କୋରାପୁଟ (ବ୍ୟୁରୋ) - କୋରାପୁଟ ଜିଲ୍ଲା କୁନ୍ଦୁରା ପୋଲିସ୍ ର ଏକ ଭିନ୍ନ ଧରଣର ପ୍ରୟାସ ଦେଖିବାକୁ ମିଳିଛି l କୁନ୍ଦୁରା ପୋଲିସ୍ ଦ୍ଵାରା ନୂତନ ଟ୍ରାଫିକ୍ ନିୟମକୁ ନେଇ ଏକ ସଚେତନତା କାର୍ଯ୍ଯକ୍ରମ ଅନୁଷ୍ଠିତ ହୋଇଯାଇଛି, ଏକ ସଚେତନତା ରାଲି ଆୟୋଜିତ କରାଯାଇ ଥିବା ବେଳେ ସ୍ଥାନୀୟ ଲୋକଙ୍କ ସହାୟତାରେ ଏବଂ ସେହିଠାରେ ପରିବେଷଣ ହେଉଥିବା ବାଘାଯତୀନ ଲୋକନାଟ୍ଯ ଯାତ୍ରା ଅନୁଷ୍ଠାନ ର କଳାକାରମାନେ ଏହି ଅବସରରେ ଉପସ୍ଥିତ ରହି ସହଯୋଗ କରିଥିଲେ l ଥାନା ଭାରପ୍ରାପ୍ତ ଅଧିକାରୀ ଶ୍ରୀଯୁକ୍ତ ସୂର୍ଯ୍ୟ ପ୍ରକାଶ ନାୟକ ଙ୍କ ନେତୃତ୍ବରେ ଏହି ସଚେତନତା ଅଭିଯାନ ଆରମ୍ଭ ହୋଇଛି l ଜନସାଧାରଣ ଙ୍କୁ ପୁଲ ଓ ଚକଲେଟ୍ ଦେଇ ଯାତ୍ରା କଳାକାରମାନେ, ପୋଲିସ୍ ପ୍ରଶାସନ ପକ୍ଷରୁ ସଚେତନତା ବାର୍ତ୍ତା ପ୍ରଚାର କରାଯାଇଥିଲା l ଏହି କର୍ଯ୍ୟକ୍ରମ କୁ ସ୍ଥାନୀୟ ଜନସାଧାରଣ ପ୍ରସଂଶା କରିଛନ୍ତି l Rita vision News 

ଭୁବନେଶ୍ବର (ବ୍ୟୁରୋ) - ରାଜ୍ୟରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଗୁଣ୍ଡାଗିରି, ରାହାଜାନୀ, ଅଶ୍ଳୀଳ ବ୍ୟବହାର, ବଳାତ୍କାର l ସରକାରଙ୍କ 5T କୁ ନେଇ ସାଧାରଣରେ ଆଲୋଚନା ହେଉଛି, ସରକାର ଯେଉଁ 5T ଓ ମୋ ସରକାର ନିୟମ କରିଛନ୍ତି, ରାଜ୍ୟର ଲୋକମାନଙ୍କ ପାଖରେ ଏହି 5T ର କଣ କାର୍ଯ୍ୟ କାହିକିଁ ସରକାର ଏହାକୁ ଲାଗୁ କରିଛନ୍ତି ତାହା ଅଗୋଚର l କାଲି ଆଇନ୍ ଓ ହାଇକୋର୍ଟ ଙ୍କ ନିୟମ କୁ ଖୁଲମଖୁଲା ଉଲ୍ଲଙ୍ଘନ କରି ବେଆଇନ୍ ପାର୍କିଂ ଫି ଆଦାୟ କରୁଥିବା ଭୁବନେଶ୍ବର ରସୁଲଗଡ଼ ରେ ଥିବା ନାମି ମଲ୍ ଏସପ୍ଲାନେଡ଼ ର ମହିଳା ସାମ୍ବାଦିକ ସ୍ଵାତି ଜେନା ଙ୍କୁ ଯେଭଳି ଭାବରେ ମାଡ ମାରିବା, ଦୁର୍ବ୍ୟବହାର କରିବା ଘଟିଗଲା ତାହା ସାରା ଦେଶରେ ଚର୍ଚ୍ଚା ଚାଲିଛି l ଏଥିରୁ ସ୍ପଷ୍ଟ ହୋଇଯାଇଛି ଯେ ରାଜ୍ୟରେ ଥିବା ସ୍ମାର୍ଟ ସିଟି ରାଜଧାନୀରେ ଘରୋଇ ଡାକ୍ତରଖାନା ଓ ଘରୋଇ ସପିଂ ମଲ ସବୁ ସରକାରୀ କାର୍ଯ୍ୟାଳୟ ଓ ପୋଲିସ୍ ପ୍ରଶାସନ କୁ କିଣିକି ରଖିଛନ୍ତି l ଯାହାଦ୍ୱାରା ସେମାନେ ଆଇନ୍ ର ଉର୍ଦ୍ଧ ରେ ରହି ଏହି ସବୁ ଘୃଣ୍ୟ କାମ କରିବା ସହିତ ଆଇନ୍ କୁ ହାତକୁ ନେବାକୁ ପଛାଉ ନାହାଁନ୍ତି l ଯଦି ଓଡିଶା ସରକାର 5T ର ନାରା ଦେଇଛନ୍ତି ଏହାର ସୁଫଳ ବିଷୟରେ ଜନସାଧାରଣ ଙ୍କୁ ସଚେତନତା କରନ୍ତୁ l ନଚେତ୍ ସମ୍ପୂର୍ଣ୍ଣ ଭାବେ ବନ୍ଦ କରି ଆଉ କି ଆଇନ୍ ଅଛି ତାହା ଆଣନ୍ତୁ, ଯାହାଦ୍ବାରା ରାଜ୍ଯ ର ଜନସାଧାରଣ ଠିକ୍ ନ୍ୟାୟ ପାଇପାରିବେ l ଗଣତାନ୍ତ୍ରିକ ରାଷ୍ଟ୍

କୋରାପୁଟ (ବ୍ୟୁରୋ) - ସମଗ୍ର ରାଜ୍ୟରେ ଏବେ କୋହଲା ପାଗ ସହିତ ଥଣ୍ଡା ର ପ୍ରଭାବ ଅନେକ l ଏମିତିକି କୋରାପୁଟ, ଫୁଲବାଣୀ ଜିଲ୍ଲାର ତାପମାତ୍ରା ଦିନକୁ ଦିନ ଖସିବାକୁ ଲାଗିଛି l ଏହି ପରିପେକ୍ଷିରେ ପ୍ରୟାସ ଫାଉଣ୍ଡେସନ ଦାମନଯୋଡ଼ି ପକ୍ଷରୁ ସେମିଳିଗୁଡା - କାଙ୍ଗ୍ରା ଠାରେ ଗରିବ ଲୋକଙ୍କ ପାଇଁ ସହାୟତା ର ହାତ ବଢାଯାଇଛି l ଛାତ୍ର ମୁଖ୍ୟ ଆଶୁତୋଷ ରଥ ଓ ସାଇ ଜ୍ୟୋତି ପଣ୍ଡା ଙ୍କ ନେତୃତ୍ଵରେ ଦୁଇ ଶହ କମ୍ବଳ ଓ କିଛି ବସ୍ତ୍ର ପିନ୍ଧିବାକୁ ଗରିବ ଲୋକଙ୍କୁ ବଣ୍ଟନ କରାଯାଇଛି l ଏହିଭଳି କାର୍ଯ୍ୟକ୍ରମ ପାଇଁ ଅଞ୍ଚଳର ଜନସାଧାରଣ ଧନ୍ୟବାଦ ଅର୍ପଣ କରିଥିଲେ l RITA vision News 

ଯାଜପୁର /ସୁକିନ୍ଦା - କଳିଙ୍ଗ ନଗର, ଡୁବୁରି କପିଳେଶ୍ବର ଶିବ ପିଠ ଠାରୁ ସୁକିନ୍ଦା ଯୁବ ମୋର୍ଚା ପକ୍ଷରୁ ଯାଜପୁର ଜିଲ୍ଲା ଯୁବ ମୋର୍ଚା ଉପସଭାପତି ରବିନ୍ଦ୍ର କୁମାର ପୁହାଣ ଙ୍କ ନେତୃତ୍ଵରେ ଏକ ଯୁବ ମୋର୍ଚା ପଟୁଆରରେ ଆସି ଡୁବୁରି ଛକ ପର୍ଯ୍ୟନ୍ତ NRC ସପକ୍ଷରେ ଶୋଭାଯାତ୍ରା କରିଥିଲେ ।ଏହି ଅବସରରେ ମଣ୍ଡଳ ସଭାପତି ଅଜିତ୍ ଦାସ୍, ପୁଷ୍ପକ ମହାପାତ୍ର, ପଦ୍ମଲୋଚନ ବାରିକ୍, ସମ୍ବିତ୍ ନାୟକ, ଜନ୍ମେଜୟ ବେହୁରା, ଜିତେନ୍ଦ୍ର ବେହୁରା, ଜ୍ଞାନ ରଞ୍ଜନ ସାହୁ, ରାକେଶ ନାୟକ, ପ୍ରକାଶ ବେହୁରା, କୈଳାସ ନାୟକ, ମାନସ୍ ନାୟକ ଚିରଂଜିବି ବେହୁରା ପ୍ରମୁଖ we support #CAA          We demand # NRC ନାରାଦେଇ ସମର୍ଥନ ଜଣାଇଥିଲେ । Rita vision News 

ଯାଜପୁର - ଯାଜପୁର ଜିଲ୍ଲାର କଳିଙ୍ଗନଗର ଶିଳ୍ପା ଅଞ୍ଚଳରେ ଅବସ୍ଥିତ ଟାଟା ଷ୍ଟିଲ କୁ ମିଳିଛି ଜାତୀୟ ଶକ୍ତି ସଂରକ୍ଷଣ. ୨୦୧୯ ପୁରସ୍କାର l ଶିଳ୍ପ ଉତ୍ପାଦନ ର ତିନି ବର୍ଷ ମଧ୍ୟରେ ମିଳିଛି ଏହି ସମ୍ମାନଜନକ ପୁରସ୍କାର l ଟାଟାଷ୍ଟିଲ କଳିଙ୍ଗନଗର ଦେଶରେ ଦ୍ୱିତୀୟ ସମନ୍ଵିତ ଷ୍ଟିଲ କାରଖାନା ଭାବେ ମଧ୍ୟ ପୁରସ୍କୃତ ହୋଇଛି l ଭାରତ ସରକାରଙ୍କ ଶକ୍ତି ମନ୍ତ୍ରାଳୟ ର ବ୍ୟୁରୋ ଚିପ୍ ଏନର୍ଜି ଏଫି ଏନ୍ସି ପକ୍ଷରୁ ନୂଆଦିଲ୍ଲୀରେ ବିଜ୍ଞାନ ଭବନ ଠାରେ ଡେସେମ୍ବର ୧୪ ତାରିଖ ଦିନ ଅନୁଷ୍ଠିତ କାଯ୍ୟକ୍ରମ ରେ ନୂତନ ଓ ଅକ୍ଷୟ ଶକ୍ତି ମନ୍ତ୍ରୀ (ସ୍ଵାଧୀନ ଦାୟିତ୍ବ) ଶ୍ରୀଯୁକ୍ତ ଆର୍. କେ. ସିଂହ ଏହି ପୁରସ୍କାର ପ୍ରଦାନ କରିଥିଲେ l ଏହି ଅବସରରେ ଦେଶର ମୋଟ ୧୪ ଟି ଇସ୍ପାତ କାରଖାନା ଭାଗ ନେଇଥିଲେ l ବିଗତ ୩ ବର୍ଷ ମଧ୍ୟରେ ଟାଟା ଷ୍ଟିଲ କଳିଙ୍ଗନଗର କାରଖାନାର ୨୧୪ ନିୟୁତ ୟୁନିଟ୍ ଶକ୍ତି ସଞ୍ଚୟ କରି ରେକର୍ଡ ସୃଷ୍ଟି କରିପାରିଛି l ଟାଟା କମ୍ପାନୀ ପକ୍ଷରୁ ଶ୍ରୀଯୁକ୍ତ ଶଙ୍କର ବିଶ୍ୱାସ (ୟୁଟିଲିଟିସ ଆଣ୍ଡ୍ ପାୱାର ସିଷ୍ଟମ ଟାଟା ଷ୍ଟିଲ କଳିଙ୍ଗନଗର) ଶ୍ରୀଯୁକ୍ତ ମଙ୍ଗଲ୍ ଦେଓ ପଣ୍ଡିତ (ଇନ୍ଧନ ପରିଚାଳନା ମୁଖ୍ୟ) ଏହି ପୁରସ୍କାର ଗ୍ରହଣ କରିଥିଲେ l RITA vision News 

ଜୟପୁର - ବୈପାରୀଗୁଡ଼ା ପୋଲିସ୍ ଥାନା ଅନ୍ତର୍ଗତ ଘଟିଛି ଏକ ଦୁର୍ଘଟଣା l ଚକାଡୋଳା ନାମକ ଏକ ଘରୋଇ ବସ୍ ୪୦ ଜଣ ଯାତ୍ରୀଙ୍କୁ ନେଇ ଗୁପ୍ତେଶ୍ଵର ଦର୍ଶନ ପାଇଁ ଯାଇଥିଲା l ଗତ କାଲି ସେଠାରୁ ଦର୍ଶନ ସାରି ଫେରୁଥିବା ବେଳେ ପାଖରେ ଥିବା ଡୋକରି ଘଟି ରେ ବସ୍ ଟି ଭାରସାମ୍ୟ ହରାଇ ଓଲଟି ପଡିଥିଲା l ସେଥିରେ ଥିବା ୪୦ ଜଣ ଯାତ୍ରୀ ଙ୍କ ମଧ୍ୟରୁ ୮ ଜଣ ଗୁରୁତର ଭାବେ ଆହତ ହୋଇଥିବା ସୂଚନା ମିଳିଛି l ଆହାତ ମାନଙ୍କୁ ସ୍ଥାନୀୟ ଡ଼ାକ୍ତରଖାନାରେ ଭର୍ତ୍ତି କରାଯାଇଥିବା ଜଣାପଡ଼ିଛି l  Rita vision News 

କୋରାପୁଟ (ବ୍ୟୁରୋ) - ଜିଲ୍ଲା ର ଉପାନ୍ତରେ ରହିଛି ମହାଦେଇପୁଟ ଗ୍ରାମପଞ୍ଚାୟତର ବିଲାପୁଟ ଗ୍ରାମ l ଗ୍ରାମରେ ବାସକରନ୍ତି ପାଞ୍ଚଶହ ଘର l ଏହି ଉପାନ୍ତ ଅଞ୍ଚଳରେ ସରକାରୀ ବିଦ୍ୟାଳୟ ଅଛି l ବିଦ୍ୟାଳୟର ପ୍ରଥମ ରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପଢୁଥିବା ଛାତ୍ରଛାତ୍ରୀମାନଙ୍କ ପାଇଁ ନାହିଁ କୌଣସି ସୁବିଧା l ଏହି ପ୍ରାଥମିକ ବିଦ୍ୟାଳୟ ରେ ପାଞ୍ଚଟି ଶ୍ରେଣୀରେ ମାତ୍ର ଜଣେ ପ୍ରଧାନ ଶିକ୍ଷକ ଶ୍ରୀଯୁକ୍ତ କେ. ମନ୍ମଥ ରାଓ ସମ୍ଭାଳୁଥିବା ଦେଖିବାକୁ ମିଳିଛି l ତାଙ୍କ ସହିତ କୌଣସି ସହକାରୀ ଶିକ୍ଷକ ନିଯୁକ୍ତ ହୋଇନାହାନ୍ତି l ବନ ପାହାଡ଼ ଘେରା ଏହି ବିଦ୍ୟାଳୟ କୁ ଯାତାୟାତ ପାଇଁ କୌଣସି ରାସ୍ତା ନିର୍ମାଣ ହୋଇନାହଁ, ତେଣୁ ଛାତ୍ରଛାତ୍ରୀମାନଙ୍କୁ ନାଳ ଉପରେ ଅସ୍ଥାୟୀଭାବେ ଥିବା କାଠ ସହାୟତା ରେ ଯିବାଆସିବା କରୁଛନ୍ତି l ସ୍କୁଲ କୋଠରୀ ଭିତରେ ପାଣି ଗଳୁଛି l ଏହି ଆମ ସରକାରଙ୍କ ସର୍ବଶିକ୍ଷା ଅଭିଯାନର ଜ୍ୱଳନ୍ତ ଉଦାହରଣ l ଏହିପରି ଏତେ ଅସୁବିଧା ରେ ପାଠ ପଢ଼ାରେ ପିଲାମାନେ କିପରି ବଢ଼ିବେ ତାହା ଜଳ ଜଳ ହୋଇ ଦେଖାଯାଉଛି l ସରକାର ଏ ଦିଗରେ ତୁରନ୍ତ ପଦକ୍ଷେପ ଗ୍ରହଣ କରି ଗମନାଗମନ ଓ ସ୍କୁଲ ଗୃହକୁ ପୁନ କାର୍ଯ୍ୟକ୍ଷମ କରିବା ପାଇଁ ସାଧାରଣରେ ଦାବି ହେଉଛି l