାଧାରଣ ଙ୍କ ସୁରକ୍ଷା କୁ ଦୃଷ୍ଟି ରଖି ଏହିପରି ବ୍ୟବସ୍ଥା କରାଯାଇଛି l ଏହି ହସ୍ପିଟାଲ ରେ ୨୫ ଟି ଆୟୁସିୟୁ ୧୦ ଟି ଭେଣ୍ଟିଲେଟର ସୁବିଧା ଉପଲବ୍ଧ l କରୋନା ରୋଗୀଙ୍କ ଚିକିତ୍ସା ସେବା ଯୋଗାଇ ଦେବା ପାଇଁ ୨୬ ଜଣ ଡାକ୍ତର ଓ ୧୧୫ ଜଣ ପାରାମେଡ଼ିକାଲ ନିୟୋଜିତ ଥିବା ବେଳେ ମେଡିକା ହସ୍ପିଟାଲ ପକ୍ଷରୁ ୮ ଜଣ ଡାକ୍ତର ଓ ୨୦ ଜଣ ପାରାମେଡ଼ିକାଲ ଷ୍ଟାଫ୍ ଙ୍କୁ ନିୟୋଜିତ କରାଯାଇଛି l ଏହି ମେଡିକାଲ ରେ କରୋନା ପଜେଟିଭ୍ ରୋଗୀଙ୍କ ଚିକିତ୍ସା ସହିତ ପରୀକ୍ଷା ପାଇଁ ବ୍ୟବସ୍ଥା ରହିଛି l ଯାଜପୁର ଜିଲ୍ଲା ବ୍ୟତୀତ ପଡୋଶୀ ଜିଲ୍ଲାର ରୋଗୀ ଙ୍କୁ ମଧ୍ୟ ଏହି ସୁବିଧା ଉପଲବ୍ଧ ହେବ l ମାଗଣା ଚିକିତ୍ସା ସେବା ସାଙ୍ଗକୁ ମାଗଣା ଖାଦ୍ୟ ଯୋଗାଇ ଦିଆଯିବ l କୋଭିଡ଼ - ୧୯ ରୋଗୀଙ୍କ ଚିକିତ୍ସା ସେବା ପ୍ରଦାନ କରିବା ପାଇଁ ସାହସର ସହିତ ଯୋଗଦେଇ ଥିବା ସମସ୍ତ ଡାକ୍ତର ଓ କର୍ମଚାରୀ ମାନଙ୍କୁ ଜିଲ୍ଲାପାଳ ଧନ୍ୟବାଦ୍ ଦେଇଛନ୍ତି l Umakanta Mohapatra (Rita vision News)

ଯାଜପୁର - ଆଜି ତା ୬-୪-୨୦୨୦ ରିଖ ରାତି ୮ଟାରୁ ଲାଗୁ ହୋଇଥିବା ସଟ ଡାଉନ୍ ଶେଷ ହେବାକୁ ଯାଉଛି l ତେଣୁ ଆସନ୍ତା କାଲି ତା ୭-୪-୨୦୨୦ ରିଖ ଠାରୁ ସକାଳ ୬ ରୁ ୧୦ ଟା ପର୍ଯ୍ଯନ୍ତ ଅତି ଆବଶ୍ୟକ ଦ୍ରବ୍ୟ ପାଇଁ ଦୋକାନ ବଜାର ଖୋଲା ରହିବ, କିନ୍ତୁ ସାମୟିକ ଭାବେ ସମାଜିକ ଦୂରତା ବଜାଇ ରଖିବାକୁ କଡ଼ା ନିର୍ଦ୍ଦେଶ ଦେଇଛନ୍ତି ଯାଜପୁର ଜିଲ୍ଲାପାଳ l ଏହି ଅବସରରେ ସମାଜିକ ଦୂରତା ବଜାଇ ରଖିବାକୁ ସମ୍ପୃକ୍ତ ବ୍ୟବସାୟୀ ନିଜ ଦାୟିତ୍ଵ ନିଜେ କାର୍ଯ୍ୟକାରୀ କରିବା ପାଇଁ ପରାମର୍ଶ ଦିଆଯାଇଛି l ଏହି ଆଦେଶ କୁ ଅମାନ୍ୟ କଲେ ସମ୍ପୃକ୍ତ ବ୍ୟବସାୟୀ ଙ୍କ ଦୋକାନ ସମ୍ପୂର୍ଣ୍ଣ ସିଲ୍ କରିବା ସହିତ ଦୋକାନର ସମସ୍ତ ସମାଗ୍ରୀ ଜବଦ କରାଯିବ l

ଭୁବନେଶ୍ୱର (ବ୍ୟୁରୋ) ୪୮ ଘଣ୍ଟା ପାଇଁ ରାଜଧାନୀ ଭୁବନେଶ୍ୱର ସହିତ ଭଦ୍ରକ ସହରକୁ ପୂରା ଶଟ୍‌ ଡାଉନ୍‌ କରାଯାଇଛି। ଆଜି ରାତି ୮ଟାରୁ ରବିବାର ରାତି ୮ଟା ପର୍ଯ୍ୟନ୍ତ ଏହି ନିର୍ଦ୍ଦେଶ କାର୍ଯ୍ୟକାରୀ ହେବ। ଆଜି ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଏ ସଂପର୍କରେ ସୂଚନା ଦେବା ପରେ ଡିଜିପି ଅଭୟ ଏହା ଏକ ପ୍ରକାର କର୍ଫ୍ୟୁ ବୋଲି କହିଛନ୍ତି ଏବଂ ଏହା ଭିତରେ ହେବାକୁ ଥିବା କଟକଣା ସଂପର୍କରେ ସୂଚନା ଦେଇଛନ୍ତି। ସେ କହିଛନ୍ତି, ଏହି ସମୟରେ ଗ୍ରୋସରୀ, ଫଳ ଓ ପନିପରିବା ଦୋକାନ ବନ୍ଦ ରହିବ। ତା’ସହିତ ମାଛ, ମାଂସ, ଅଣ୍ଡା ଓ କ୍ଷୀର ଦୋକାନ ମଧ୍ୟ ବନ୍ଦ ରହିବ। କେବଳ ଔଷଧ ଦୋକାନ ଖୋଲିବ। କିନ୍ତୁ ସେଗୁଡ଼ିକର ସଂଖ୍ୟା କମାଇ ଦିଆଯିବ। କେଉଁ ଔଷଧ ଦୋକାନ ଖୋଲିବ ସ୍ଥାନୀୟ ଅଧିକାରୀ ନିଷ୍ପତ୍ତି ନେବେ। ସେହିଭଳି ଅତି ଜରୁରୀ ନଥିଲେ ହସ୍ପିଟାଲ ନଯିବାକୁ କହିଛନ୍ତି ଡିଜିପି। ସେ କହିଛନ୍ତି, ଜରୁରୀ ପରିସ୍ଥିତିରେ ହସ୍ପିଟାଲ ଯିବାକୁ ଆମ୍ବୁଲାନ୍ସ ସଂଖ୍ୟା ବଢ଼ାଯିବ।ତେବେ ଜାତୀୟ ରାଜପଥରେ ମାଲ ପରିବହନ ସେବା ଚାଲୁ ରହିବ।

ଜଙ୍ଗଲ ଭିତରୁ ଗଳିତ ଶବ ଉଦ୍ଧାର ଯାଜପୁର (ଟମକା) : ଟମକା ପୁଲିସ୍ ଗୁରୁବାର ଟମକା ମହାଗିରୀ ପାହାଡ଼ ପାଖରୁ ଏକ ଯୁବକ ର ଗଳିତ ମୃତ ଦେହ ଉଦ୍ଧାର କରିଛି । ଶବକୁ ବ୍ୟବଛେଦ ପାଇଁ ଦାନଗଦି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ପଠାଇ ଘଟଣାର ଅନୁସନ୍ଧାନ ଜାରି ରଖିଥିବା ବେଳେ ସନ୍ଧ୍ୟାରେ ଯୁବକର ପରିଚୟ ମିଳିଛି । ମୃତ ଯୁବକ ଜଣଙ୍କ ଦେଉଳ କଣ ପଞ୍ଚାୟତ ଖଣ୍ଡୁରାଇ ପାଟଣା ଗ୍ରାମର ସ୍ଵର୍ଗତ ରଇବୁ ମହାନ୍ତଙ୍କ ପୁଅ ସନାତନ ବୋଲି ଜଣା ପଡିଛି । ମିଳିଥିବା ଖବର ମୁତାବକ ଜଙ୍ଗଲ ଭିତରେ ଏକ ମୃତଦେହ ପଡିଥିବା କୌଣସି ସୂତ୍ରରୁ ଖବର ପାଇ ଟମକା ପୁଲିସ ଘଟଣାସ୍ଥଳରେ ପଂହଚି ଘଟଣାର ଅନୁସନ୍ଧାନ କରିଥିବା ବେଳେ ପ୍ରାଥମିକ ପର୍ଯ୍ୟାୟରେ ଯୁବକର ପରିଚୟ ମିଳିନଥିବା ବେଳେ ପୁଲିସ ଉଦ୍ଧାର କରି ଶବ ବ୍ୟବଛେଦ ପାଇଁ ପଠାଇଥିଲା । ପରେ ଖବର ପାଇଁ ସନାତନଙ୍କ ପରିବାର ଲୋକ ପୋଲିସ ଉଦ୍ଧାର କରିଥିବା ଶବ ର ଫଟୋ ଦେଖି ସନ୍ଧ୍ୟାରେ ସେ ସନାତନ ବୋଲି ଚିହ୍ନଟ କରିଥିଲେ l ସେତା୨୯-୩-୨୦୨୦ ରବିବାର ରୁ ଘରୁ ନିଖୋଜରହିଥିଲେ ବୋଲି ପରିବାର ପକ୍ଷରୁ ସୂଚନା ମିଳିଛି l