ଟାଟା ଷ୍ଟିଲ୍ ଫାଉଣ୍ଡେସନ୍ର ରିସ୍ତା ପ୍ରୋଜେକ୍ଟ ପକ୍ଷରୁ ‘ସାଥୁଆ ସମାରୋହ’ ଅନୁଷ୍ଠିତ l
ଏହି ଅବସରରେ ପ୍ରତିଯୋଗୀମାନଙ୍କୁ ପ୍ରଜନନ ସ୍ଵାସ୍ଥ୍ୟ ସମ୍ବନ୍ଧୀୟ ସୂଚନା, ଶିକ୍ଷା ଓ ଯୋଗାଯୋଗ (ଆଇଇସି) ସାମଗ୍ରୀ ସମ୍ବଳିତ ‘ ସାଥୁଆ 'କିଟ୍’ ବଣ୍ଟନ କରାଯାଇଥିଲା ।ପ୍ରଜନନ ସ୍ୱାସ୍ଥ୍ୟ ସମ୍ବନ୍ଧୀୟ ଜ୍ଞାନ ଏବଂ ସମ୍ବଳ ସହିତ କିଶୋର ଓ କିଶୋରୀମାନଙ୍କୁ ସଶକ୍ତ କରିବା ଦିଗରେ ‘ସାଥୁଆ ସମାରୋହ’ ଏକ ଗୁରୁତ୍ଵପୂର୍ଣ୍ଣ ପଦକ୍ଷେପ । ପ୍ରୋଜେକ୍ଟ ରିସ୍ତା ହେଉଛି ଏକ ଗୋଷ୍ଠୀ ଭିତିକ ଏବଂ ଯୁବ ନେତୃତ୍ବାଧୀନ କାର୍ଯ୍ୟକ୍ରମ ଯାହା ଗ୍ରାମୀଣ ଅଞ୍ଚଳରେ କମ୍ ବୟସର ବିବାହକୁ ହ୍ରାସ କରିବାକୁ ଲକ୍ଷ୍ୟ ରଖୁଛି । ବାଲ୍ୟ ବିବାହ ନିବାରଣ, କିଶୋର ପ୍ରଜନନ ଯୌନ ସ୍ୱାସ୍ଥ୍ୟ (ଏଆଁଏସ୍ଏଚ୍) ଶିକ୍ଷା ଏବଂ ଯୁବ ବିକାଶ ସୁଯୋଗ ଉପରେ ଯୁବବର୍ଗମାନଙ୍କୁ ପରାମର୍ଶ ଦେବା ପାଇଁ ଏହି କାର୍ଯ୍ୟକ୍ରମରେ ସାଥୁଆମାନଙ୍କୁ ପ୍ରଶିକ୍ଷଣ ଦିଆଯାଇଛି ।ଯାଜପୁର ଜିଲ୍ଲାରେ ୨୦୧୩ ମସିହାରେ କାର୍ଯ୍ୟକାରୀ ହୋଇଥିବା ରିସ୍ତା ପ୍ରକଳ୍ପ ଏବେ ଯାଜପୁରର ସୁକିନ୍ଦା ଓ ଦାନଗଦୀ ବ୍ଳକର ୪୮ଟି ଗ୍ରାମ ପଂଚାୟତର ୨୦୯ଟି ଗାଁରେ ପହଂଚିଛି । ଗତ କିଛି ବର୍ଷ ମଧ୍ୟରେ ବାଲ୍ୟ ବିବାହ ସଂଖ୍ୟା ହ୍ରାସ କରିବା ଦିଗରେ ଅନେକ ଅଗ୍ରଗତି ହୋଇଛି ।ଏହା ସମୁଦାୟମାନଙ୍କରେ କିଶୋର ପ୍ରଜନନ ଯୌନ ସ୍ୱାସ୍ଥ୍ୟ (ଏଆଁଏସ୍ଏଚ୍) ଶିକ୍ଷା ବିଷୟରେ ସଚେତନତା ବୃଦ୍ଧି କରିଛି ଏବଂ କିଶୋର ଓ କିଶୋରୀମାନଙ୍କ ମଧ୍ୟରେ ସାଥୁଆମାନଙ୍କୁ ଚିହ୍ନଟ ଏବଂ ପ୍ରଶିକ୍ଷଣ ଦେଇ ସେମାନଙ୍କର ସାମଗ୍ରିକ ସ୍ଵାସ୍ଥ୍ୟରେ ଉନ୍ନତି ଆଣିଛି ।
Comments
Post a Comment
Thank you watching the News, Visit again. Please Share your thoughts with your family and friends. Thank you.