ଟାଟା ଷ୍ଟିଲ୍ ଫାଉଣ୍ଡେସନ୍ ଦ୍ବାରା ଭ୍ରାମ୍ୟମାଣ ସାକ୍ଷରତା ପ୍ରକଳ୍ପର ଶୁଭାରମ୍ଭ l
ଭ୍ରାମ୍ୟମାଣ ଦକ୍ଷତା ବିକାଶ ଲ୍ୟାବ୍ ବୁଧବାର ଯାଜପୁର ଜିଲ୍ଲା ଦାନଗଦିସ୍ଥିତ ଟମକା ହାଇସ୍କୁଲରେ ଉଦ୍ଘାଟିତ ହୋଇଯାଇଛି । ଓଡ଼ିଶା ସରକାରଙ୍କ ଗ୍ରାମ୍ୟ ଉନ୍ନୟନ, ଦକ୍ଷତା ବିକାଶ ଓ ବୈଷୟିକ ଶିକ୍ଷା ମନ୍ତ୍ରୀ ଇଞ୍ଜିନିୟର ପ୍ରୀତିରଞ୍ଜନ ଘଡାଇ ଟାଟା ଷ୍ଟିଲ, ଟାଟା ଷ୍ଟିଲ୍ ଫାଉଣ୍ଡେସନ୍,ଏଚ୍ପି ଇଣ୍ଡିଆ ଏବଂ ସୋସାଇଟି ଫର୍ ଅଲରାଉଣ୍ଡ ଡେଭଲପମେଟ୍( ଏସ୍ଆରଡି)ର ଅଧିକାରୀଙ୍କ ଉପସ୍ଥିତିରେ ଏହି କାର୍ଯ୍ୟକ୍ରମକୁ ଉଦ୍ଘାଟନ କରିଥିଲେ । କମ୍ପ୍ୟୁଟରକୁ ଭ୍ରାମ୍ୟମାଣ ଯାନରେ ଆଣି ଛାତ୍ରଛାତ୍ରୀ, ଶିକ୍ଷକ ଏବଂ ସ୍ଥାନୀୟ ଯୁବକମାନଙ୍କୁ ଟେକ୍ନୋଲୋଜିର ସୁବିଧା ପହଂଚାଇବା ଉଦ୍ଦେଶ୍ୟରେ
କୌଶଲ୍ୟାନ ଏକ ପଦକ୍ଷେପ । ଏହାବ୍ୟତୀତ ଆଇଟିଆଇ ଏବଂ ପଲିଟେକ୍ନିକ୍ ଅନୁଷ୍ଠାନ ଗୁଡ଼ିକ ସହ ମଧ୍ୟ ଯୋଗାଯୋଗ କରାଯିବ ।‘କୌଶଲ୍ୟାନ’ରୁ ଉପକୃତ ହେଉଥିବା ଛାତ୍ରଛାତ୍ରୀମାନେ ଦିକ୍ଷା, ସ୍ଵୟଂ, ଇ-ସ୍କିଲ୍ ଇଣ୍ଡିଆ ଭଳି କେନ୍ଦ୍ର ସରକାରଙ୍କ ଜାତୀୟ ପୋର୍ଟାଲ୍ରେ ମଧ୍ୟ ପରିଚିତ ହେବେ । ୨୦୨୦ର ‘ଜାତୀୟ ଶିକ୍ଷା ନୀତି’ର ଧନ୍ଦାମୂଳକ ଶିକ୍ଷା ଏଜେଣ୍ଡା ସହ ଯୋଡ଼ି ହୋଇ ଏହି ଭ୍ରାମ୍ୟମାଣ କମ୍ପ୍ୟୁଟର ଲ୍ୟାବ୍ ଷଷ୍ଠରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀ ଏବଂ ଅବହେଳିତ ପୃଷ୍ଠଭୂମିର ଯୁବଗୋଷ୍ଠୀମାନଙ୍କ ପାଇଁ ବଜାର ସମ୍ବନ୍ଧୀୟ ଡିଜିଟାଲ୍ ଦକ୍ଷତା ପ୍ରଦାନ କରି ଶିକ୍ଷାଦାନର ବୈପ୍ଳବିକ ପରିବର୍ତନ ଆଣିବ ।
ଛାତ୍ରଛାତ୍ରୀଙ୍କୁ ସମ୍ବୋଧୃତ କରି ଇଞ୍ଜିନିୟର ପ୍ରୀତିରଞ୍ଜନ ଘଡାଇ ସଫଳ ହେବା ପାଇଁ ବିଦ୍ୟାଳୟ ଶିକ୍ଷା ପରି ଦକ୍ଷତା ବିକାଶ ଉପରେ ଗୁରୁତ୍ବରୋପ କରିଥିଲେ । ଏଥିପାଇଁ ଟାଟା ଷ୍ଟିଲ୍ ଫାଉଣ୍ଡେସନ୍, ଏଚ୍ପି ଓ ଏସ୍ଏଆରଡିର ଉଦ୍ୟମକୁ ସେ ପ୍ରଶଂସା କରିଛନ୍ତି । ଟାଟା ଷ୍ଟିଲ୍ ଫାଉଣ୍ଡେସନର ଦକ୍ଷତା ବିକାଶ ମୁଖ୍ୟ କ୍ୟାପଟେନ ଅମିତାଭ ଏହି ସହଯୋଗ ସମ୍ପର୍କରେ ନିଜର ମତ ବ୍ୟକ୍ତ କରି କହିଛନ୍ତି ଯେ
ଏହି ଭାଗିଦାରୀ ଅନୁନ୍ନତ ଅଂଚଳରେ ଡିଜିଟାଲ ଦକ୍ଷତା ବିକାଶ ବ୍ୟବଧାନକୁ ଦୂର କରିବା ପାଇଁ ଆମର ପ୍ରତିବଦ୍ଧତାକୁ ପ୍ରତିଫଳିତ କରୁଛି । ଝାଡ଼ଖଣ୍ଡରେ ଆମର କୌଶଲ୍ୟାନ୍ ପ୍ରୋଜେକ୍ଟ ଏବେ ବାର୍ଷିକ ୬୦୦ରୁ ଅଧୂକ ସ୍କୁଲ ପିଲା ଓ ଯୁବକଯୁବତୀଙ୍କୁ ପ୍ରଶିକ୍ଷଣ ଦେଉଛି । ଏଚ୍ପି
ୱାର୍ଲ୍ ଅନ୍ ଦ୍ଵିଲ୍କ ସହିତ ଏହି ନୂତନ ପଦକ୍ଷେପ କଳିଙ୍ଗନଗର ଏବଂ ବ୍ରାହ୍ମଣୀପାଳ ଅଂଚଳରୁ ବାର୍ଷିକ ପ୍ରାୟ ୪୦୦ ସ୍କୁଲ ପିଲା ଏବଂ ଯୁବକଯୁବତୀଙ୍କ ପାଖରେ ପହଂଚାଇବାକୁ ଲକ୍ଷ୍ୟ ରଖିଛି, କମ୍ପ୍ୟୁଟର ଶିକ୍ଷା ପାଇଁ କମ୍ପ୍ୟୁଟର ଲ୍ୟାବ୍ କିମ୍ବା ପର୍ଯ୍ୟାପ୍ତ ଶିକ୍ଷକ କର୍ମଚାରୀ ଅଭାବ ଥିବା ବିଦ୍ୟାଳୟଗୁଡ଼ିକ ଉପରେ ଧ୍ୟାନ ଦିଆଯିବ । ଏହି ସମ୍ପ୍ରସାରଣ ଏନ୍ଇପି ୨୦୨୦ ଦ୍ବାରା ପ୍ରସ୍ତାବିତ ଶିକ୍ଷାର ଧନ୍ଦାମୂଳକୀକରଣ ସହିତ ସମନ୍ବିତ ।
ଡିଜିଟାଲ ଶିକ୍ଷା ପ୍ରତି ଏଚ୍ପିର ପ୍ରତିବଦ୍ଧତାର ଏକ ଅଂଶ ହେଉଛି ‘ଏଚ୍ପି ୱାର୍ଲ୍ସ ଅନ ହିଲ୍’ । ଏହି ପଦକ୍ଷେପ ଅଧୀନରେ, ଏଚ୍ପି ଛୋଟ ସହର ଏବଂ ଗ୍ରାମୀଣ ଭାରତରେ ଡିଜିଟାଲ ଶିକ୍ଷା, ଉଦ୍ୟୋଗୀ ତାଲିମ ଏବଂ ଅନ୍ୟ ନାଗରିକ ସେବାଗୁଡିକ ଚଳାଇବା ପାଇଁ ପିପିପି ମଡେଲରେ ସ୍ଵୟଂ-ନିୟନ୍ତ୍ରଣ, ଇଂଟରନେଟ୍-ସକ୍ଷମ ଡିଜିଟାଲ ଶିକ୍ଷା ଏବଂ ଶିକ୍ଷଣ ପରୀକ୍ଷାଗାର ପ୍ରଦାନ କରେ । ଏହି ଲ୍ୟାବ୍ ବ୍ୟକ୍ତିବିଶେଷଙ୍କୁ ଆଇଟି ସାକ୍ଷରତା କାର୍ଯ୍ୟକ୍ରମରେ ପ୍ରବେଶ କରିବା ଏବଂ ବିଭିନ୍ନ ସରକାରୀ କାର୍ଯ୍ୟକ୍ରମ ସହିତ ସଂଯୋଗ କରିବାକୁ ଅନୁମତି ଦେବ ।‘କୌଶଲ୍ୟାନ’ ଅଭିଯାନରେ ସୂଚନା ପ୍ରଯୁକ୍ତିବିଦ୍ୟା ବ୍ୟବହାର କରି ଶିକ୍ଷାର ଏକ ସ୍ଥାୟୀ ଏବଂ ଅନ୍ତର୍ଭୁକ୍ତ ମଡେଲ ନିୟୋଜିତ ହୋଇଛି ।ଏହାର ଏକ ଅଂଶ ଭାବରେ ଏଚ୍ପି ଏହାର ସିଏସ୍ର ନିୟୋଜନର ଏକ ଅଂଶ ଭାବରେ ‘ଏଚ୍ପି ୱାର୍ଲ୍ସ ଅନ ସ୍କିଲ୍ସ’ ନାମକ ହାଇଟେକ୍ସ୍ ପ୍ରଦାନ କରିଥିବା ବେଳେ ଟାଟା ଷ୍ଟିଲ୍ ଫାଉଣ୍ଡେସନ୍ ଏହି ପ୍ରକଳ୍ପର ପରିଚାଳନା ସମର୍ଥନ କରିବ ଏବଂ ଏକ ପ୍ରତିଷ୍ଠିତ ସ୍ଵେଚ୍ଛାସେବୀ ସଂଗଠନ ଏସ୍ଆରଡି (ସୋସାଇଟି ଫର୍ ଅଲ ରାଉଣ୍ଡ ଡେଭଲପମେଟ) ଓଡ଼ିଶାର ଯାଜପୁର ଏବଂ କେନ୍ଦୁଝର ଜିଲ୍ଲାରେ ଏହି ପ୍ରକଳ୍ପକୁ
କାର୍ଯ୍ୟକ୍ଷମ କରିବ ।
Comments
Post a Comment
Thank you watching the News, Visit again. Please Share your thoughts with your family and friends. Thank you.