କୋରାପୁଟ (ବ୍ୟୁରୋ) - ଏତେ ପ୍ରଚାର ଓ ପ୍ରସାର ପରେ ମଧ୍ୟ ରାଜ୍ୟରୁ ହଟୁନି କୁକର୍ମ l ସତେ ଯେମିତି ଏହା ଏକ ସଂକ୍ରାମକ ରୋଗ ନିୟନ୍ତ୍ରଣ ବାହାରେ ଥିବା ପରି ମନେ ହୁଏ l ଏହିପରି ଏକ ଘଟଣା ଘଟିଯାଇଛି କୋରାପୁଟ ଜିଲ୍ଲା ଲକ୍ଷ୍ମୀପୁର ଥାନା ଅନ୍ତର୍ଗତ କୋଷାଗୁମୁଡା ଗ୍ରାମରେ l କୋଷାଗୁମୁଡ଼ା ର ୧୬ ବର୍ଷ ର ନାବାଳିକା କୁ ଅପହରଣ ପରେ ବଳାତ୍କାର ଓ ହତ୍ୟା କରିଥିବା ଅଭିଯୋଗ ହୋଇଛି l ନାବାଳିକା ଯୁବତୀ ଜଣକ ଗତକାଲି ୧୩ ତାରିଖ ରାତିରେ ପରିସ୍ରା ନିମନ୍ତେ ବାହାରକୁ ଆସିଥିବା ବେଳେ କେହି ଦୁର୍ବୃତ୍ତ ତାକୁ ଘରର କିଛି ଦୂରକୁ ଟେକିନେଲେ ଓ ବଳାତ୍କାର କରି ହତ୍ୟା କରିଥିଲେ l ଘରଲୋକେ ଝିଅକୁ ନ ପାଇ ଖୋଜଖୋଜି କରି ଘରର କିଛିଦୂର ରେ ଯୁବତୀଙ୍କ ମରଶରୀର ପଡିଥିବା ଦେଖି ପୋଲିସ୍ କୁ ଖବର୍ ଦେଇଥିଲେ l ସ୍ଥାନୀୟ ପୋଲିସ ପହଞ୍ଚି ଶବ ଉଦ୍ଧାର କରି ତଦନ୍ତ ଜାରି ରଖିଛି l ପାରିପାର୍ଶିକ ଅବସ୍ଥା ରୁ ବଳାତ୍କାର ପରେ ହତ୍ୟାକାଣ୍ଡ ଘଟିଥିବା ପୁଲିସ ଅନୁମାନ କରୁଛି l RITA vision News 

ଯାଜପୁର (ବ୍ୟୁରୋ) - ଯାଜପୁର ଜିଲ୍ଲାର ଦାନଗଦି ବ୍ଲକ ର ଗହିରପାଟୁଳୀ ଠାରେ ଥିବା ଓଡିଶା ଆଦର୍ଶ ବିଦ୍ୟାଳୟ ର ବାର୍ଷିକ କ୍ରୀଡା ଉତ୍ସବ ପାଳନ ଅବସରରେ ମୁଖ୍ୟ ଅତିଥି ଭାବେ ଯୋଗଦେଇ ଥିଲେ ବ୍ୟାସନଗର ସ୍ୱୟଂଶାସିତ ମହାବିଦ୍ୟାଳୟ ର ଅବସରପ୍ରାପ୍ତ କ୍ରୀଡ଼ା ଶିକ୍ଷକ ଶ୍ରୀଯୁକ୍ତ ବାବାଜୀ ଚରଣ ସାହୁ l ଏହି ବିଦ୍ୟାଳୟରେ ୬ଷ୍ଠ ରୁ ୯ମ ଶ୍ରେଣୀରେ ପଢୁଥିବା ଛାତ୍ରଛାତ୍ରୀମାନଙ୍କ ପାଇଁ ଏହି କ୍ରୀଡ଼ା ଦିବସ ପାଳନ କରାଯାଇଛି l ମୋଟ ଉପରେ ୨୫୦ ଜଣ ପ୍ରତିଯୋଗୀ ୨୬ ଟି ଖେଳରେ ଭାଗ ନେଇଥିଲେ l ବିଦ୍ୟାଳୟର ଭାରପ୍ରାପ୍ତ ଅଧିକାରୀ ଶ୍ରୀଯୁକ୍ତ ସଞ୍ଜୟ କୁମାର ଲେଙ୍କାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ଅଭିଭାବକ ପରମାନନ୍ଦ ଦାସ ଓ ସମସ୍ତ ଅଭିଭାବକ ମାନେ ଉପସ୍ଥିତ ଥିଲେ l ଏହି କ୍ରୀଡ଼ା କାର୍ଯ୍ୟକ୍ରମ କୁ ପରିଚାଳନା କରିଥିଲେ ବିଦ୍ୟାଳୟର କ୍ରୀଡ଼ା ଶିକ୍ଷକ ଶ୍ରୀଯୁକ୍ତ ରାମଚନ୍ଦ୍ର ପ୍ରଧାନ l କ୍ରୀଡ଼ା  ପରିଚାଳନା ରେ ବିଦ୍ୟାଳୟ ର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ସହଯୋଗ କରିଥିଲେ l ସ୍ଥାନୀୟ ଅଞ୍ଚଳର ବୁଦ୍ଧିଜୀବୀ ଏହି କାର୍ଯ୍ୟକ୍ରମ କୁ ଉପଭୋଗ କରିଥିଲେ l RITA vision News 

ଯାଜପୁର - ଡ଼ୁବୁରୀ - ଚଣ୍ଡିଖୋଲ ଜାତୀୟ ରାଜପଥର ପାଲଟିଛି ମୃତ୍ୟୁ ଯନ୍ତା କାରଣ ପ୍ରାୟ ପ୍ରତ୍ୟେକ ଦିନ ଏହି ରାସ୍ତାରେ ଘଟୁଛି ଦୁର୍ଘଟଣା l ଏହି ରାସ୍ତା ଲୋକମାନଙ୍କ ପାଇଁ ସାଜିଛି ଯମଦୂତ l କିଛି ସମୟ ମଧ୍ୟରେ ଚାଲିଯାଉଛି ସାଧାରଣ ଲୋକଙ୍କ ଜୀବନ l କିଏ ହରାଇ ବସୁଛି ପୁଅ, କିଏ ହରାଉଛି ସ୍ୱାମୀକୁ କ୍ଷଣିକ ପାଇଁ ପୁତ୍ରହରା ଓ ସଙ୍ଖା ସିନ୍ଦୂର ହରାଇ ବିଧବା ସାଜୁଥିବା ଏହି ଲୋକମାନଙ୍କୁ କିଏ ହେବ ଶାହା କିଏ ବା ପୋଛିବ ତାଙ୍କ ଆଖିରୁ ଲୁହ l ଏହିଭଳି ଦୁଇଟି ଦୁର୍ଘଟଣା ଘଟି ଯାଇଛି ଏକ ଜାଗାରେ I ଖବରରୁ ପ୍ରକାଶ ଯେ ଆଜି ଦିନରେ ଚଢେଇଧରା ଥାନା ଅନ୍ତର୍ଗତ ବାଘୁଆ - ବାଲି ସାହି ନିକଟରେ ସୁକିନ୍ଦା ଅଞ୍ଚଳର ଜଣେ ଯୁବକ ମୋଟରସାଇକେଲ ରେ ଦୁର୍ଘଟଣାଗ୍ରସ୍ତ ହୋଇ ପଡିରହିଥିବା ବେଳେ ତାଙ୍କୁ ସାହାଯ୍ୟ କରିବାକୁ ଯାଇ କବାଟବନ୍ଧ ର ଯୁବକ ଜଣକ ରାସ୍ତା କଡ଼ରେ ଛିଡା ହୋଇ ଆମ୍ବୁଲାନ୍ସ କୁ ଫୋନ୍ କରୁଥିବା ବେଳେ ଅନ୍ୟଏକ ଗାଡ଼ି ତାଙ୍କୁ ଧକ୍କା ଦେଇ ଚାଲିଯାଇଥିଲା l ଯାହାଫଳରେ ତାହାର ସେହିଠାରେ ମୃତ୍ୟୁ ଘଟିଛି l ଅନ୍ୟର ଜୀବନ ରକ୍ଷା କରିବା ପାଇଁ ଆଗେଇ ଆସିଥିବା ଲୋକ ନିଜର ଜୀବନ ହାରି ଥିଲା l ଏହିଭଳି ଦୁଇଟି ଦୁର୍ଘଟଣା ସ୍ଥାନୀୟ ଲୋକଙ୍କ ମାନକୁ ଦୁଃଖିତ କରାଇଛି l ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି l ପ୍ରଶାସନର ଦୃଷ୍ଟି ଏହା ଉପରେ କେବେ ପଡ଼ିବ ତାହା ସମୟ କହିବ l Rita vision News 

କୋରାପୁଟ /ଜୟପୁର (ବ୍ୟୁରୋ) - ଜୟପୁର ଅଞ୍ଚଳର ଡଙ୍ଗାଗୁଡା ଅଞ୍ଚଳରେ ଘଟିଯାଇଛି ଏକ ଅଭାବନୀୟ ଘଟଣା l ଗତକାଲି ପୂର୍ବାହ୍ନରେ ଗୋଟଏ ଗାଈ କୁ କୌଣସି ଦୁର୍ବୃତ୍ତ ଏକ ଟାଙ୍ଗିଆ ଦ୍ବାରା ଆକ୍ରମଣ କରିଥିବା ଦେଖିବାକୁ ପାଇଥିଲେ ସ୍ଵେଚ୍ଛାସେବୀ ମହିଳା ଶ୍ରୀମତୀ ପଦ୍ମିନୀ କୃତିବାସ ପାତ୍ର (ଡଲି) l ସେ ଟାଙ୍ଗିଆ ଟି ଗାଈ ର ପଛ ପାଖରେ ଲାଗିରହିଥିବା ଯୋଗୁଁ ସେ ଯନ୍ତ୍ରଣା ରେ ଦୌଡୁଥିବା ଦେଖିବାକୁ ମିଳିଥିଲା l ଶ୍ରୀମତୀ ପାତ୍ର ସଙ୍ଗେ ସଙ୍ଗେ ଆଉ ଜଣେ ସ୍ଵେଚ୍ଛାସେବୀ କାଳିଚରଣ ଦାଶଶର୍ମା ଙ୍କୁ ଅବଗତ କରାଇଥିଲେ l ଗୋମାତାର ରକ୍ଷା କରିବା ପାଇଁ ଆଉ ଦୁଇ ସ୍ଵେଚ୍ଛାସେବୀ ଲାଲୁ ଶର୍ମା ଓ ରଜନୀ ନାୟକ ଙ୍କ ସହଯୋଗ ରେ ଗାଈଟିକୁ ଧରି ପଶୁ ଚିକିତ୍ସା ଅଧିକାରୀ ଙ୍କୁ ଡାକି ଗାଈ ଦେହରୁ ଟାଙ୍ଗିଆ ବାହାର କରି କ୍ଷତ ସ୍ଥାନ କୁ ସିଲାଇକରି ଥିଲେ l ଏହି ମହାନ୍ କାର୍ଯ୍ୟ ପାଇଁ ସାରା ଅଞ୍ଚଳରେ ସମ୍ପୃକ୍ତ ସ୍ଵେଚ୍ଛାସେବୀ ମାନଙ୍କୁ ଧନ୍ୟବାଦ ଜଣାଇଛନ୍ତି l ଆକ୍ରମଣକାରୀ କୁ ଚିହ୍ନଟ କରି ଦୃଢ଼ କାର୍ଯ୍ୟାନୁଷ୍ଠାନ ନେବା କୁ ସାଧାରଣରେ ଦାବି ହେଉଛି l Rita vision News 

ଯାଜପୁର /ସୁକିନ୍ଦା - ସୁକିନ୍ଦା ନିର୍ବାଚନ ମଣ୍ଡଳୀ ର ତଦାରଖ ରେ ଗୃହ ରାଷ୍ଟ୍ରମନ୍ତ୍ରୀ କ୍ୟାପଟେନ୍ ଦିବ୍ୟସଙ୍କର ମିଶ୍ର ଆଜି ସୁକିନ୍ଦା ଥାନା ରେ ପହଞ୍ଚି ଜନସାଧାରଣ ଙ୍କ ସମସ୍ୟା ବୁଝି ଥିଲେ l ସରକାରଙ୍କ 5T କୁ ନେଇ ଏହି ଆଗମନରେ ମନ୍ତ୍ରୀ କ୍ୟାପଟେନ ମିଶ୍ର ଙ୍କ ସହିତ ସୁକିନ୍ଦା ବିଧାୟକ ଇ. ପ୍ରୀତିରଞ୍ଜନ ଘଡାଇ ମଧ୍ୟ ସାମିଲ ଥିଲେ l ସୁକିନ୍ଦା ଥାନା ର ସମସ୍ଯା ସମ୍ପର୍କରେ ଆଲୋଚନା କରିଥିଲେ ମନ୍ତ୍ରୀ କ୍ୟାପଟେନ୍ ମିଶ୍ର l ଦେଖାଯାଉ ଆଗାମୀ ଦିନରେ କିପରି ଥାନାର ଉନ୍ନତି ଆଣିବା ପାଇଁ ସରକାରୀ ସ୍ତରରେ କି ପଦକ୍ଷେପ ନିଆଯାଇଛି l Rita vision News 

ଯାଜପୁର /କଳିଙ୍ଗନଗର - ଯାଜପୁର ଜିଲ୍ଲାର କଳିଙ୍ଗନଗର ମହୋତ୍ସବ ର ଚତୁର୍ଥ ଦିନରେ ମୁଖ୍ୟ ଅତିଥି ଭାବେ ଯୋଗଦେଇ ଥିଲେ ମାନ୍ୟବର ମନ୍ତ୍ରୀ ରାଜସ୍ୱ ଓ ବିପର୍ଯ୍ୟୟ ପରିଚାଳନା, ଓଡିଶା ଏବଂ ସମ୍ମାନୀୟ ଅତିଥି ଭାବେ ଯୋଗଦେଇଥିଲେ ଉପଜିଲ୍ଲାପାଳ ଶ୍ରୀଯୁକ୍ତ ନାରାୟଣ ଚନ୍ଦ୍ର ଧଳ, ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀଯୁକ୍ତ ସନ୍ତୋଷ କୁମାର ସେଠୀ l ଏହି ଅବସରରେ ଦିବ୍ୟାଙ୍ଗ ଜଗନ୍ନାଥ ଙ୍କୁ ସମ୍ବର୍ଦ୍ଧିତ କରାଯାଇଥିଲା l ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡାଇ ଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ପରିଚାଳିତ ଏହି ମହୋତ୍ସବ କୁ ଚତୁର୍ଥ ସନ୍ଧ୍ୟାରେ ଓଡିଶାର ଲୋକସଙ୍ଗୀତ ଓ ନୃତ୍ୟର ଚିତ୍ତାକର୍ଷକ ପ୍ରଦର୍ଶନରେ ଦର୍ଶକମାନେ ଉପଭୋଗ କରିଥିଲେ l ଏହି କର୍ଯ୍ୟକ୍ରମ ପଦ୍ମଶ୍ରୀ ଅରୁଣା ମହାନ୍ତିଙ୍କ ନିର୍ଦ୍ଦେଶନାରେ ଓଡିଶା ଡ୍ୟାସ୍ ଏକାଡେମୀ ର କଳାକାର ମାନଙ୍କ ଦ୍ଵାରା ନୃତ୍ୟ ପରିବେଷଣ କରାଯାଇଥିଲା l ବିଶେଷ କରି ସୁପ୍ରସିଦ୍ଧ କଣ୍ଠଶିଳ୍ପୀ ହ୍ୟୁମାନ୍ ସାଗର ଙ୍କ ସଙ୍ଗୀତରେ ଦର୍ଶକ ବିଭୋର ହୋଇଥିଲେ l ପୋଲିସ୍ ପ୍ରଶାସନ ପକ୍ଷରୁ ବ୍ଯାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି l ଶେଷ ଓ ଉଦଯାପନୀ ଉତ୍ସବରେ ଆହୁରି ଅନେକ ସଫଳତା ହାସଲ କରିପାରିବେ ବୋଲି ମହୋତ୍ସବ କମିଟି ପକ୍ଷରୁ ଆଶା କରାଯାଉଛି l Rita vision News 

ଯାଜପୁର (ବ୍ୟୁରୋ) - ଯାଜପୁର ଜିଲ୍ଲାର ଏକ ପ୍ରମୁଖ ରେଳ ଷ୍ଟେସନ ଯାଜପୁର - କେନ୍ଦୁଝର ରୋଡ଼ l ଏହା କଳିଙ୍ଗନଗର ଶିଳ୍ପା ଅଞ୍ଚଳରେ ଅବସ୍ଥିତ ଏକ ମାତ୍ର ପୁରୁଣା ରେଳ ଷ୍ଟେସନ l ଏହି ରେଳ ଷ୍ଟେସନ ର ବିଭିନ୍ନ ସମସ୍ୟା ରହିଛି, କିନ୍ତୁ ବିଡ଼ମ୍ବନା ର ବିଷୟ ହେଉଛି ଏହି ସମସ୍ୟାର ସମାଧାନ ପାଇଁ ରେଳ ବିଭାଗ ତରଫରୁ କୌଣସି ପଦକ୍ଷେପ ଗ୍ରହଣ କରାଯାଉନାହିଁ l ଏହି ସମସ୍ୟା ର ସମାଧାନ ନିମନ୍ତେ ଏକତ୍ରିତ ହୋଇ ବ୍ୟାସନଗର ନାଗରିକ କମିଟି ପକ୍ଷରୁ ଯାଜପୁର - କେନ୍ଦୁଝର ରୋଡ଼ ରେଳ ଷ୍ଟେସନ ର ଷ୍ଟେସନ ମାଷ୍ଟର ଙ୍କ ଜରିଆରେ ଏକ ସ୍ମାରକ ପତ୍ର ଇଷ୍ଟକୋଷ୍ଟ ରେଳବାଇ ର ଜେନେରାଲ ମ୍ୟାନେଜର ଙ୍କୁ ପ୍ରଦାନ କରାଯାଇଛି l ତୁରନ୍ତ ଏହାର ପଦକ୍ଷେପ ଗ୍ରହଣ କରାଯିବାକୁ ଦାବି କରିଛନ୍ତି ବ୍ୟାସନଗର ନାଗରିକ କମିଟି ର ସମସ୍ତ ସଭ୍ଯ l ଏହି ଅବସରରେ କମିଟି ର ସଭାପତି ଶ୍ରୀଯୁକ୍ତ ଡାକ୍ତର ହେମନ୍ତ କିଶୋର ସାହୁ, ସମ୍ପାଦକ ଦୁର୍ଯ୍ୟୋଧନ ରାଉତ, ସଦାଶିବ ଦାସ, ପ୍ରଫୁଲ୍ଲ ନାୟକ, ବ୍ରଜେଶ୍ୱରୀ ସିଂ ଙ୍କ ସମେତ ସାମ୍ବାଦିକ କୃଷ୍ଣଚନ୍ଦ୍ର ସାମଲ, ପ୍ରଣବ ବିଶ୍ଵାଳ, ଅଭିମନ୍ୟୁ ମିଶ୍ର, ଚନ୍ଦ୍ରମଣି ପାତ୍ର ଉପସ୍ଥିତ ଥିଲେ l Rita vision News