କଳିଙ୍ଗନଗର ସ୍ଥିତ ଟାଟା ଷ୍ଟିଲ୍ ମେଡିକା ହସ୍ପିଟାଲ ପକ୍ଷରୁ ‘‘ରକ୍ତ ସଂରକ୍ଷଣ କେନ୍ଦ୍ର’ର ଶୁଭାରମ୍ଭ l
ଯାଜପୁର (କଳିଙ୍ଗନଗର) , ୨୨ ଫେବ୍ରୁଆରି, ୨୦୨୩:- ଓଡ଼ିଶାର ଯାଜପୁର ଜିଲ୍ଲା କଳିଙ୍ଗନଗର ସ୍ଥିତ ଟାଟା ଷ୍ଟିଲ୍ ମେଡିକା ହସ୍ପିଟାଲ୍ରେ ବୁଧବାର ଏକ “ରକ୍ତ ସଂରକ୍ଷଣ କେନ୍ଦ୍ର' ଉଦ୍ଘାଟିତ ହୋଇଯାଇଛି । ଅସ୍ତ୍ରୋପଚାର ସମୟରେ ଓ ପରବର୍ତୀ ସମୟର ଜରୁରୀକାଳୀନ ସ୍ଥିତିକୁ ମୁକାବିଲା କରିବା ଲାଗି ପ୍ରସ୍ତୁତ ରହିବା ଏବଂ ଦୁର୍ଘଟଣାଗ୍ରସ୍ତ ରୋଗୀ ଏବଂ ଅନ୍ୟାନ୍ୟ
ଘାତକ ରୋଗ ପାଇଁ ସେବା ପ୍ରଦାନ କରିବାରେ ହସ୍ପିଟାଲ୍କୁ ଏହି ସୁବିଧା ସକ୍ଷମ କରିବ ।
ଏହି କେନ୍ଦ୍ରକୁ ଟାଟା ଷ୍ଟିଲ୍ କଳିଙ୍ଗନଗରର କର୍ପୋରେଟ୍ ସର୍ଭିସେସ୍ ବିଭାଗର ଚିଫ୍ ଦେବଦୁତ୍ ମହାନ୍ତି ଉଦ୍ଘାଟନ କରିଥିଲେ । ଏହି ଅବସରରେ ଟାଟା ଷ୍ଟିଲ୍ ମେଡିକା ହସ୍ପିଟାଲର ମେଡିକାଲ ସୁପରିଟେଡେଟ୍ ଡକ୍ଟର ସୁଧାଂଶୁ ଶେଖର ସୁତାର, ହସ୍ପିଟାଲ୍ର ବିଭିନ୍ନ ବିଭାଗର ବନସଲ୍ଟ୍ ଏବଂ ଟାଟା ଷ୍ଟିଲ୍ କଳିଙ୍ଗନଗରର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।ଏହି କେନ୍ଦ୍ର ଟାଟା ଷ୍ଟିଲ୍ ମେଡିକା ହସ୍ପିଟାଲ୍ର ରକ୍ତ ଆବଶ୍ୟକତାକୁ ପୂରଣ କରିବ ଏବଂ କଳିଙ୍ଗନଗର, ସୁକିନ୍ଦା , ଦାନଗଦି
ଓ ଆଖପାଖ ଅଂଚଳରୁ ଆସୁଥିବା ରୋଗୀମାନଙ୍କୁ ଏହା ସେବା ପ୍ରଦାନ କରିବ । ଏଠାରେ ଏହା ଉଲ୍ଲେଖଯୋଗ୍ୟ ଯେ ଏହି କେନ୍ଦ୍ରର ବାର୍ଷିକ କ୍ଷମତା ହେଉଛି ସମ୍ପୂର୍ଣ ମାନବ ରକ୍ତ ଆଇପିତ ୨୦୦୦
ୟୁନିଟ୍ ସଂରକ୍ଷଣ, ଯାହାକୁ ଓଡ଼ିଶାର ଡ୍ରଗସ୍ ଆଣ୍ଡ୍ କଂଟ୍ରୋଲ ଡାଇରେକ୍ଟରେଟ୍ର ଙ୍କ ଅନୁମୋଦନ ମିଳିଛି ଏବଂ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟର ଓଡ଼ିଶା ରକ୍ତ କେନ୍ଦ୍ର ଅଧୀନରେ ଏହା ପରିଚାଳିତ ହେବ । ଅଭିଜ୍ଞ ତଥା ଯୋଗ୍ୟ ବ୍ଳଡ଼ ବ୍ୟାଙ୍କ
ମେଡିକାଲ୍ ଅଧିକାରୀ ଓ ଟେକ୍ନିସିଆନ୍ ମାନଙ୍କ ଦ୍ଵାରା ଏହି ରକ୍ତ ସଂରକ୍ଷଣ ୟୁନିଟ୍ ପରିଚାଳିତ ହେବ ।
“ ପୂର୍ବରୁ ଏହି ଅଂଚଳର ରୋଗୀମାନେ ରକ୍ତ ପାଇଁ ବହୁ ସମସ୍ୟାର ସାମ୍ନା କରୁଥିଲେ । ଗୋଟିଏ ୟୁନିଟ୍ ରକ୍ତ ପାଇଁ ପୂର୍ବରୁ ଯାଜପୁର ଟାଉନ୍ ଯିବାକୁ ପଡ଼ୁଥିଲା। ଏଭଳିକି ରକ୍ତଦାନ କରିବା ଲାଗି ରକ୍ତଦାତାମାନେ ହସ୍ପିଟାଲରେ ପହଂଚିପାରୁନଥିଲେ । ସେହି ସମସ୍ୟାକୁ ଦୃଷ୍ଟିରେ ରଖି ସ୍ଥାପନ କରାଯାଇଥିବା ଏହି ରକ୍ତ ସଂରକ୍ଷଣ ୟୁନିଟ୍ କଳିଙ୍ଗନଗର ଓ ତାହାର ଆଖପାଖ ସମସ୍ୟାକୁ ସମାଧାନ କରିବାରେ ସକ୍ଷମ ସାବ୍ୟସ୍ତ ହେବ ବୋଲି ଟାଟା ଷ୍ଟିଲ୍ ମେଡିଳା ହସ୍ପିଟାଲ୍, କଳିଙ୍ଗନଗରର ମେହିକାଲ୍ ସୁପରିଟେଟ୍ ଡକ୍ଟର ସୁଧାଂଶୁ ଶେଖର ସୁତାର କହିଛନ୍ତି ।”ଉତ୍ସର୍ଗୀକୃତ ମେଡିକାଲ୍ କର୍ମଚାରୀ ଏବଂ ଟେକ୍ନିସିଆନ୍ଙ୍କୁ ନେଇ ଏହି ବ୍ୟବସ୍ଥା ହେଉଛି ହସ୍ପିଟାଲ ପାଇଁ ଏକ ସ୍ଵାଗତଯୋଗ୍ୟ ପଦକ୍ଷେପ ଏବଂ ସମାଜ ପାଇଁ ବିଶେଷ ଭାବେ ଲାଭଦାୟକ ହେବ । ଏଠାରେ ଏହା ସୂଚନାଯୋଗ୍ୟ ଯେ ବାଟା ଷ୍ଟିଲ୍ ମେଡିକା ହସ୍ପିଟାଲ, କଳିଙ୍ଗନଗର ଅଂଚଳରେ ବାସ କରୁଥିବା ଲୋକମାନଙ୍କୁ ବିଶ୍ବ ସ୍ତରୀୟ ସ୍ୱାସ୍ଥ୍ୟ ସେବା ପ୍ରଦାନ କରିବା ଲାଗି ଉଦ୍ୟମ କରୁଛି ।
Comments
Post a Comment
Thank you watching the News, Visit again. Please Share your thoughts with your family and friends. Thank you.