ମାନବିକତା ଥିଲେ ମଣିଷ ସବୁ ସ୍ଥାନରେ ସମ୍ମାନ ର ପାତ୍ର ହୋଇପାରେ, ଦେଖନ୍ତୁ ସମ୍ପୂର୍ଣ୍ଣ ରିପୋର୍ଟ... l

କୋରାପୁଟ (ବ୍ୟୁରୋ) - ପୁଣିଥରେ ମାନବିକତାର ଦୃଷ୍ଟାନ୍ତ ଦେଇଛନ୍ତି କୋରାପୁଟର ସହକାରୀ ଜିଲ୍ଲାପାଳ ଶ୍ରୀଯୁକ୍ତ ଆଲୋକ କୁମାର ଅନୁଗୁଳିଆ । ଗତକାଲି ମାଲକାନଗିରି ଜିଲ୍ଲାର ବାଲିମେଳାର ଯୁବକ ସନିଆ ଦିସାରୀ ଭାଇଙ୍କୁ କୃତ୍ରିମ ଗୋଡ ଲଗାଇବାକୁ ତାଙ୍କୁ ଭୂବନେଶ୍ୱର ମେଡିକାଲକୁ ପଠାଇଲେ । ତାଙ୍କର ସମସ୍ତ ପ୍ରକାରର ଚିକିତ୍ସା ପାଇଁ ଆବଶ୍ୟକୀୟ ଅର୍ଥ ନିଜେ ବହନ କରିବା ସହିତ କିଛି ସରକାରୀ ସହାୟତା ମଧ୍ଯ ଯୋଗାଇ ଦେଇଛନ୍ତି । ତତ୍ ସହିତ ତାଙ୍କର ସମସ୍ତ ଦେଖାଶୁଣା କରିବା ଦାୟିତ୍ବ ନିଜର ସାନଭାଇ ଶ୍ରୀମାନ୍ କିରଣ କୁମାର ଅନୁଗୁଳିଆ ଙ୍କୁ ସମର୍ପଣ କରିଛନ୍ତି ଏବଂ ଉକ୍ତ ସନିଆ ଭାଇଙ୍କ ସହିତ ଲବ ପାତ୍ର ଯାଇଛନ୍ତି ।

   ସୂଚନା ଅନୁଯାୟୀ ବିଗତ  ୨୦୧୭ ମସିହା ରେ ବାଇକରେ ଯାଉଥିବା ସମୟରେ ଅକସ୍ମାତ ଭାରସାମ୍ଯ ହରାଇ ମହାବାହୁ ବସ ସହିତ ଦୁର୍ଘଟଣାର ଶିକାର ହୋଇଥିଲେ । ସେହି ଘଟଣା ପରେ ତାଙ୍କୁ ଅସ୍ତ୍ରୋପଚାର କରି ଆଣ୍ଠୁ ପର୍ଯ୍ୟନ୍ତ କାଟି ଦିଆଯାଇଥିଲା । କିଛିଦିନ ପୂର୍ବରୁ ଶ୍ରୀଯୁକ୍ତ ଆଲୋକ କୁମାର ଅନୁଗୁଳିଆ ସାର୍ ଉକ୍ତ ଖବର ପାଇ ତାଙ୍କୁ ଏକ କୃତ୍ରିମ ଗୋଡ ଲଗାଇବାର ବ୍ୟବସ୍ଥା କରିଛନ୍ତି । ବିଗତ ବର୍ଷ ମାଲକାନଗିରି ଜିଲ୍ଲାର ଖଇରପୁଟ ବ୍ଲକ ଅନ୍ତର୍ଗତ ମାଝୀଗୁଡାର ସନିଆ ଗୁଟାଙ୍କର ସଫଳ ଚିକିତ୍ସା ପରେ ଶ୍ରୀଯୁକ୍ତ ଆଲୋକ କୁମାର ଅନୁଗୁଳିଆ ସାର୍ ପୁଣିଥରେ ଏହି ପଦକ୍ଷେପ ନେଲେ । ଅନେକ ଲୋକଙ୍କୁ ଅନ୍ଧକାରରୁ ଆଲୋକ ପ୍ରଦାନ କରୁଥିବା ଆଲୋକ କୁମାର ଅନୁଗୁଳିଆ ସାର୍ ଙ୍କୁ ଅଶେଷ ଅଶେଷ ଧନ୍ୟବାଦ । ଆଶା କରୁଛି ସନିଆ ଭାଇଙ୍କର ଚିକିତ୍ସା ସଫଳ ହେଉ ଏବଂ ସେ ସାମାଜ ରେ ସବଳ ହୋଇ କାଯ୍ୟ କରନ୍ତୁ l