ଥାର୍ଡ଼ ଆଇଆରବି ପକ୍ଷରୁ ୭୩ତମ ଗଣତନ୍ତ୍ର ଦିବସ ପାଳିତ l
ଯାଜପୁର(ସୁକିନ୍ଦା ):- ସୁକିନ୍ଦାଗଡ଼ ନିକଟସ୍ଥ ରଙ୍ଗିଟାଙ୍ଗରଠାରେ ଅବସ୍ଥିତ ଥାର୍ଡ଼ ଇଣ୍ଡିଆ ରିଜର୍ଭ ବାଟାଲିଅନ (ଆଇଆରବି)କଳିଙ୍ଗ ନଗର ପକ୍ଷରୁ କରୋନା ନିୟମ ଅନୁଯାୟୀ ୭୩ତମ ଗଣତନ୍ତ୍ର ଦିବସ ପାଳିତ ହୋଇଯାଇଛି l ଏହି ଉପଲକ୍ଷେ ବାଟାଲିଅନ କମାଣ୍ଡାଣ୍ଟ କାନ୍ହୁ ଚରଣ ହାଁସଦା ପରେଡ ପଡିଆଠାରେ ଆୟୋଜିତ ଉତ୍ସବରେ ଜାତୀୟ ପତାକା ଉତ୍ତୋଳନ କରି ପରେଡରେ ଅଭିବାଦନ ଗ୍ରହଣ କରିଥିଲେ l କୋଭିଡ କଟକଣା ଯୋଗୁଁ ପରେଡରେ ୩ଟି ପ୍ଲାଟୁନ ଓ ଝଣ୍ଡା ବାହିନୀ ଅଂଶ ଗ୍ରହଣ କରିଥିଲେ l
ସୁବେଦାର ଜ୍ଞାନରଞ୍ଜନ ରାଉତରାୟ ପରେଡ ପରିଚାଳନା କରିଥିବାବେଳେ ସୁବେଦାର ଜ୍ଞାନରଞ୍ଜନ ରାଉତ, ସୁବେଦାର ଶ୍ରୀଧର ସାହୁ ଓ ସୁବେଦାର ନହର କେରକେଟା ତାଙ୍କୁ ସହାୟତା କରିଥିଲେ l
ଡେପୁଟି କମାଣ୍ଡାଣ୍ଟ କ୍ଷିତିଶ ଚନ୍ଦ୍ର ଖଟୁଆ ୧ନମ୍ବର ପ୍ଲାଟୁନର, ହାବିଲଦାର ମେଜର ବିବେକାନନ୍ଦ ଦାସ ୨ନମ୍ବର ପ୍ଲାଟୁନର, ଡେପୁଟି ସୁବେଦାର ଉମାକାନ୍ତ ସେଠୀ ୩ନମ୍ବର ପ୍ଲାଟୁନର ଓ ହାବିଲଦାର ମେଜର ବିଦ୍ୟାଧର ଧଳ ଝଣ୍ଡା ବାହିନୀର ନେତୃତ୍ୱ ନେଇଥିଲେ l
Comments
Post a Comment
Thank you watching the News, Visit again. Please Share your thoughts with your family and friends. Thank you.