ଭାରତୀୟ ଡାକ ସେବା ଦୁଇଦିନ ଧରି ଅଚଳ, ଗ୍ରାହକ ଅସନ୍ତୁଷ୍ଟ l

ଯାଜପୁର (କଳିଙ୍ଗନଗର) :- ଭାରତୀୟ ଡାକ ସେବା ଦୁଇ ଦିନ ହେଲା ଅଚଳ l ଆଗକୁ କେତେ ଦିନ ଅଚଳ ହେବ ଜଣା ନାହିଁ, ଦୁଇ ଦିନ ହେଲାଣି ପୋଷ୍ଟ ମାଷ୍ଟର ଙ୍କୁ ପଚାରିଲେ ଗୋଟିଏ ଉତ୍ତର ମିଳୁଛି ଲିଙ୍କ ଫେଲ l ଦାନଗଦୀ ଡାକଘର ସମେତ ଯାଜପୁର ରୋଡ ଡାକଘର ଓ ଆଖପାଖ ସମସ୍ତ ଡାକଘର ଏହି ଲିଙ୍କ ଫେଲ ପାଇଁ ଅଚଳ ହୋଇ ପଡିଥିବା ଜଣାପଡିଛି l ତେଣୁ ଡାକଘର ରେ କୌଣଷି ପ୍ରକାର ଟଙ୍କା ନେଣଦେଣ ବା ସେଭିଙ୍ଗ ଆକାଉଣ୍ଟ,ଆରଡି ଆକାଉଣ୍ଟ,ଆରପିଏଲଆଇ ଆକାଉଣ୍ଟ ଧାରୀ ମାନେ ସେମାନଙ୍କର ଆକାଉଣ୍ଟ ରେ ଟଙ୍କା ଜମା କିମ୍ବା ଉଠାଣ କରିପାରୁ ନାହାଁନ୍ତି l କେତେ ଦିନ ପର୍ଯ୍ୟନ୍ତ ଏପରି ଅବସ୍ଥା ରହିବ ବା କେବେ ଡାକଘର ର ଲିଙ୍କ ସଚଳ ହେବ ଏସବୁ ପ୍ରଶ୍ନର ଉତ୍ତର ଦାନଗଦି ପୋଷ୍ଟ ମାଷ୍ଟର ଦେଇ ପାରି ନଥିଲେ l ତାଙ୍କ କହିବା କଥା ସାରା ଭାରତ ରେ ପୋଷ୍ଟାଲ ଲିଙ୍କ ଫେଲ ଥିଲା, ମରାମତି ପରେ ମଧ୍ଯ ବର୍ତ୍ତମାନ ଲୋକାଲ ଡାକ ସେବା ଗୁଡିକ କାର୍ଯ୍ୟକ୍ଷମ ହେଇ ପାରି ନାହିଁ l ଗ୍ରାହକ, ଜନସାଧାରଣ ବହୁତ ଅସୁବିଧାର ସମ୍ମୁଖୀନ ହେଉଅଛନ୍ତି l ଅଚଳ ଡାକ ବିଭାଗ କୁ ସରକାର କେବେ ସଚଳ କରିବେ ଜନସାଧାରଣ ଅପେକ୍ଷା ରେ ଅଛନ୍ତି l