ମନରେଗା କର୍ଯ୍ୟ ରେ ନିୟୋଜିତ ହେଉଛନ୍ତି ବି-ଟେକ୍ ଇଂଜିନିୟର ଶ୍ରମିକ ।
(ସୁକିନ୍ଦା ବ୍ଲକ ରେ ମନରେଗା ରେ ମହାଦୁର୍ନୀତି)
ଯାଜପୁର (କାଳିଆପାଣି) - ସୁକିନ୍ଦା ବ୍ଲକ ଅନ୍ତର୍ଗତ ପିଂମ୍ପୁଡିଆ ପଞ୍ଚାୟତ ରେ ମନରେଗା ଯୋଜନା ରେ ମହାଦୁର୍ନୀତି । ପିଂମ୍ପୁଡିଆ ନୋଡାଲ ସ୍କୁଲ ପଛପଟେ ଥିବା ସ୍ଥାନ ରେ ମନରେଗା ଯୋଜନା ରେ ୩ ଲକ୍ଷ ଟଙ୍କା ଗଛ ଲଗା ଓ ବାରବେଡ଼ା ପାଚେରୀ କାର୍ଯ୍ୟ କରାଯାଇଥିଲା । ୨୦୨୧ - ୨୨ ଆର୍ଥିକ ବର୍ଷ ରେ ଉକ୍ତ ପ୍ରକଳ୍ପ ଟିରେ ସମ୍ପୂର୍ଣ୍ଣ ମନରେଗା ଯୋଜନା ରେ ଅର୍ଥ ବ୍ୟୟ ବରାଦ ହୋଇଥିଲା । ଏହି ମନରେଗା କାର୍ଯ୍ୟ ରେ କେନ୍ଦ୍ର ସରକାର ଙ୍କ ନିର୍ଦ୍ଦେଶନାମା ଅନୁଯାଇ ଗରିବ ଓ ଦିନ ମଜୁରିଆ ଶ୍ରେଣୀ ର ଲୋକଙ୍କୁ ନିୟୋଜିତ କରିବା ର ନିୟମ ରହିଛି ହେଲେ ପଂଚାୟତ ର ବାହୁବଳୀ ସରପଞ୍ଚ ନିଜେ ସର୍ବେ ସର୍ବା ଭାବି ନିଜ ସମ୍ପର୍କୀୟ ଲୋକଙ୍କୁ ଏହି କାର୍ଯ୍ୟ ରେ ନିୟୋଜିତ କରୁଛନ୍ତି । ସେ ଗ୍ରାମ ର ଧନୀ ଶାଳୀ ବ୍ୟକ୍ତି ହୁଅନ୍ତୁ ବା ପାଠ ପାଢୁଆ ଯୁବକ ହୁଅନ୍ତୁ ମନରେଗା ଯୋଜନା ର ମାଗଣା ବା ସରକାରୀ ଟଙ୍କା ର ଲାଭ ପାଇବା ଥୟ ଅଟେ । ସୂଚନା ମୁତାବକ ବିଶ୍ଵ ର ଆଗଧାଡ଼ିର ସଣ୍ଟଓୟାର କମ୍ପାନୀ ରେ ବି-ଟେକ ଇଂଜିନିୟର ଭାବେ କାର୍ଯ୍ୟ କରି ୫୦ ହଜାର ଟଙ୍କା ରୁ ଉର୍ଦ୍ଧ୍ବ ଦରମା ପାଉଥିବା କର୍ମଚାରୀ ଜଣକ ଏଠି ମନରେଗା ରେ ଶ୍ରମିକ ଭାବେ କାର୍ଯ୍ୟ କରୁଛି । ଯାହାକି ପ୍ରତ୍ୟେକ ସପ୍ତାହ ରେ ଛଅ ଦିନ ଭାବେ ଦୈନିକ ମଜୁରୀ ପାଉଛନ୍ତି । କିନ୍ତୁ ବିଡ଼ମ୍ବନା ର ବିଷୟ ପଞ୍ଚାୟତ ରେ ଅନେକ ଆଦିବାସୀ ଓ ପଛୁଆ ବର୍ଗ ଗରିବ ଶ୍ରେଣୀର ଲୋକ କର୍ମ ନିଯୁକ୍ତି ପାଇ ପାରି ନାହାନ୍ତି । ପଂଚାୟତ ରେ କିଛି ମୁଷ୍ଟିମେୟ ଲୋକ ଓ ପଞ୍ଚାୟତ ଅଧିକାରୀ ( ଜି ଆର ଏସ) ଙ୍କ ମିଳିତ ଉଦ୍ୟମ ରେ ଏ କାର୍ଯ୍ୟ ପତିଚାଳିତ ହେଉଥିବା ନେଇ ସାଧାରଣରେ ଅଭିଯୋଗ ମୁଣ୍ଡ ଟେକିଛି । ୩ ଲକ୍ଷ ଟଙ୍କା ର ପ୍ରକଳ୍ପ ରେ ମାତ୍ର ଦଶ ବାରଟି ହାତ ଗଣତି ଗଛ ରହିଥିବା ବେଳେ ଏବେ ସେଠି ଗାଈ ଚାରୁଥିବା ଦେଖିବକୁ ମିଳୁଛି । ସେହିପରି ଭାବେ ନୂଆଡ଼ିହ ପଥର - କାଞ୍ଚିଆ ଜଳ ବିଭାଜିକା ନାଳରୁ ଉଭୟ ପାର୍ଶ୍ଵ ୪ କିମି ପର୍ଯ୍ୟନ୍ତ ଦଶ ଲକ୍ଷ ଟଙ୍କାର ଗଛ ଲଗାଇବାକୁ ପକଳ୍ପ ଦିଆଯାଇଥିଲା ଯାହାକି ବର୍ତ୍ତମାନ ଉକ୍ତ ସ୍ଥାନ ରେ ଗଛ ଆଉ ଦେଖି ବାକୁ ମିଳୁନାହିଁ । ଏ ପରି ଭାବେ ମିଛ ରେ ସରକାରୀ ଅର୍ଥ କୁ ହରିଲୁଟ କରିବା ସୁକିନ୍ଦା ଅଞ୍ଚଳ ରେ ମନରେଗା ଯୋଜନା ମାଧ୍ୟମ ପାଲଟିଛି l ସରକାର ଏଥିପ୍ରତି ଦୃଷ୍ଟି ଦେଇ ସମ୍ପୃକ୍ତ ଅଭିଯୁକ୍ତ କୁ ଚିହ୍ନଟ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣ ରେ ଦାବି ହେଉଛି ।
Comments
Post a Comment
Thank you watching the News, Visit again. Please Share your thoughts with your family and friends. Thank you.