ଢେଙ୍କାନାଳ (ବ୍ୟୁରୋ) - ଢେଙ୍କାନାଳ ଜିଲ୍ଲା ପିଙ୍ଗୁଆ st. ଜାଭିଅର ହାଇସ୍କୁଲ ରେ ପାଳିତ ହୋଇଯାଇଛି ଶିଶୁଦିବସ ଏହି ଅବସରରେ ସ୍କୁଲର ପ୍ରଧାନ ଶିକ୍ଷୟତ୍ରୀ ସନ୍ଧ୍ୟାରାଣୀ ସାହୁ ଙ୍କ ତତ୍ତ୍ଵାବଧାନରେ ମୁଖ୍ୟଅତିଥି ଭାବେ ସ୍କୁଲ଼ ର ଏସଏମସି ର ସଭାପତି ଶ୍ରୀଯୁକ୍ତ ପ୍ରଦୀପ କୁମାର ଦାଶ ଯୋଗଦେଇ ଶିଶୁମାନଙ୍କ ଦ୍ଵାରା ତିଆରି ରଙ୍ଗୋଲି କୁ ମନଭରି ଉପଭୋଗ କରିଥିଲେ l ଏହି କର୍ଯ୍ୟକ୍ରମ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି l ଶିକ୍ଷୟତ୍ରୀ ପ୍ରଣତି ପରିଡା ଓ ଚିନ୍ମୟୀ ପ୍ରଧାନ ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲେ l ଏଥିରେ ଷ୍ଟାଣ୍ଡାର୍ଡ 6 ର ବୈଭାଭି ଭଞ୍ଜ ପ୍ରଥମ ସ୍ଥାନ ହାସଲ କରିଛନ୍ତି, ଦ୍ବିତୀୟ ସ୍ଥାନ ରେ ଷ୍ଟାଣ୍ଡାର୍ଡ଼ 1 ର ଲକ୍ଷ୍ମୀପ୍ରିୟା ସାମନ୍ତ ଓ ତୃତୀୟ ସ୍ଥାନ ଅଧିକାର କରିଛନ୍ତି ବିଷ୍ଣୁପ୍ରିୟା ସାହୁ l RITA vision News 

ବ୍ୟୁରୋ ରିପୋର୍ଟ - ପୁରୀ ଜିଲ୍ଲା କୋଣାର୍କ (NAC) ବିଜ୍ଞାପିତ ଅଞ୍ଚଳ ପରିଷଦ ରେ କାର୍ଯ୍ୟକାରୀ ହେବା କୁ ଯାଉଛି ଏକ ସ୍ଵତନ୍ତ୍ର ପ୍ରୋଜେକ୍ଟ, ଯାହା ଦ୍ବାରା କୋଣାର୍କର ସମଗ୍ର ଅଞ୍ଚଳରେ ଆଉ ରହିବ ନାହିଁ ଅନିବାର୍ଯ୍ୟ, ଅସନା l ଏଣେତେଣେ କୁଢ କୁଢ ଅଳିଆ ଅନାବନା ଅଦରକାରୀ ସମାଗ୍ରୀ କୁ ଆୟତ୍ତ କରିବା ପାଇଁ ପ୍ରୟାସ ଜାରି ରଖିଛି କୋଣାର୍କ NAC, ପୁରୀ ଜିଲ୍ଲା ପ୍ରଶାସନ l ଏଥିଲାଗି ତିଆରି କରାଯାଉଛି ଏକ ସ୍ଵତନ୍ତ୍ର ପ୍ରୋଜେକ୍ଟ, ଯାହାର ନାମ ମାଇକ୍ରୋକମ୍ପୋସିଟିଂଗ ସେଣ୍ଟର ( MCC) l ଏହା ଦ୍ବାରା କୋଣାର୍କ ବିଜ୍ଞାପିତ ଅଞ୍ଚଳ ପରିଷଦ ର ସମସ୍ତ ଅଳିଆ ଆବର୍ଜନା ଗୁଡ଼ିକୁ ସଂଗ୍ରହ କରି ଏହିଠାରେ ମେସିନ୍ ଦ୍ବାରା ପରିଚାଳିତ କରାଯିବ l ଏହି ପ୍ରକ୍ରିୟା ଦ୍ଵାରା ଗୋଟେ ସ୍ଵଚ୍ଛ, ସ୍ଵାସ୍ଥ୍ୟକର ପରିବେଶ ସୃଷ୍ଟି କରାଯାଇପାରିବ ଏବଂ କୋଣାର୍କ ବିଜ୍ଞାପିତ ଅଞ୍ଚଳ ପରିଷଦ ଏକ ସ୍ଵଚ୍ଛ NAC ଭାବେ ପରିଗଣିତ ହେବା ସହ ଅନ୍ୟ ସହର ମାନଙ୍କୁ ଏ ନେଇ ବାର୍ତ୍ତା ପହଞ୍ଚି ପାରିବ l Rita vision News 

ଢେଙ୍କାନାଳ (ବ୍ୟୁରୋ) - ଢେଙ୍କାନାଳ ଜିଲ୍ଲା ଭୁବନ ରେ ପାଳିତ ହୋଇଯାଇଛି ବୋଇତ ବନ୍ଦାଣ ଉତ୍ସବ l କାର୍ତ୍ତିକ ମାସ ଶୁକ୍ଳପକ୍ଷ ରେ କାର୍ତ୍ତିକ ପୂଣ୍ୟ ମାସ ରେ ବ୍ରତ ପାଳନ କରିବା ସହିତ ମନ୍ଦିର ରେ ଅଁଳା ନବମୀ ଠାରୁ କାର୍ତ୍ତିକ ପୂର୍ଣ୍ଣିମା ପର୍ଯ୍ୟନ୍ତ ବିଭିନ୍ନ ପୂଜାପାଠ ସହ ଉପବାସ କରିଥାନ୍ତି ସ୍ଥାନୀୟ ଲୋକେ l ଏବଂ କାର୍ତ୍ତିକ ପୂର୍ଣ୍ଣିମା ବା ରାହସ ପୂର୍ଣ୍ଣିମା ଦିନ ସକାଳୁ ଓଡ଼ିଆ ପରମ୍ପରା ଅନୁଯାୟୀ ବୋଇତ ବନ୍ଦାଣ ଉତ୍ସବ ପାଳିତ ହୋଇଥାଏ l ଏହି ଅବସରରେ ଢେଙ୍କାନାଳ ଜିଲ୍ଳା ଭୁବନ ଠାରେ ବହୁ ଆଡ଼ମ୍ବର ସହିତ ପାଳିତ ହୋଇଯାଇଛି ଏହି ଉତ୍ସବ l ଭୁବନ ର ତୈଳିକ( ୟୁଥ୍) ତୃପ୍ତି ପକ୍ଷରୁ ବ୍ରାହ୍ମଣୀ ନଦୀରେ ବୋଇତ ବନ୍ଦାଣ ଉତ୍ସବ ମହାସମାରୋହରେ ପାଳିତ ହୋଇଯାଇଛି l ଏବଂ ଏହି ଅବସରରେ ତିନିଦିନ ଧରି ଅନୁଷ୍ଠିତ ହେବାକୁ ଯାଉଛି ବାଲିଯାତ୍ରା l ଦୂରଦୂରାନ୍ତରୁ ବହୁ ସଂଖ୍ୟାରେ ଦର୍ଶକମାନେ ଉପଭୋଗ କରିଥାନ୍ତି ଏହି ଯାତ୍ରାକୁ l ଏହି ବୋଇତ ବନ୍ଦାଣ ଉତ୍ସବ ମହାସମାରୋହରେ ତୃପ୍ତି ଅନୁଷ୍ଠାନ ପକ୍ଷରୁ ବିଭିନ୍ନ ପ୍ରତିଭା ମାନଙ୍କୁ ଉପଯୁକ୍ତ ସମ୍ମାନ ପ୍ରଦାନ କରାଯାଇଛି l ଭୁବନ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥାକୁ କୁ କଡ଼ାକଡ଼ି କରିଥିବା ବେଳେ ସଂଗଠନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି l ସଂଯୋଜକ ପୂର୍ଣ୍ଣଚନ୍ଦ୍ର ସାହୁ ଙ୍କ ତତ୍ତ୍ଵାବଧାନରେ ମୁଖ୍ୟଅତିଥି ଭାବେ ଯୋଗଦେଇ ଥିଲେ ଭୁବନ ଥାନା ଅଧିକାରିଣୀ ନିର୍ମଳା ଗୋଚ୍ଛାୟତ...

ଯାଜପୁର (ବ୍ୟୁରୋ) - ଯାଜପୁର ଜିଲ୍ଲାର କଳିଙ୍ଗନଗର ଶିଳ୍ପାଞ୍ଚଳ ର ଟାଟା ଷ୍ଟିଲ କାରଖାନାରେ ୨୦୦୪ ରେ ପ୍ରଥମେ ଜନଶୁଣାଣି ହୋଇଥିଲା ପ୍ରକଳ୍ପ ନିର୍ମାଣ ଅଞ୍ଚଳ ର କୋଡ଼ିଏ କିମି ଦୂରରେ ଅବସ୍ଥିତ ଯାଜପୁର ରୋଡ଼ ଠାରେ l ସେତେବେଳେ କମ୍ପାନୀ ଜନସାଧାରଣ ଙ୍କୁ ଭୁଆଁ ବୁଲେଇଲା ଭଲି କାର୍ଯ୍ୟ କରି ତାର ଆଶା ପୂରଣ କରିବାରେ ସଫଳ ହୋଇଥିଲା l ପ୍ରକଳ୍ପର ଦିତୀୟ ପ୍ରଜାୟ ପ୍ରସ୍ତୁତି ରେ ଜନଶୁଣାଣି ଗୋଟିଏ ତାରିଖ ଦିନ ଧାର୍ଯ୍ୟ କରିଥିଲେ ମଧ୍ୟ ତାହା ନିର୍ଦ୍ଧାରିତ ତାରିଖରେ ନ ହୋଇ ସମୟ ଗଡ଼ାଇ ୨୫-୧୦-୨୦୧୯ ତାରିଖରେ କରିଥିଲେ l ଏହାଦ୍ୱାରା ସେ ଜନଶୁଣାଣି ସଫଳ କରାଇଥିଲେ ଏବଂ ଏକଦମ୍ ନାଟକୀୟ ଭାବେ l ସେ ପ୍ରାୟୋଜିତ ଜନଶୁଣାଣି କୁ କଳିଙ୍ଗନଗର ପ୍ରଦୂଷଣ ସଚେତନ ନାଗରିକ ମଞ୍ଜ ପକ୍ଷରୁ ଘୋର ବିରୋଧ କରିବା ସହିତ ଆଉଥରେ ପୁନର୍ବାର ଜନଶୁଣାଣି କରିବାକୁ ଜିଲ୍ଲାପ୍ରଶାସନ କୁ ଅନୁରୋଧ କରୁଛୁ l ଟାଟା ଷ୍ଟିଲ ନିର୍ଦ୍ଧିଷ୍ଠ କେତେକ ଅଞ୍ଚଳର ଲୋକଙ୍କୁ ଭଡ଼ ରେ ଆଣିବା ଓ ନିର୍ଦ୍ଧିଷ୍ଟ କେତେକ ଲୋକଙ୍କ ମଧ୍ୟରେ ଏହିଭଳି ପ୍ରାୟୋଜିତ ଜନଶୁଣାଣି କରି ବାହା ବାହା ନେବା ଏବଂ ପ୍ରଶାସନିକ ଅଧିକାରୀଙ୍କ ଉପସ୍ଥିତରେ ଚାଲିଥିବା ଏହିପରି କାର୍ଯ୍ୟକୁ ମଞ୍ଚ ପକ୍ଷରୁ ବିରୋଧ କରାଯାଇଛି ବୋଲି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଥିଲେ କଳିଙ୍ଗନଗର ପ୍ରଦୂଷଣ ବିରୋଧୀ ସଚେତନତା ନାଗରିକ ମଞ୍ଚ ର ସମସ୍ତ ସଭ୍ଯ l

ପୁରୀ/ଚନ୍ଦ୍ରଭାଗା - ପୁରୀ ଜିଲ୍ଲାର ଚନ୍ଦ୍ରଭାଗା ସମୁଦ୍ର ବେଳାଭୂମି ଓଡ଼ିଶାର ଏକ ପର୍ଯ୍ୟଟନ ସ୍ଥଳୀ ରହିଛି l ପୁରୀ - କୋଣାର୍କ ମଧ୍ୟରେ ଥିବା ଏହି ବେଳାଭୂମି କୁ ବହୁ ପର୍ଯ୍ୟଟକ ଦେଶ ବିଦେଶ ରୁ ଆସିଥାନ୍ତି l ଏହାକୁ ସଫାସୁତୁରା ଓ ସୁରକ୍ଷିତ ରଖିବା ଉଦେଶ୍ୟରେ ଏକ କାର୍ଯ୍ୟକ୍ରମ ହୋଇଯାଇଛି l ଚନ୍ଦ୍ରଭାଗା ବେଳାଭୂମି ର ଫୋଟୋଗ୍ରାଫ୍ ସଙ୍ଘ ଓ କିଛି ସ୍ଵେଚ୍ଛାସେବୀ ସଂଗଠନ ମିଳିତ ସହଯୋଗରେ ଏହି ବେଳାଭୂମି ସଫେଇରେ ନିୟୋଜିତ ହୋଇ ପ୍ଲାଷ୍ଟିକ ତିଆରି ବୋତଲ, ଚା କପ୍, ଥର୍ମ କୋଲ ରେ ତିଆରି ଆବର୍ଜନା ଗୁଡ଼ିକୁ ସଂଗ୍ରହ କରି ବେଳାଭୂମି କୁ ସ୍ଵଚ୍ଛତା ରକ୍ଷା କରିବା ପାଇଁ ପ୍ରୟାସ ଜାରି ରଖିଛନ୍ତି l

ଯାଜପୁର /ଦାନଗଦି - ଯାଜପୁର ରୋଡ଼ ଥାନା ଅନ୍ତର୍ଗତ ଦାନଗଦି ପୋଲିସ ଆଉଟ୍ ପୋଷ୍ଟ ଅଧୀନରେ ଥିବା ମାନଗୋବିନ୍ଦ ପୁର ଗ୍ରାମରେ ଶ୍ରୀଯୁକ୍ତ ବସନ୍ତ କୁମାର ରଣା ଙ୍କ ଘରେ ଆଜକୁ ଦୁଇବର୍ଷ ହେବ କୁଆଖିଆ ଥାନା ଅନ୍ତର୍ଗତ ଡିହକୁଆଁସ ଗ୍ରାମର ସ୍ଵର୍ଗତ କାର୍ତ୍ତିକ ରାଉତ ଙ୍କ ସାନ ପୁଅ ତ୍ରିଲୋଚନ ରାଉତ (୪୬) ଭଡ଼ାନେଇ ରହୁଥିଲେ l କୌଣସି କାରଣରୁ ତାଙ୍କର ସ୍ତ୍ରୀ ତାଙ୍କୁ ଏକୁଟିଆ ଛାଡି ଯାଜପୁର ରୋଡ଼ ଅଞ୍ଚଳରେ ତାଙ୍କ ନିଜ ବାପା ଘରେ ରହୁଛନ୍ତି ଏବଂ ତ୍ରିଲୋଚନ ଏକୁଟିଆ ଭଡାଘରେ ରହି ନିକଟସ୍ଥ କାରଖାନାରେ କାମକରୁଥିବା ଜଣାଯାଏ l ପାରି ବାରିକ କ୍ରୋଧ ରେ ଆଜି ସକାଳ ପ୍ରାୟ ସାଢ଼େ ନଅଟା ସମୟରେ ରହିଥିବା ଭଡ଼ାଘରେ ଭିତରକୁ ପଟୁ କବାଟ କିଳି ବେକରେ ରସି ଲଗାଇ ଆତ୍ମହତ୍ଯା କରିଥିବା ଖବର ପାଇ ଘର ମାଲିକ ପୋଲିସ କୁ ଖବର ଦେଇଥିଲେ l ଦାନଗଦି ପୋଲିସ୍ ଘଟଣା ସ୍ଥଳରେ ପହଂଚି ତାଙ୍କର ଘର ଲୋକଙ୍କ ଉପସ୍ଥିତିରେ କବାଟ ଭାଙ୍ଗି ଶବ ଜବତ କରିବା ସହିତ ପୋଷ୍ଟମର୍ଟମ ପାଇଁ ଦାନଗଦି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ପଠାଇ ଦିଆଯାଇଛି l ପୋଲିସ୍ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି l 

ଯାଜପୁର /ସୁକିନ୍ଦା - ଯାଜପୁର ଜିଲ୍ଲାର ସୁକିନ୍ଦା ବ୍ଲକ ରେ ପ୍ରଧାନ ମନ୍ତ୍ରୀ ଗ୍ରାମ ସଡକ ଯୋଜନା ର କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ନିୟୋଜିତ ଠିକାଦାର ଙ୍କ ମନମୁଖୀ ଓ ନିମ୍ନ ମାନର କାର୍ଯ୍ଯ କୁ ସ୍ଥାନୀୟ ଲୋକଙ୍କ ବିରୋଧ l ସରକାରୀ ଜେଇଇ ଙ୍କ ବାରଣ ସତ୍ତ୍ୱେ ଠିକାଦାର ଜବରଦସ୍ତ କାମ କରି ଚାଲିଛନ୍ତି l ଅଶୋକ ଝର ର ଆମ୍ବଦୁଲ୍ ଠାରୁ କୋଇଲ ରାସ୍ତା ନିର୍ମାଣ ପାଇଁ ୨୦୧୮ ମସିହାରେ ପ୍ରଧାନ ମନ୍ତ୍ରୀ ଗ୍ରାମ ସଡକ ଯୋଜନା ରେ ୩.୩୧୦ କିମି ଦୂର ରାସ୍ତା ନିର୍ମାଣ ପାଇଁ ୧୮୦.୫୩ ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଛି l  ଏହି ରାସ୍ତା ର ପାଞ୍ଚ ବର୍ଷ ରକ୍ଷଣାବେକ୍ଷଣ ପାଇଁ ୫.୯୬ ଲକ୍ଷ ଟଙ୍କା ବ୍ୟୟ ବରାଦ କରାଯାଇଛି l ଏହି କାର୍ଯ୍ୟ ଟି ଓଡିଶା ସରକାରଙ୍କ ଗ୍ରାମଉନ୍ନୟନ ତଦାରଖ ଦାୟିତ୍ଵରେ ଥିବା ବେଳେ ଲୋକମାନଙ୍କ ଅଭିଯୋଗ ନିମ୍ନ ମାନର କାମ ହେଉଛି l ଏ ବିଷୟରେ ଆମ ପ୍ରତିନିଧି ସମ୍ପୃକ୍ତ ବିଭାଗୀୟ ଯନ୍ତ୍ରୀ ଙ୍କୁ ଅନୁପସ୍ଥିତ ନେଇ ଫୋନ୍ ଯୋଗେ ଯୋଗାଯୋଗ କରିଥିଲେ ହେଁ ସେ କହିଥିଲେ କି ସେ କାର୍ଯ୍ୟରେ ନିମ୍ନମାନର ସାମଗ୍ରୀ ବ୍ୟବହାର କରାଯାଉଛି l ତେଣୁ କାର୍ଯ୍ୟକୁ ବନ୍ଦ ରଖିବାକୁ ଅନୁମତି ମିଳିଛି l କିନ୍ତୁ ବିଡ଼ମ୍ବନା ର ବିଷୟ ହେଉଛି ସମ୍ପୃକ୍ତ ଠିକାଦାର ନିଜ ମନମାନି ଚଳାଇଛନ୍ତି l ନିମ୍ନ ମାନର କାମ କରି ବିଲ୍ ହାତେଇ ବାକୁ ପ୍ରୟାସ ଜାରି ରଖିଛନ୍ତି l ଏ ବିଷୟରେ ସଠିକ ଭାବେ ଯାଞ୍ଚ କରି ଠିକାଦାର ଙ୍କ ବିରୋଧରେ କା...